កម្ពុជាដំណឹង

អ្នកនាំពាក្យថា កាសែតអាមេរិកប្រឌិត​ព័ត៌មាន​«ដ៏ឆ្កួត​លីលា តាម​អំពើចិត្ត»

ពីឆ្វេងទៅស្ដាំ៖ លោក ស៊ី ជីនភីង ប្រធានាធិបតីចិន និងលោក ហ៊ុន សែន នាយករដ្ឋមន្ត្រីកម្ពុជា។ (រូបថត Reuters)

លោក ឈុំ សុជាត អ្នកនាំពាក្យក្រសួងការពារជាតិ បានហៅសារព័ត៌មាន «The Wall Street Journal» ថាបានប្រឌិតព័ត៌មាន«ដ៏ឆ្កួតលីលា តាមអំពើចិត្ត» ជុំវិញ«កិច្ចព្រមព្រៀងសម្ងាត់» រវាងកម្ពុជា-ចិន ដែលអនុញ្ញាតឲ្យចិន ប្រើប្រាស់មូលដ្ឋានយោធាកម្ពុជា នៅ«រាម»លើដែនសមុទ្រ ក្នុងខេត្តព្រះសីហនុ។

អ្នកនាំពាក្យបានប្រតិកម្ម តបនឹងការចុះផ្សាយ របស់សារព័ត៌មានដ៏ល្បី របស់អាមេរិកមួយនេះ នៅលើ​ទំព័រ​ហ្វេសប៊ុក​របស់​លោក កាលពីមុននេះ​បន្តិចថា៖

«វាជារឿងហួសចិត្ត ដែលសារព័ត៌មាន របស់សហរដ្ឋអាមេរិក បានប្រឌិតព័ត៌មាន ដ៏ឆ្កួតលីលា តាម​អំពើចិត្ត អំពីមូលដ្ឋានទ័ពបរទេស នៅលើទឹកដីកម្ពុជា ហើយត្រូវបានបន្ទោរដោយសារព័ត៌មាន របស់ពួកគេដទៃទៀត ដែលហាក់ធ្វើឡើង ក្នុងចេតនាចង់បំផ្លាញដល់សន្តិសុខ និងសន្តិភាពនៅកម្ពុជា និងក្នុងតំបន់។»

លោក ឈុំ សុជាតិ បន្តថា៖

«ក្នុងនាម អ្នកនាំពាក្យក្រសួងការពារជាតិ ខ្ញុំមិនអាចទទួលយក ការប្រឌិតព័ត៌មានបែបនេះបានឡើយ។ ក្រសួងការពារជាតិ មិនដែលមានកិច្ចព្រមព្រៀងសម្ងាត់ណាមួយ ឱ្យកងទ័ពចិន ប្រើប្រាស់ទឹកដីកម្ពុជា ធ្វើជាមូលដ្ឋានឡើយ។»

«អស់លោកល្មមឈប់ប្រើប្រាស់ ព័ត៌មានក្លែងបន្លំ អំពីវត្តមានកងទ័ពចិន លើទឹកដីកម្ពុជា ដើម្បីប្រឆាំងនឹងកម្ពុជាតទៅទៀត។»

ក្នុងយប់ថ្ងៃអាទិត្យ (ត្រូវជាព្រឹកថ្ងៃចន្ទ ម៉ោងនៅកម្ពុជា) សារព័ត៌មានអាមេរិក «The Wall Street Journal» បានលើកយកប្រភពមន្ត្រីអាមេរិក មកសរសេរចេញផ្សាយថា ប្រទេសចិនបានចុះហត្ថលេខា លើកិច្ចព្រមព្រៀងសម្ងាត់មួយ ជាមួយរបបក្រុងភ្នំពេញ ដើម្បីអនុញាតឲ្យកងទ័ពរបស់ខ្លួន ប្រើប្រាស់មូលដ្ឋានទ័ពជើងទឹកកម្ពុជា នៅ«រាម» ក្នុងរយៈពេល៣០ឆ្នាំ។

