ដំណឹងបារាំង

រលកទី៦ នៃបាតុកម្មអាវកាក់លឿង មានលក្ខណៈរប៉េះរប៉ោះ

រលកទី៦ នៃបាតុកម្មអាវកាក់លឿង ត្រូវបានកត់សម្គាល់ ដោយបាតុកម្មដ៏រប៉េះរប៉ោះ នៅតាមតំបន់មួយចំនួន នៃប្រទេសបារាំង ក្នុងនោះមានបាតុកម្ម ដែលកើតឡើង ដោយឯកឯងភ្លាមៗ នៅក្នុងរដ្ឋធានីប៉ារីស និងមួយចំនួនទៀត កើតឡើង នៅតាមខេត្ត។ ច្រកថ្នល់ល្បឿនលឿនមួយចំនួន ត្រូវបានក្រុមបាតុកររាំងខ្ទប់ ប៉ុន្តែមិនមានការរាំងស្ទះជាទូទៅណាមួយ ត្រូវបានរាយការណ៍មកទេ។

ក្នុងរដ្ឋធានីប៉ារីស បាតុកម្មរបស់ក្រុមបណ្ដាជន ពាក់អាវកាក់ពណ៌លឿង បានកើតឡើងនៅព្រឹកព្រលឹម ថ្ងៃសៅរ៍នេះតែម្ដង តាមរយៈការអំពាវនាវ របស់លោក «Eric Drouet» អ្នកនាំពាក្យចលនា របស់ក្រុមនេះ នៅលើបណ្ដាញសង្គម។ ប៉ុន្តែសេចក្ដីរាយការណ៍ នៅរសៀលនេះ បានឲ្យដឹងថា លោក «Eric Drouet» ត្រូវបានអាជ្ញាធរចាប់ខ្លួន យកទៅឃុំ ជាបណ្ដោះអាសន្ន ក្រោមបទចោទ ថាបានបង្កការរាំងស្ទះ ដល់ចរាចរណ៍សាធារណៈ មានកាន់ជាប់ខ្លួន​នូវឧបករណ៍ ដែលនាំឲ្យមានគ្រោះថ្នាក់ និងចូលរួមឃុបឃិត ក្នុងការបង្កអំពើហិង្សា។

ប៉ុន្តែយ៉ាងហោចណាស់ ក្រុមបាតុករប្រមាណជា២០០នាក់ បានជួបជុំគ្នា នៅក្នុងសង្កាត់ទី១៨ នៃរដ្ឋធានីប៉ារីស និងបានដើរដង្ហែរជាក្បួន នៅតាមដងផ្លូវមួយចំនួន ក្រោមការឃ្លាំមើលយ៉ាងតឹងរ៉ឹង ពីសំណាក់អាជ្ញាធរ ដែលបារម្ភពីការផ្ទះអំពើហិង្សា ឬការវាយកម្ទេចណាមួយនោះ។

ពួកគេទាំងនោះ បានស្រែកនូវការទាមទាររបស់ផងខ្លួន ដូចជាសុំឲ្យបណ្ដាជន អ្នករស់នៅក្នុងរដ្ឋធានី ឲ្យចុះដើរជាមួយពួកគេ និងទាមទារឲ្យប្រធានាធិបតីបារាំង លោក អេម៉ានុយអែល ម៉ាក្រុង (Emmanuel Macron) ចុះចេញពីតំណែងជាដើម។

យ៉ាងណា ទិដ្ឋភាពជាទូទៅនៅថ្ងៃសៅរ៍នេះ ដែលនៅសល់តែប៉ុន្មានថ្ងៃ មុនបុណ្យណូអែល (Noel) មានលក្ខណៈស្ងប់ស្ងៀម ខណៈភោជនីយដ្ឋាន និងហាងលក់ទំនិញនានា បានបើកទ្វាជាធម្មតា ដោយលើកលែងតែហាងលក់ទំនិញប្រណិត ឬយីហោថ្លៃៗមួយចំនួនប៉ុណ្ណោះ។ នៅរសៀលនេះ ស្នងការរដ្ឋធានី បានអះអាងថា ចំនួនបាតុករសរុប មានប្រមាណជា៨០០នាក់ ដែលបានចុះដើរ នៅតាមដងផ្លូវនានា ក្នុងរដ្ឋធានីប៉ារីស៕



