ដំណឹងអាស៊ី-ប៉ាស៊ីភិក

បោះឆ្នោត​ប្រធានាធិបតីអាមេរិក៖ ចិន អបអរជ័យជំនះ​របស់ បៃដិន

សម្រេចសម្រួលទៅ ប្រទេស«ចិន»ប្រជាមានិត បានសំដែងការអបអរ ចំពោះជ័យជំនះ​របស់លោក ចូ បៃដិន (Joe Biden) នៅក្នុងការបោះឆ្នោតប្រធានាធិបតីអាមេរិក ឆ្នាំ២០២០។ នេះ បើតាមការប្រកាសឡើង របស់លោក «Wang Wenbin» អ្នកនាំពាក្យ​ក្រសួងការបរទេសចិន នៅក្នុងសន្និសីទសារព័ត៌មាន កាលពីព្រឹកថ្ងៃសុក្រនេះ។

លោក «Wang Wenbin» បានថ្លែងថា៖

«យើងគោរពជម្រើស របស់ប្រជាជនអាមេរិក។ យើងសូមសំដែង នូវការអបអរសាទរ របស់យើង ចំពោះលោក ចូ បៃដិន និងអ្នកស្រី កាម៉ាឡា ហារី (Kamala Harris)។»

យ៉ាងណា ប្រទេសចិនបានរង់ចាំ រហូតដល់៦ថ្ងៃ​ក្រោយលទ្ធផលព្យាករណ៍ ដែលចេញផ្សាយ ដោយប្រព័ន្ធផ្សព្វផ្សាយធំៗ នៅសហរដ្ឋអាមេរិក ស្ដីពីជ័យជំនះរបស់លោក បៃដិន កាលពី​ថ្ងៃសៅរ៍ ទី៧ ខែវិច្ឆិកា ដែលផ្ទុយស្រឡះ ពីប្រទេសជាច្រើននៅជុំវិញពិភពលោក ដែលបាន​ចេញសារអបអរប្រធានាធិបតីជាប់ឆ្នោត ភ្លាមៗ ឬយូរបំផុត ១-២ថ្ងៃក្រោយ។

ប៉ុន្តែប្រទេសចិន បានប្រកាសអំពីជំហររបស់ខ្លួន ខាងលើនេះ មុនប្រទេសរ៉ុស្ស៊ី ដែលនៅតែបន្តភាពស្ងាត់ស្ងៀម របស់ខ្លួន។

នៅចំពោះសំនួរ អំពីការមិនសុខចិត្ត របស់លោក ដូណាល់ ត្រាំ ចំពោះលទ្ធផលព្យាករណ៍ នៃការបោះឆ្នោត មន្ត្រីអ្នកនាំពាក្យ​ក្រសួងការបរទេសចិន បានលើកឡើងថា លទ្ធផលនៃ​ការបោះឆ្នោត ត្រូវបាន​បញ្ជាក់ ដោយអនុលោមតាមច្បាប់ និងនីតិវិធី នៃការបោះឆ្នោត របស់សហរដ្ឋអាមេរិក។

បៃដិន ធ្លាប់ហៅប្រធានាធិបតី«ចិន» ថាជា«ជនបាតផ្សារ»

បើទោះជាលោក ត្រាំ បានបង្កឲ្យមានរកាំរកូសខ្លាំង នៅក្នុងទំនាក់ទំនង រវាង​ចិននិង​អាមេរិក​នោះ តែភាពតំអក់របស់ក្រុងប៉េកាំង ក្នុងការប្រកាសអបអរលោក បៃដិន ត្រូវបានគេ​មើលឃើញថា ប្រទេសកុម្មុយនីស ទំនងមានបំណង ចង់ឲ្យប្រធានាធិបតីចប់​អាណត្តិ នៅបន្តកាន់អំណាច ជាជាងលោក បៃដិន។

ក្រុមអ្នកជំនាញ​បានពន្យល់ថា រដ្ឋាភិបាលក្រុងប៉េកាំង ចង់ឲ្យរដ្ឋបាលរបស់​លោក ត្រាំ នៅបន្តកាន់អំណាច ព្រោះលោក ត្រាំ បាននិងកំពុង​ធ្វើឲ្យសហរដ្ឋអាមេរិក រួមនឹង​សម្ព័ន្ធមិត្ត​​នៅបស្ចឹមលោក ចុះខ្សោយ។

ផ្ទុយទៅវិញ រដ្ឋបាលលោក បៃដិន និងអ្នកស្រី ហារី ដែលចេញពីគណបក្សប្រជាធិបតេយ្យ ប្រាកដជាចាត់វិធានការ យ៉ាងចាស់ដៃ ដើម្បីដាក់សម្ពាធ​ ទៅលើប្រទេសចិន ជុំវិញ​ការរំលោភ​សិទ្ធិមនុស្ស និងករណីជាច្រើនទៀត។

