ដំណឹងអាស៊ី-ប៉ាស៊ីភិក

ប្រធានាធិបតី ឌូតែតេ ពង្រឹង​អំណាច​ក្នុង​លទ្ធផល​នៃ​ការបោះឆ្នោត​ព្រឹទ្ធសភា

ជាមួយនឹងសមាជិកព្រឹទ្ធសភាថ្មី ដែលត្រូវជ្រើសតាំង រវាង៦ឆ្នាំម្ដង លោក រ៉ូឌ្រីចូ ឌូតែតេ (Rodrigo Duterte) ប្រធានាធិបតីនៃប្រទេសហ្វីលីពីន កំពុងបោះជំហានទៅគ្រប់គ្រង់ ស្ថាប័ននីតិបញ្ញត្តិជាន់ខ្ពស់មួយនេះ ដែលកន្លងមកតែងជំទាស់ នឹងគោលនយោបាលដ៏ប្រទាំងប្រទើសរបស់លោក។

ស្ថាប័នព្រឹទ្ធសភា ដែលមានអសនៈចំនួន២៤ ត្រូវបានគេស្គាល់ តាំងពីរយៈពេល៣ឆ្នាំ នៃការឡើងកាន់អំណាចរបស់លោក ឌូតែតេ ថាមានជំហរ«ឯករាជ្យ» ជាជាងរដ្ឋសភាជាតិ និងបានជំទាស់យ៉ាងមានប្រសិទ្ធិភាព នូវវិធានការក្ដៅបំផុតទាំងឡាយ ដែលដាក់ចេញដោយលោកប្រធានាធិបតី។

កាលពីថ្ងៃពុធកន្លងមក លទ្ធផលជាផ្លូវការ នៃការបោះឆ្នោតជ្រើសតាំងសមាជិកព្រឹទ្ធសភា ដែលបានប្រព្រឹត្តិទៅ នៅថ្ងៃទី១៣ ខែឧសភា ឆ្នាំ២០១៩ បានឲ្យដឹង បេក្ខជនស្និតប្រធានាធិបតី ចំនួន៩នាក់ ត្រូវបានជាប់ព្រឹទ្ធសមាជិកថ្មី ខណៈគណបក្សប្រឆាំងទទួលបានតែ ៤អសនៈប៉ុណ្ណោះ។ អសនៈដែលនៅសេសសល់ បានទៅលើបេក្ខជនឯករាជ្យ (៣អសនៈ) និងគណបក្សផ្សេងទៀត។

នៅក្នុងរដ្ឋសភា លោក រ៉ូឌ្រីចូ ឌុយតែតេ មានសម្លេងគាំទ្រដ៏លើសលប់ រួចជាស្រេចហើយ។

លទ្ធផលខាងលើ ដែលចេញពីការបោះឆ្នោត ជ្រើសតាំងសមាជិកព្រឹទ្ធសភា នឹងជួយឲ្យលោកប្រធានាធិបតី ជិះសេះលែងដៃ នៅក្នុងការកាន់អំណាច ដោយកណ្ដាប់ដៃដែក របស់លោក។ លោក ឌូតែតេ កំពុងដាក់ឲ្យមានឡើងវិញ នូវទោសប្រហារជីវិត និងឈានទៅធ្វើវិសោធនកម្មរដ្ឋធម្មនុញ្ញ នោះថែមទៀត។

គម្រោងច្បាប់ទាំងនោះ ត្រូវបានស្នើឡើងរួចហើយ តែត្រូវបានព្រឹទ្ធសភាខ្ទប់ មិនឲ្យចេញរួច រហូតមកដល់ថ្ងៃនេះ។

តាំងពីបានឡើងមកកាន់អំណាច ក្នុងឆ្នាំ២០១៦ លោក ឌូតែតេ បានរងការរិះគន់ខ្លាំងក្លា ពីសំណាក់បស្ចឹមលោក ចំពោះនយោបាយវាយបង្ក្រាបយ៉ាងហឹង្សា ប្រឆាំងការជួញដូរគ្រឿងញៀន និងនយោបាយជេរប្រទេចផ្ដាសាររបស់លោក។

ប៉ុន្តែប្រធានាធិបតីរូបនេះ មានប្រជាប្រិយភាពយ៉ាងខ្លាំង នៅក្នុងស្រទាប់ប្រជាពលរដ្ឋហ្វីលីពីន ជាពិសេសនៅចំពោះការនិយាយត្រង់ៗរបស់លោក។ ពលរដ្ឋមួយភាគធំ នៅតែបន្តមើលឃើញលោក ឌូតែតេ ថាជានិមិត្តរូប​នៃការកែទម្រង់មួយ ទល់នឹងកង្វះប្រសិទ្ធិភាព នៃក្រុមអ្នកនយោបាយកន្លងមក៕



