កម្ពុជាដំណឹង

ចិន​មិនឆ្លើយ​តប​សំនួរ ថា​ខ្លួន​បដិសេធ​«កិច្ចព្រមព្រៀង​សម្ងាត់»​ជាមួយ​​កម្ពុជា

ប្រសិនបើក្រុងភ្នំពេញ បានបដិសេធយ៉ាងដាច់អហង្កា អំពីព័ត៌មាន ដែលអះអាងថា ខ្លួនបានចុះ«កិច្ចព្រមព្រៀង​សម្ងាត់» ជាមួយប្រទេសចិន ដើម្បីអនុញ្ញាតឲ្យចិនប្រើមូលដ្ឋានទ័ពជើងទឹក នៅខេត្តព្រះសីហនុនោះ រដ្ឋាភិបាលក្រុងប៉េកាំងឯណោះ បានបដិសេធ មិនឆ្លើយនឹងសំនួរ ដែលចង់ដឹងថា តើចិនច្រានចោលព័ត៌មាននេះ ដូចកម្ពុជាដែរ ឬយ៉ាងណា។

កាលពីយប់ថ្ងៃអាទិត្យ (ត្រូវជាព្រឹកថ្ងៃចន្ទ ម៉ោងនៅកម្ពុជា) សារព័ត៌មានអាមេរិក «The Wall Street Journal» បានលើកយកប្រភពមន្ត្រីអាមេរិក មករាយការណ៍ថា ប្រទេសចិនបានចុះហត្ថលេខា លើកិច្ចព្រមព្រៀងសម្ងាត់មួយ ជាមួយរបបក្រុងភ្នំពេញ ដើម្បីអនុញាតឲ្យកងទ័ពរបស់ខ្លួន ប្រើប្រាស់មូលដ្ឋានទ័ពជើងទឹកកម្ពុជា នៅ«រាម» ក្នុងរយៈពេល៣០ឆ្នាំ។

ទីភ្នាក់ងាររ៉យទ័រ (Reuters) បានឲ្យដឹង ក្នុងយប់ថ្ងៃចន្ទ (ម៉ោងនៅកម្ពុជា) នេះថា នៅក្នុងសន្និសីទសារព័ត៌មាន ជាទៀងទាត់ របស់អ្នកនាំពាក្យក្រសួងការបរទេសចិន លោក «Geng Shuang» អ្នកសារព័ត៌មានរ៉យទ័រ បានចោទសួរជាច្រើនដង ថាតើប្រទេសចិន ច្រានចោលរបាយការណ៍ របស់សារព័ត៌មានអាមេរិក ឬយ៉ាងណា។ តែលោក «Geng Shuang» បានបដិសេធមិនឆ្លើយតប នឹងសំនួរនេះទេ។

អ្នកនាំពាក្យក្រសួងការបរទេសចិន គ្រាន់តែឆ្លើយតប ដូចការស្រង់សំដីមកបញ្ជាក់ ដូច្នេះថា៖

«បើខ្ញុំមិនច្រឡំទេ ភាគីកម្ពុជាបានបដិសេធរឿងនេះ រួចហើយ។»

កាលពីព្រឹកថ្ងៃចន្ទ លោកនាយករដ្ឋមន្ត្រី ហ៊ុន សែន បានប្រតិកម្មតប នឹងការចុះផ្សាយរបស់សារព័ត៌មានខាងលើ ដោយចាត់ទុកព័ត៌មាននេះ ថាជាការប្រឌិត​ដ៏អាក្រក់​បំផុត ប្រឆាំងកម្ពុជា។

បន្ទាប់ពីនាយករដ្ឋមន្ត្រី អ្នកនាំពាក្យក្រសួងការពារជាតិ និងអ្នកនាំពាក្យក្រសួងការបរទេសកម្ពុជា ក៏បានច្រានចោលដែរ នូវ«កិច្ចព្រមព្រៀងសម្ងាត់» ដែលសារព័ត៌មានអាមេរិក អះអាងថា ត្រូវបាន​កម្ពុជា-ចិន​ចុះហត្ថលេខា​ តាំងពីនិទាឃរដូវ ឆ្នាំកន្លងទៅ។

ផ្ទុយទៅវិញ ការថ្លែងរបស់លោក «Geng Shuang» បានធ្វើឲ្យគេគិតថា «កិច្ចព្រមព្រៀង​សម្ងាត់»នោះ ទំនងជា​មានរូបរាង​ពិតមែន ទោះជាស្ថិតក្នុងទម្រង់ណាក្ដី។ ដូចការបញ្ជាក់ របស់អ្នកនាំពាក្យ​រូបនេះ ដែលអះអាងថា ប្រទេសចិន និងកម្ពុជា «ជាមិត្តជិតខាងដ៏ល្អ តាំងពីយូរលង់» មុននឹងថ្លែងបន្ថែមដូច្នេះ៖

