ដំណឹងបារាំង

មេរោគកូរូណា​វាយលុក​រដ្ឋសភា​បារាំង – តំណាងរាស្ត្រ​៤រូប ឆ្លង​ជំងឺនេះ

តំណាងរាស្ត្រ​៤រូប របស់ប្រទេសបារាំង បានឆ្លងជំងឺរលាកផ្លូវដង្ហើម ដែលបណ្ដាលមកពីមេរោគ «កូរូណា»ថ្មី។ នេះ បើតាមសេចក្ដីប្រកាសព័ត៌មាន របស់អាជ្ញាធរបារាំង ទទួលបន្ទុកផ្នែកសុខភាពសាធារណៈ ក្នុងយប់ថ្ងៃអាទិត្យនេះ។

អាជ្ញាធរសុខាភិបាលបារាំង «ARS» ប្រចាំតំបន់ «Ile-de-France» (រដ្ឋធានីប៉ារីស និងតំបន់ជុំវិញ) បានអះអាងថា មនុស្ស៦នាក់នៅក្នុងរដ្ឋសភាជាតិ ត្រូវបានរកឃើញ មានផ្ទុកមេរោគ«កូរូណា»ថ្មី ឬហៅកាត់ តាមពាក្យបច្ចេកទេស «Covid-19»។ ពីក្នុងចំណោមអ្នកជំងឺទាំងនោះ មាន៤រូបជាតំណាងរាស្ត្រ និងពីររូប ជាបុគ្គលិកនៅក្នុងរដ្ឋសភា។

«ARS» បានបញ្ជាក់ថា៖

«ការស្រាវជ្រាវ និងការត្រួតពិនិត្យ ផ្នែកសុខភាព កំពុងប្រព្រឹត្តិទៅ ហើយវិធានការទាំងឡាយ ត្រូវបានអនុវត្តន៍ ដោយរដ្ឋសភាជាតិ ដើម្បីដាក់កំហិត កុំឲ្យមានការរីករាលដាល នៃមេរោគខាងលើ ដែលអាចកើតមាន។»

«គ្រប់ករណីទាំងអស់ ដែលត្រូវបានរកឃើញ ថាបានឆ្លងមេរោគ ត្រូវបានដាក់ឲ្យនៅ ដាច់ដោយឡែក និងត្រូវបានសាកសួរ ដើម្បីស្វែងរកពីទំនាក់ទំនងទាំងឡាយ ដែលបណ្ដាលឲ្យមានការឆ្លង និងអាចឲ្យមានការឆ្លងបន្ត។»

យ៉ាងណា រដ្ឋសភាបារាំងដែលបានប្រកាស តាំងពីខែកក្កដាកន្លងទៅ ពីការឈប់សម្រាក រវាងពីចន្ទ ទី៩ រហូតដល់ថ្ងៃ២២ ខែមិនា ពោលគឺនៅមុនការបោះឆ្នោត ក្រុង-ឃុំ ក្នុងខែមិនានេះ ទំនងជាអាចបញ្ចៀស ការរីករាលដាល នៃការឆ្លងមេរោគ«កូរូណា» បាន។

ការរីករាលដាល នៃមេរោគដ៏ប្រល័យ នៅតែបន្តមាន គួរឲ្យកត់សម្គាល់។ មកដល់ម៉ោងនេះ ករណីឆ្លងមេរោគ «Covid-19» នៅក្នុងពិភពលោក បានកើនឡើងដល់ប្រមាណជា១១ម៉ឺននាក់ (១០៩ ៨៨០ករណី) ហើយបានសម្លាប់មនុស្ស សរុបចំនួន ៣ ៨២៤នាក់។

ក្នុងប្រទេសបារាំង ករណីឆ្លងជំងឺនេះ បានកើនឡើងដល់ ១ ១២៦នាក់ ខណៈអ្នកជំងឺស្លាប់ បានកើនឡើងដល់ ១៩នាក់។ នៅចំពោះតួលេខខាងលើ អាជ្ញាធរបានបានត្រៀមលក្ខណៈ និងចាត់វិធានការមួយចំនួន ក្នុងនោះ មានការហាមឃាត់ រាល់ការជួបជុំគ្នា លើសពី១០០០នាក់ជាដើម៕