លំអិតបន្ថែមទៀត

ដំណឹង

ការបង្ក្រាប​គ្រឿងញៀន នៅហ្វីលីពីន អាចជា​​«ឧក្រិដ្ឋកម្ម​ប្រឆាំង​មនុស្សជាតិ»

អង្គការលើកលែងទោសអន្តរជាតិ ហៅជាភាសាអង់គ្លេស «Amnesty International» បានទាមទារកាលពីថ្ងៃចន្ទម្សិលម៉ិញ ទៅកាន់អង្គការសហប្រជាជាតិ ឲ្យបើកការស៊ើបអង្កេត ដោយឯករាជ្យមួយ ទៅលើការប្រហារជីវិតមនុស្ស ជាច្រើនពាន់នាក់ ក្រោមផ្លាក​«ការបង្ក្រាប​គ្រឿងញៀន» របស់ប្រធានាធិបតី រ៉ូឌ្រីចូ ...
ដំណឹង

ឌូតែតេ ទម្លាយ​ឲ្យដឹង​ថា លោក​ធ្លាប់​«ស្រឡាញ់​ភេទ​ដូចគ្នា»

ប្រធានាធិបតីហ្វីលីពីន បានទម្លាយឲ្យដឹង ថាលោកធ្លាប់ជាបុរស ដែលមានអារម្មណ៍ «ស្រឡាញ់​ភេទ​ដូចគ្នា» កាលពីអំឡុងអាពាហ៍ពិពាហ៍លើកដំបូងរបស់លោក។ លោក រ៉ូឌ្រីចូ ឌូតែតេ បានប្រកាសឡើងយ៉ាងដូច្នេះ កាលពីថ្ងៃព្រហស្បត្តិ៍សប្ដាហ៍មុន នៅចំពោះអ្នកគាំទ្រ ក្នុងរាជធានីតូក្យូ ...
ដំណឹង

ហ្វីលីពីន បញ្ជូនវ៉ាក់សាំង «Sinopharm» ទៅឲ្យ​ប្រទេសចិ​នវិញ

កោះហ្វីលីពីន បានបញ្ជូនវ៉ាក់សាំងចិន បង្ការជំងឺកូវីដ-១៩ (Covid-19) ទៅឲ្យ​ប្រទេសចិ​នវិញ បើទោះជាប្រធានាធិបតី លោក រ៉ូឌ្រីចូ ឌូតែតេ (Rodrigo Duterte) បានចាក់វ៉ាក់សាំងនេះ ដើម្បីបង្ហាញពីភាពជឿជាក់របស់លោក ...

Comments are closed.

យល់ស៊ីជម្រៅផ្នែក ដំណឹង

ដំណឹង

EU បរិហារសំដី ពូទីន ដែល​បង្ហាញពី​«ក្ដី​អស់សង្ឃឹម​របស់គាត់»

ដំណឹង

មហាក្សត្រីយានី អេលីហ្សាប៊ែត សោយ​ទិវង្គត ក្នុងជន្មាយុ​៩៦ព្រះវស្សា

ព្រះមហាក្សត្រីយានី របស់ចក្រភពអង់គ្លេស ព្រះនាង អេលីហ្សាប៊ែត ទី២ (Elizabeth 2) បានសោយទិវង្គត ក្នុងជន្មាយុ​៩៦ព្រះវស្សា នៅរសៀលថ្ងៃព្រហស្បត្តិ៍ ទី៨ ខែកញ្ញា ឆ្នាំ២០២២។ ...
កម្រមាន

អ៊ីតាលី៖ ជីករូងដី​គ្រោងចូលលួច​ធនាគារ ស្រាប់តែ… ដីធ្លាក់សង្កត់

នៅរដ្ឋធានីរ៉ូម នៃប្រទេសអ៊ីតាលី បុរសម្នាក់បានជាប់ខ្លួននៅក្រោមដី អស់រយៈពេលជាង៨ម៉ោង ដោយហេតុ«ដីធ្លាក់សង្កត់»។ នគរបាលបានសង្ស័យថា បុរសម្នាក់នេះរួមនឹងជនផ្សំគំនិត៣នាក់ទៀត ទំនងជាបានជីករូងក្រោមដី ចេញពីហាងមួយ ដើម្បីគ្រោងចូលលួចធនាគារនៅក្បែរនោះ។ ហេតុការណ៍បានកើតឡើង កាលពីព្រឹក​ថ្ងៃព្រហស្បត្តិ៍ ទី១១ ...