កម្ពុជាដំណឹង

ហ៊ុន សែន គ្រោង​កាត់បន្ថយ ចំនួន​ថ្ងៃ​ឈប់សម្រាក នៅឆ្នាំក្រោយ

លោកនាយករដ្ឋមន្ត្រី ហ៊ុន សែន ប្រកាសនៅព្រឹកថ្ងៃពុធនេះ ថារដ្ឋាភិបាលលោក គ្រោង​កាត់បន្ថយ ចំនួន​ថ្ងៃ​ឈប់សម្រាក នៅឆ្នាំក្រោយ ដើម្បីអ្វីមួយដែលលោកហៅថា ជាការយកចិត្តសម្រាប់អ្នកវិនិយោគ (ឬម្ចាស់រោងចក្រ)។

ថ្លែងនៅចំពោះនិស្សិតបញ្ចប់ការសិក្សា ជាច្រើនរយនាក់ ក្នុងវិទ្យាស្ថានជាតិអប់រំ រាជធានីភ្នំពេញ លោក ហ៊ុន សែន បានថ្លែងទទួលស្គាល់ថា កម្ពុជាដែលជាប្រទេសក្រីក្រ មានថ្ងៃឈប់សម្រាកច្រើនហួស រហូតដល់ទៅ២៨ ឬ ៣០ថ្ងៃក្នុងមួយឆ្នាំ។

លោកនាយករដ្ឋមន្ត្រី បានស្រង់សំដីត្អូញត្អែរ របស់បណ្ដាថៅកែរោងចក្រ ឬអ្នកវិនិយោគ មកបញ្ជាក់ថា ថ្ងៃឈប់សម្រាករបស់កម្ពុជា ច្រើនហួសជាងប្រទេសអ្នកមានមួយចំនួន នៅក្នុងតំបន់ ដូចជាប្រទេសសិង្ហបូរីជាដើម ដែលមាន​ចំនួន​ថ្ងៃឈប់សម្រាក​ប្រចាំថ្ងៃ ត្រឹមតែ១១ថ្ងៃ។ 

ដូច្នេះ នឹងមានការកាត់បន្ថយ ចំនួនថ្ងៃឈប់សម្រាកនេះ នៅឆ្នាំក្រោយ។ នេះ បើតាមការអះអាងរបស់លោក ហ៊ុន សែន បើទោះជាលោកដឹងថា ថ្ងៃឈប់សម្រាកនេះ ជាបញ្ហារសើបសម្រាប់មន្ត្រីរាជការ កម្មករ-កម្មការិនីក៏ដោយ៕



លំអិតបន្ថែមទៀត

កម្ពុជា

អ្នកកាសែត​«ក្នុងមុង» ឆ្លើយសារ​ចំអក​ដាក់​រដ្ឋមន្ត្រី​ក្រសួង​«មុង»​វិញ​ម្ដង

លោក ជុន ច័ន្ទបុត្រ នាយករង​វិទ្យុអាស៊ីសេរី ទទួលបន្ទុកខេមរភាសា ដែលរងការចំអក ពីរដ្ឋមន្ត្រីក្រសួងព័ត៌មាន ថាជាអ្នកកាសែត«ក្នុងមុង» បានឆ្លើយតបវិញ ដោយសារ​បឈ្ឆិត​បញ្ឆៀង​​ខ្លីមួយ កាលពីម្សិលម៉ិញ ហៅក្រសួងព័ត៌មាន ថាជាក្រសួង«មុង» ...
កម្ពុជា

«ហ៊ុន សែន បានទាក់ទង សម រង្ស៊ី នៅមុន​ការវិលចូល​ស្រុក​ឆ្នាំ២០១៣»

ប្រធានស្ដីទីគណបក្សសង្គ្រោះជាតិ លោក សម រង្ស៊ី បានបង្ហើបឲ្យដឹងថា ក្នុងខែកក្កដា ឆ្នាំ២០១៣ ពោលគឺក្រោយពេលលោក ប្រកាសវិលចូលស្រុកវិញ នៅថ្ងៃទី៨ ខែកក្កដា ឆ្នាំ២០១៣ លោក ...
កម្ពុជា

កម្ពុជាធ្វើតេស្ដិ៍មនុស្ស ៩៤៤នាក់ ដែលអាចប៉ះពាល់​ប្រមុខការទូត​ហុងគ្រី

រហូតមកដល់ថ្ងៃនេះ មន្ត្រីរដ្ឋាភិបាលកម្ពុជា មន្ត្រីរាជការ និងក្រុមគ្រួសាររបស់ពួកគេ ចំនួនសរុប ៩៤៤នាក់ ត្រូវបានធ្វើតេស្ដិ៍ ដើម្បីស្វែងរកមេរោគ «Covid-19» បន្ទាប់ពី​ពួកគេ រងការសង្ស័យ ពីការជាប់ប៉ះពាល់ ដោយផ្ទាល់​និងមិនផ្ទាល់ ...

យល់ស៊ីជម្រៅផ្នែក កម្ពុជា

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...

Comments are closed.