ការចុះផ្សាយនោះ បានបង្ហាញពីរូបថតជាច្រើនសន្លឹក ដែលទើបនឹងថតបានថ្មីៗ ពីប្រព័ន្ធផ្កាយរណប និងធ្វើឲ្យគេយល់ថា ព្រលានយន្ដហោះមួយ កំពុងត្រូវបានក្រុមហ៊ុនចិនឈ្មោះ យ៉ូញៀន ឌឹវិឡុបមិន គ្រុប (Union Development Group) រូតរះសាងសង់ ឲ្យឆាប់ចប់រួចរាល់ នៅក្នុងខេត្តកោះកុង ។

មន្ត្រី​ដែលធ្វើការក្នុងករណីនេះ តែសុំមិនបញ្ចេញឈ្មោះ បានអះអាងប្រាប់ «The Wall Street Journal» ថាកិច្ច​ព្រមព្រៀង​សម្ងាត់​នោះ ​ត្រូវវបាន​ចុះហត្ថ​លេខា​ កាលពី​និទាឃរដូវ​កន្លង​ទៅ តែមិនត្រូវបានទម្លាយ ឲ្យដឹង​ជា​សាធារណៈ​ឡើយ។​

កិច្ចព្រមព្រៀងនោះ គឺកម្ពុជាផ្តល់សិទ្ធិផ្ដាច់មុខ នូវដែនទឹកមួយផ្នែក នៃឈូងសមុទ្រកម្ពុជា ដើម្បីឲ្យចិនធ្វើជាមូលដ្ឋានយោធាជើងទឹក របស់ខ្លួន នៅចម្ងាយប៉ុន្មានគីឡូម៉ែត្រ ពីព្រលានយន្តហោះ ដ៏ធំខាងលើ។

ការចេញផ្សាយនោះ ត្រូវបាន​លោកនាយករដ្ឋមន្ត្រី ហ៊ុន សែន ចេញមុខធ្វើប្រតិកម្មតបវិញខ្លាំងៗ ដោយហៅព័ត៌មាននោះ ថាជាការប្រឌិត​ដ៏អាក្រក់​បំផុត ប្រឆាំងកម្ពុជា។

សម្រាប់លោក ឈុំ សុជាត បានអះអាងសារជាថ្មី អំពីជំហររដ្ឋាភិបាលកម្ពុជាថា នឹង«មិនអនុញ្ញាត ឲ្យមានមូលដ្ឋានទ័ពបរទេស នៅលើទឹកដីកម្ពុជា»ឡើយ។ លោកបញ្ជាក់ទៀតថា៖

«រដ្ឋធម្មនុញ្ញ នៃព្រះរាជាណាចក្រកម្ពុជា ក៏មិនអនុញ្ញាត ឱ្យមានមូលដ្ឋានទ័ពបរទេស នៅលើទឹកដីរបស់ខ្លួនដែរ ហើយក៏មិនបញ្ជូនកងទ័ពកម្ពុជា ទៅក្រៅប្រទេសនោះដែរ លើកលែងតែបេសកកម្ម ជាមួយអង្គការសហប្រជាជាតិ តែមួយប៉ុណ្ណោះ៕»

វា​ ជា រឿង ហួស ចិត្ត ដែល សារព័ត៌មាន របស់ សហរដ្ឋអាមេរិក បាន ប្រឌិត ព័ត៌មាន ដ៏ឆ្កួត លីលា តាម​អំពើចិត្ត …

Posted by នាយឧត្តមសេនីយ៍ ឈុំ សុជាត/ General Chhum Socheat on Sunday, July 21, 2019


លំអិតបន្ថែមទៀត

កម្ពុជា

អាជ្ញាធរ​ចិន​រកឃើញ​បុរសចិន​ផ្ទុក​«Covid-19»​ម្នាក់​ទៀត ចេញពី​កម្ពុជា

ជនជាតិចិនមួយរូប អាយុ៣៧ឆ្នាំ ដែលធ្វើដំណើរ ចេញពី​កម្ពុជា កាលពីថ្ងៃទី១០ ខែមេសា ត្រូវបានអាជ្ញាធរនៃក្រុង ស៊ិនជិន (Shenzhen) ប្រទេសចិន ធ្វើតេស្ដិ៍រកឃើញ ថាបានឆ្លងជំងឺ «Covid-19» ...
កម្ពុជា