គួររំឭកដែរថា នៅក្នុងយុទ្ធនាការបោះឆ្នោត លោក ចូ បៃដិន ធ្លាប់បានហៅលោក ស៊ី ជិនពីង (Xi Jinping) ប្រធានាធិបតីចិន ថាជា«ជនបាតផ្សារ»។ ប្រធានាធិបតី​ជាប់ឆ្នោត បានថ្លែងនៅពេលនោះ​ថា៖

«(លោក ស៊ី) គឺជាមនុស្សម្នាក់ ដែលគ្មានជាតិជៅ នៃលទ្ធិប្រជាធិបតេយ្យ សូម្បីតែបន្តិច នៅក្នុងសាច់ឈាម របស់ខ្លួន៕»



លំអិតបន្ថែមទៀត

កម្ពុជា

អាមេរិក​ព្រមាន​ក្រុងភ្នំពេញ​ក្នុងជំហរ​ងាកទៅ​ចិន ដូច«ខ្មែរក្រហម»​បានធ្វើ

ការស្វែងរកយុត្តិធម៌ជូនជនរងគ្រោះ នៅក្នុងរបបប្រល័យពូជសាសន៍ ខ្មែរក្រហម «គួរតែជាការព្រមានដ៍ខ្លាំងមួយ ដល់រដ្ឋាភិបាល នឹងក្រុមអ្នកប្រព្រឹត្តអំពើព្រៃផ្សៃ ឬបំបាត់សម្លេង​ប្រជាជន» ខណៈ «យើងត្រូវចងចំាដែរថា ក្រុមខ្មែរក្រហម​បានពឹងផ្អែកយ៉ាង​ងប់ងល់ ទៅលើមហាអំណាចធំមួយ»។ ខាងលើនេះ ជាដំណកស្រង់ឃ្លាសំខាន់ចំនួនពីរ ...
ដំណឹង

បើករថយន្ដ​បុកចូល​ហ្វូងមនុស្ស​នៅចិន ស្លាប់​យ៉ាងតិច​៦នាក់

បុរសម្នាក់បានបើករថយន្ដ បុកចូលហ្វូងមនុស្ស ក្នុងព្រឹកថ្ងៃសុក្រនេះ នៅកណ្ដាលក្រុង « Zaoyang» នៃខេត្ត «Hubei» ភាគកណ្ដាលនៃប្រទេសចិន។ ហេតុការណ៍បានបណ្ដាលឲ្យមនុស្ស ស្លាប់​យ៉ាងតិច​៦នាក់ និងរបួសយ៉ាងហោច ៧នាកផ្សេងទៀត។ ...
កម្ពុជា

ខ្លីៗពីបារាំង៖ ហ៊ុន សែន ធ្វើ​«ពាណិជ្ជកម្ម​សេរី»​ជាមួយ​​ចិន​ដើម្បី​ផ្ចាញ់ផ្ចាល EU

នាយករដ្ឋមន្ត្រីកម្ពុជា លោក ហ៊ុន សែន នឹងចុះហត្ថលេខា ជាមួយចិនកុម្មុយនីស្ដិ៍ នៅថ្ងៃទី១២ ខែសីហាខាងមុខ លើកិច្ចព្រមព្រៀង«ពាណិជ្ជកម្មសេរី» រវាងប្រទេសទាំងពីរ កម្ពុជា-ចិន។ ហើយថ្ងៃទី១២ ខែសីហា ...

Comments are closed.

យល់ស៊ីជម្រៅផ្នែក ដំណឹង

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

ដំណឹង

ទាហានអ៊ុយក្រែន​ដែលត្រូវរ៉ុស្ស៊ី​បាញ់សម្លាប់ ក្លាយជា«វីរបុរសជាតិ»

ទាហានអ៊ុយក្រែនដែលត្រូវកងទ័ពរ៉ុស្ស៊ីបាញ់សម្លាប់ ត្រូវបានកំណត់អត្ថសញ្ញាណ និងប្រកាសឲ្យក្លាយជា«វីរបុរសជាតិ»។ នេះ បើតាមទីភ្នាក់ងារសន្តិសុខអ៊ុយក្រែន «SBU» និងការថ្លែង របស់ប្រធានាធិបតីអ៊ុយក្រែន លោក «Volodymyr Zelensky» នៅល្ងាចថ្ងៃអាទិត្យទី១២ ខែមិនា។ ...