«យើងមានកិច្ចសហប្រតិបត្តិការ នៅក្នុងវិស័យជាច្រើន។ ហើយកិច្ចសហប្រតិបត្តិការ របស់យើងទាំងនោះ មានលក្ខណៈបើកចំហរ តម្លាភាព ស្មើភាព និងផ្ដល់ផលប្រយោជន៍ ឲ្យគ្នាទៅវិញទៅមក។ ខ្ញុំសង្ឃឹមថា គ្រប់ភាគីដែលពាក់ព័ន្ធ នឹងមិនបកស្រាយខុស ចំពោះករណី (នៃកិច្ចព្រមព្រៀង​សម្ងាត់) នេះទេ៕»



លំអិតបន្ថែមទៀត

កម្ពុជា

អត្ថបទ​ច្បាប់​«HR 526»​​ដាក់​​​ទណ្ឌកម្ម​​មន្ត្រី​​កម្ពុជា ឡើង​ដល់​ព្រឹទ្ធសភា​អាមេរិក

សេចក្ដីព្រាងច្បាប់ «HR 526» ដែលត្រូវបានសភាតំណាងរាស្ត្រ នៃសហរដ្ឋអាមេរិកអនុម័តដោយគ្មានសំឡេងជំទាស់ កាលពីរសៀលថ្ងៃទី១៥ ខែកក្កដា (ត្រូវនឹងព្រឹក ថ្ងៃអង្គារ ថ្ងៃទី១៦ ខែកក្កដា ម៉ោងនៅកម្ពុជា) នោះ ...
កម្ពុជា

កម្ពុជា​ប្រើ​អាស៊ាន​ព្រមាន​អាមេរិក កុំឲ្យ​​និយាយ​ពី​កិច្ចព្រមព្រៀង​«សម្ងាត់»

រដ្ឋាភិបាលក្រុងភ្នំពេញ តាមរយៈអ្នកនាំពាក្យរបស់ខ្លួន បានស្នើឲ្យសហរដ្ឋអាមេរិក គោរពប្រទេសកម្ពុជា ជុំវិញ​កិច្ចព្រមព្រៀង​«សម្ងាត់» ដែលសារព័ត៌មាន «The Wall Street Journal» ដ៏ល្បីរបស់អាមេរិក បានចេញផ្សាយ កាលពីចុងសប្ដាហ៍មុន។ ...
វិភាគ អត្ថាធិប្បាយ

អ្នកវិភាគ៖ ក្នុង​សោកនាដកម្ម​នៅខេត្ត​ព្រះសីហនុ ប្រើ«អភិក្រមទី៥»​មិនបានទេ

អភិក្រមទី៥ ពីក្នុងចំណោមអភិក្រមទាំង៥ របស់លោកនាយករដ្ឋមន្ត្រី ហ៊ុន សែន ជាអភិក្រមសម្រាប់ការអនុវត្ត «ដោយអន្លើៗ» និង«ដោយដុំៗ» ហើយមិនអាចយកទៅអនុវត្ត ក្នុងសោកនាដកម្ម នៃគ្រោះរលំអគារចិន កាលពីចុងសប្ដាហ៍មុន នៅខេត្តព្រះសីហនុបានទេ។ ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

សម រង្ស៊ី ៖ ស្ដេចនឹងដាក់រាជ្យ ប្រសិនច្បាប់​«សញ្ជាតិ១»​ត្រូវបានអនុម័ត

កម្ពុជា

កឹម សុខា បដិសេធ​ការយកឈ្មោះ និង​រូបភាពលោក ទៅប្រើខុសឆន្ទៈ

ប្រធានគណបក្សសង្គ្រោះជាតិ លោក កឹម សុខា បានបដិសេធការយកឈ្មោះ និងរូបភាពលោក យកទៅប្រើដោយ«បុគ្គល ក្រុម គណបក្ស ឬ ចលនានយោបាយខ្លះ» ដែលលោកហៅថា ជាការភ្ជាប់ពាក់ព័ន្ធ«នឹងសកម្មភាព ...
កម្ពុជា

សម រង្ស៊ី ថា ស ខេង អាចចូលក្នុង​«រដ្ឋាភិបាល​បង្រួបបង្រួមជាតិ»

ប្រធានស្ដីទីគណបក្សសង្គ្រោះជាតិ លោក សម រង្ស៊ី បានហៅការបង្កើត​«រដ្ឋាភិបាល​បង្រួបបង្រួមជាតិ» ដែលមាន​ការចូលរួម ពីលោក ស ខេង ថា«ជាគំនិតមួយ ដ៏ត្រឹមត្រូវ»។ ការអះអាងរបស់មេដឹកនាំប្រឆាំង ធ្វើឡើងក្នុង​ខណៈ​លោក ...