ហ៊ុន សែន គ្រោង​«រក្សាទុក»​អាកាស​យានដ្ឋាន​ពោធ៍ចិនតុង តែមាន​មុខងារថ្មី

បើកម្ពុជាមានព្រលានយន្ដហោះថ្មី ធំនិងទំនើប ជាងព្រលានយន្ដហោះ ពោធ៍ចិនតុង តើព្រលាន​យន្ដហោះ​ចាស់មួយនេះ នឹងមានវាសនា ក្លាយជាអ្វី? លោកនាយករដ្ឋមន្ត្រី ហ៊ុន សែន បានឆ្លើយ​នឹងសំនួរនេះ ថារដ្ឋាភិបាល​លោក នឹងបន្ត​«រក្សាទុក»​​អាកាស​យានដ្ឋាន​ចាស់ ...
កម្ពុជា

មន្ត្រី​​អ៊ឺរ៉ុប​ហៅ​ការគម្រាម​របស់ ហ៊ុន សែន ថា​មាន​ចរិត​បែប​ម៉ាហ្វីយ៉ា

សំដីរបស់នាយករដ្ឋមន្ត្រីកម្ពុជា ពិតជាបានឮដល់​ អ៊ឺរ៉ុប! នោះគឺការគម្រាម របស់លោក ហ៊ុន សែន កាលពីព្រឹកម៉ិញ ដែលអះអាងថា នឹងកម្ទេចគណបក្សប្រឆាំង នៅកម្ពុជាចោល ប្រសិនជាសហភាពអ៊ឺរ៉ុប និងសហរដ្ឋអាមេរិក ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

អាមេរិក​ផ្ដល់វ៉ាក់សាំង Johnson&Johnson ជាង១លានដូស​ជូនកម្ពុជា

កម្ពុជា

សម រង្ស៊ី៖ របបក្រុងភ្នំពេញ និងចិន​ឃុបឃិតគ្នា ដើម្បីកំណត់​តម្លៃ​វ៉ាក់សាំង

បើសិនជាវ៉ាក់សាំងចិនកុម្មុយនីស ហាក់ត្រូវបានកំណត់ ឲ្យក្លាយជាជម្រើសតែមួយគត់នៅកម្ពុជា នោះគឺដោយសារ របបក្រុងភ្នំពេញ និងប្រទេសចិន បានឃុបឃិតគ្នា តាមរយៈអំពើពុករលួយដ៏ធ្ងន់ធ្ងរមួយ ដែលធ្វើឲ្យតម្លៃវ៉ាក់សាំង របស់ប្រទេសកុម្មុយនីស្ដិ៍ មានតម្លៃថ្លៃលើសលុប។ នេះបើតាមការលើកឡើងរបស់លោក សម ...
កម្ពុជា

កម្ពុជា៖ អ្នកជំងឺស្លាប់កើនដល់ ជាង១ពាន់នាក់ – ថ្ងៃនេះស្លាប់៣៩នាក់

ប្រទេសកម្ពុជា មានអ្នកជំងឺកូវីដ-១៩ (Covid-19) ស្លាប់កើនឡើងដល់ ជាង១ពាន់នាក់ បន្ទាប់ពីអ្នកជំងឺ៣៩នាក់​ទៀត បានស្លាប់ក្នុង​ថ្ងៃពុធទី១៥ ខែកក្កដា ឆ្នាំ២០២១។ នេះ បើតាមសេចក្ដីប្រកាសព័ត៌មាន របស់ក្រសួង​សុខាភិបាល​កម្ពុជា ដែលចេញផ្សាយ​នៅមុននេះបន្តិច។ ...