ដំណឹងបារាំង

ត្រាំ ឲ្យប្រើទឹកម្សៅ​បាញ់​ពី​យន្ដហោះ​ដើម្បី​ពន្លត់​ភ្លើង​នៅ Notre-Dame

ទិដ្ឋភាពដ៏រន្ធត់ នៃអគ្គិភ័យ ដែលកំពុងឆេះកម្ទេចព្រះវិហារ «Notre-Dame» ដ៏ល្បីនៃរដ្ឋធានីប៉ារីស បានជំរុញឲ្យប្រធានាធិបតីអាមេរិក លោក ដូណាល់ ត្រាំ (Donald Trump) ចេញមុខធ្វើប្រតិកម្ម ដោយស្នើឲ្យប្រើម្សៅ បាចពីឧទ្ធម្ភាគចក្រ (ដូចការពន្លត់ភ្លើងឆេះព្រៃ) ដើម្បីពន្លត់ភ្លើង។ តែក្រុមលត់អគ្គិភ័យបារាំង បានឆ្លើយតបវិញថា បើធ្វើដូច្នេះ វានឹងធ្វើសំណង់ដ៏ល្បីនេះ រំលំចុះទាំងស្រុងតែម្ដង។

ប្រធានាធិបតីអាមេរិក បានសំដែងការរញ្ជួលចិត្ត របស់លោក នៅលើបណ្ដាញសង្គមទ្វីសធើរថា៖

«វាពិតជាអាណោចអាធមណាស់ ដែលបានឃើញអគ្គិភ័យដ៏សម្បើម កំពុងឆាបឆេះព្រះវិហារ “Notre-Dame” នៃរដ្ឋធានីប៉ារីស។ ប្រហែលជាយើងអាចប្រើយន្ដហោះ ដើម្បីបាចម្សៅពីខាងលើ ដើម្បីពន្លត់ភ្លើងនេះ។»

មិនបង្អង់យូរឡើយ ស្ថាប័នសុវត្ថិភាពស៊ីវិល របស់ប្រទេសបារាំង បានឆ្លើយតបទៅវិញ តាមទំព័រទ្វីសធើររបស់ខ្លួនដែរថា៖

«ការប្រើប្រាស់យន្ដហោះ ដើម្បីបាញ់ទឹកម្សៅ ពន្លត់អគ្គិភ័យមួយនេះ នឹងធ្វើតួព្រះវិហារដែលនៅសេសសល់ រំលំបាក់ស្រុតទាំងស្រុងតែម្ដង។ មិនត្រឹមតែប៉ុណ្ណើឹង កម្លាំងទឹកម្សៅ ដែលបាញ់ពីយន្ដហោះ នឹងបំបាក់រូបចម្លាក់ទាំងឡាយ របស់ព្រះវិហារ ហើយអាគារដែលនៅជុំវិញ ក៏រងការប៉ះពាល់ដែរ។»

យ៉ាងណា ឥស្សរជនបារាំងច្រើននាក់ ក៏បានសំដែងសភាពខ្លោចចិត្ត របស់ផងខ្លួនដែរ នៅចំពោះកង្វះមធ្យោបាយ តាមផ្លូវអាកាស ដើម្បីពន្លត់អគ្គិភ័យ ដ៏សាហាវមួយនេះ ប្រកបដោយប្រសិទ្ធិភាព៕



លំអិតបន្ថែមទៀត

ដំណឹង

ដូណាល់ ត្រាំ ហៅ​អតីត​រដ្ឋមន្ត្រី​ការបរទេស ថា​ជា​មនុស្ស​«ល្ងីល្ងើ»

ប្រធានាធិបតីអាមេរិក លោក ដូណាល់ ត្រាំ បានបញ្ចេញប្រតិកម្ម ក្នុងយប់ថ្ងៃសុក្រ (ត្រូវជាព្រឹកថ្ងៃសៅរ៍ ម៉ោងនៅកម្ពុជា)នេះ ទៅនឹងការលើកឡើង របស់លោក «Rex Tillerson» អតីតរដ្ឋមន្ត្រីការបរទេស ...
ដំណឹង

Covid-19 ៖ បារាំង​ឈានទៅ​ប្រកាស​ដាក់​ប្រទេស​ក្នុង​«ភាពអាសន្ន»

បារាំងកំពុងគ្រោង​ប្រកាស ដាក់ប្រទេស​ទៅក្នុង​«ភាពអាសន្ន»ផ្នែកសុខភាព ដើម្បី​ប្រយុទ្ធ​ប្រឆាំង​នឹងមេរោគ «កូរូណា» ឬ «Covid-19»។ នាយករដ្ឋមន្ត្រី​បារាំង​បានថ្លែង​ឡើងដូច្នេះ កាលពីយប់ម្សិលម៉ិញ នៅខណៈពេលដែលប្រទេសនេះ បានឈាន​មក​ដល់ថ្ងៃទី៣ នៃការដាក់ពលរដ្ឋ ឲ្យធ្វើការបង្ខាំងខ្លួន រស់នៅក្នុងផ្ទះ ...
ដំណឹង

«ដង្កូវ​ក្បាលញញួរ»​ដ៏សហាវ កំពុង​វាយលុក​​តំបន់មួយ ភាគ​ខាងត្បូង​បារាំង

មើលមួយភ្លែត សត្វ«ដង្កូវ​ក្បាលញញួរ» ដូចបង្ហាញនៅក្នុងរូបថតខាងលើ ហាក់មិនមាន​អ្វី​គួរឲ្យខ្លាចទេ។ តែសត្វដ៏ចង្រៃនេះ កំពុងវាយលុកតំបន់ «Drôme» ស្ថិតនៅ​ភាគ​ខាងត្បូង នៃប្រទេសបារាំង។  ដង្កូវប្រភេទខាងលើ ដែលមានឈ្មោះបច្ចេកទេស «Bipalium kewense» ...

យល់ស៊ីជម្រៅផ្នែក ដំណឹង

ដំណឹង

សង្គ្រាមនៅអ៊ុយក្រែន ៖ អាមេរិកផ្ដល់ភ្លើងខៀវបញ្ជូនយន្តហោះ«F-16»

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

អ្នកជំនាញមួយក្រុមរបស់អង្គការសហប្រជាជាតិ បានអំពាវនាវទៅ​របបដឹកនាំរបស់លោក ហ៊ុន សែន ឲ្យដោះលែងអ្នកស្រី សេង ធារី មេធាវីខ្មែរអាមេរិកាំង ដែលគេស្គាល់ក្នុងពេលកន្លងមក ថាជា«ស្ត្រីសេរីភាព» តាមរយៈសម្លៀកបំពាក់តែងខ្លួនសម្ដែងមតិរបស់អ្នកស្រី នៅខាងមុខសាលាដំបូងរាជធានីភ្នំពេញ។ ក្រុមអ្នកជំនាញប្រឆាំងការឃុំឃាំងតាមទំនើងចិត្ត ...
កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...

Comments are closed.