លំអិតបន្ថែមទៀត

ដំណឹង

«ដង្កូវ​ក្បាលញញួរ»​ដ៏សហាវ កំពុង​វាយលុក​​តំបន់មួយ ភាគ​ខាងត្បូង​បារាំង

មើលមួយភ្លែត សត្វ«ដង្កូវ​ក្បាលញញួរ» ដូចបង្ហាញនៅក្នុងរូបថតខាងលើ ហាក់មិនមាន​អ្វី​គួរឲ្យខ្លាចទេ។ តែសត្វដ៏ចង្រៃនេះ កំពុងវាយលុកតំបន់ «Drôme» ស្ថិតនៅ​ភាគ​ខាងត្បូង នៃប្រទេសបារាំង។  ដង្កូវប្រភេទខាងលើ ដែលមានឈ្មោះបច្ចេកទេស «Bipalium kewense» ...
កម្ពុជា

Covid-19៖ កម្ពុជាមាន​៥ករណីថ្មី ធ្វើឲ្យ​តួលេខសរុប​ កើនដល់​២៣៩នាក់

ប្រទេសកម្ពុជាអះអាង បានរកឃើញករណីឆ្លងជំងឺ «Covid-19» ចំនួន៥នាក់បន្ថែមទៀត ដែលធ្វើឲ្យតួលេខសរុប កើនដល់២៣៩នាក់ គិតមកដល់ព្រឹកថ្ងៃសៅរ៍នេះ។ អ្នកជំងឺទាំង៥នាក់នោះ ជាអ្នកដំណើរពីក្រៅប្រទេស ក្នុងនោះមាន ម្នាក់ជាជនជាតិឥណ្ឌូនេស៊ី មកពីប្រទេសឥណ្ឌូនេស៊ី និង៤នាក់ជាបុរសជនជាតិខ្មែរ ...
ដំណឹង

Covid-19៖ នាយករដ្ឋមន្ត្រី​អង់គ្លេស ត្រូវបាន​ផ្ទេរទៅ​«សង្គ្រោះបន្ទាន់»

លោក បូរីស ចនសុន (Boris Johnson) នាយករដ្ឋមន្ត្រីអង់គ្លេស ដែលបានចូលសម្រាក ក្នុងមន្ទីរពេទ្យ កាលពីយប់ថ្ងៃអាទិត្យ ត្រូវបានផ្ទេរទៅ«សង្គ្រោះបន្ទាន់» ក្នុងរសៀលថ្ងៃចន្ទនេះ។ គួរគូសបញ្ជាក់ដែរថា ក្នុងប្រព័ន្ធព្យាបាល ...

Comments are closed.

យល់ស៊ីជម្រៅផ្នែក ដំណឹង

ដំណឹង

ព្រះអង្គម្ចាស់ ហ្វីលីព ស្វាមី​ព្រះមហាក្សត្រីយានី​អង់គ្លេស បានសោយទីវង្គត

កម្ពុជា

Covid-19៖ កម្ពុជាមានអ្នកជំងឺ​កើន«ដល់​២២៣៣​ករណី ស្លាប់១០នាក់»

ប្រទេសកម្ពុជា​បន្តរកឃើញ​អ្នកផ្ទុកមេរោគកូវីដ-១៩ (Covid-19) ចំនួន៨៦នាក់ ដែលធ្វើឲ្យចំនួនសរុបកើនឡើង ដល់​២២៣៣​ករណី នៅថ្ងៃទី២៨ ខែមីនា ឆ្នាំ២០២១នេះ។ រីឯអ្នកជំងឺដែលទទួលមរណភាព ដោយសារជំងឺនេះ ត្រូវបានប្រកាសតួលេខជាផ្លូវការ មានចំនួន១០នាក់ រាប់មកដល់ម៉ោងនេះ។ ...
កម្ពុជា

Covid-19៖ កម្ពុជាប្រកាស​«ករណីស្លាប់ទី៩» ពីចំណោម​អ្នកស្លាប់១៥នាក់

ប្រទេសកម្ពុជា បានប្រកាសឲ្យដឹងពី​«ករណីស្លាប់ទី៩» ដោយសារជំងឺកូវីដ-១៩ (Covid-19) ក្នុងរសៀលថ្ងៃសៅរ៍​ទី២៧ ខែមីនានេះ។ ករណីនេះ ជាមរណភាពទី២ ដែលត្រូវបានប្រកាស​ក្នុងថ្ងៃសៅរ៍តែមួយ តែមរណភាពទី១ មិន​ត្រូវបាន​​រាប់​បញ្ចូលថា ស្លាប់ដោយជំងឺរាតត្បាតទេ។ នេះ ...