You may also like

ដំណឹង

យ៉ាងតិច៧ប្រទេសនៅអ៊ឺរ៉ុបទទួលស្គាល់ ហ្គេដូ ជាប្រធានាធិបតីស្ដីទី

បន្ទាប់ពីឱសានវាទបានផុតកំណត់ ប្រទេសនានានៅអ៊ឺរ៉ុប ចាប់ផ្ដើមប្រកាសជាផ្លូវការ និងជាបន្តបន្ទាប់ ទទួលស្គាល់លោក រ៉ន់ ហ្គេដូ (Juan Guaido) មេដឹកនាំប្រឆាំង និងជាប្រធានរដ្ឋសភា ក្នុងប្រទេសវេណេស៊ុយអេឡា ជាប្រធានាធិបតីស្ដីទី ...
ដំណឹង

ភេរវកម្មនៅស្ត្រាស្បួរ៖ ជនរងគ្រោះទី៤ ទើបនឹងផុតដង្ហើម

បន្ទាប់ពីស្ថិតក្នុងការសង្គ្រោះបន្ទាន់ អស់រយៈពេល៣ថ្ងៃ បន្ទាប់ពីហេតុការណ៍ភេរវកម្មបាញ់ប្រហារ ទៅលើហ្វូងមនុស្ស កាលពីយប់ថ្ងៃអង្គារ នាផ្សារលក់ទំនិញ ណូអែល ក្រុងស្ត្រាស្បួរ៍ (ភាគខាងកើតបារាំង) ជនរងគ្រោះមួយរូបទៀត បានផុតដង្ហើមនៅយប់ថ្ងៃសុក្រនេះ។ ជនរងគ្រោះរូបនោះ ជាអ្នកសារព័ត៌មានជាតិអ៊ីតាលី ឈ្មោះ ...
ដំណឹង

EU ៖ «បេសកកម្មមួយ ដែល​ពិបាក​ធ្វើ​បំផុត» ដើម្បីស្ដារ​សេដ្ឋកិច្ច​ឡើងវិញ

តែដំណោះស្រាយរួម ដើម្បីស្ដារ​សេដ្ឋកិច្ច​ឡើងវិញ នៅក្រោយវិបត្តិ «Covid-19»នោះ មិន​ទាន់​មានរូបរាងដូចម្ដេច​នៅឡើយ បើទោះជាមេដឹកនាំ នៃប្រទេសសមាជិកទាំង២៧ បាន​ជួប​ប្រជុំគ្នា តាំងពី៣ថ្ងៃមកហើយ ក្នុងស្នាក់ការកណ្ដាល នៃសហភាពអ៊ឺរ៉ុប «EU» ក្នុងរាជធានី​ព្រុយស៊ែល ...

Comments are closed.

ដំណឹង

សង្គ្រាមនៅអ៊ុយក្រែន ៖ អាមេរិកផ្ដល់ភ្លើងខៀវបញ្ជូនយន្តហោះ«F-16»

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

អ្នកជំនាញមួយក្រុមរបស់អង្គការសហប្រជាជាតិ បានអំពាវនាវទៅ​របបដឹកនាំរបស់លោក ហ៊ុន សែន ឲ្យដោះលែងអ្នកស្រី សេង ធារី មេធាវីខ្មែរអាមេរិកាំង ដែលគេស្គាល់ក្នុងពេលកន្លងមក ថាជា«ស្ត្រីសេរីភាព» តាមរយៈសម្លៀកបំពាក់តែងខ្លួនសម្ដែងមតិរបស់អ្នកស្រី នៅខាងមុខសាលាដំបូងរាជធានីភ្នំពេញ។ ក្រុមអ្នកជំនាញប្រឆាំងការឃុំឃាំងតាមទំនើងចិត្ត ...
កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...