ដំណឹងអាស៊ី-ប៉ាស៊ីភិក

អតីត​អគ្គនាយក​ក្រុមហ៊ុន នីសាន់ ចេញពី​ពន្ធនាគារ​ជាលើក​ទីពីរ

អតីតអគ្គនាយកក្រុមហ៊ុន នីសាន់ (Nissan – ជប៉ុន) និងក្រុមហ៊ុន រ៉ឺណូ (Renault – បារាំង) លោក កាឡូស ហ្គូន (Carlos Ghosn) បានចាកចេញពីពន្ធនាគារហើយ នៅថ្ងៃព្រហស្បត្តិនេះ បន្ទាប់ពីលោកត្រូវបានចាប់ឃុំខ្លួនជាថ្មី កាលពីថ្ងៃទី៤ ខែមេសា រហូតមក។ នេះ បើតាមសារព័ត៌មានក្នុងប្រទេសជប៉ុន ដែលបង្ហាញពីរូបភាព របស់លោក ហ្គូន ចេញពីពន្ធនាគារនោះផង។

រូបភាពទាំងនោះ បានបង្ហាញឲ្យដឹងថា លោក កាឡូស ហ្គូន បានចេញពីពន្ធនាគារ នៅវេលាម៉ោងប្រមាណជា ២២ និង២០នាទី ម៉ោងក្នុងប្រទេសជប៉ុន។ លោកពាក់អាវធំ គ្មានក្រវ៉ាត់ក និងដើរយ៉ាងស្វាហាប់ ឆ្ពោះទៅកាន់រថយន្ដពណ៌ខ្មៅ ដែលរង់ចាំដឹកលោកចេញ នៅពីមុខ​កាម៉េរ៉ា​រាប់សិប របស់អ្នកសារព័ត៌មាន។

Carlos Ghosn quitte le centre de détention de Tokyo

Carlos Ghosn a versé la somme de 4 millions d'euros pour être libéré

Publiée par CNEWS sur Jeudi 25 avril 2019


លោក ហ្គូន បានបង់ប្រាក់តំកល់ ៥០០លានយ៉េន (ត្រូវជា៤លានអ៊ឺរ៉ូ ឬ៤,៥លានដុល្លារ) ដើម្បីជាថ្នូរនឹងការដោះលែង ឲ្យនៅក្រៅឃុំជាបណ្ដោះអាសន្ន ក្នុងលើកនេះ។

អតីតមេដឹកនាំសហគ្រាស ផលិតរថយន្ដ នីសាន់ – រ៉ឺណូ ដ៏ល្បី ត្រូវគោរពតាមលក្ខខណ្ឌ ដ៏ម៉ឺងម៉ាត់ មានដូចជា នៅស្ថិតក្នុងលំនៅដ្ឋាន ហាមចាកចេញពីប្រទេសជប៉ុន និងហាមប៉ះពាល់ដល់វត្ថុតាង ឬបើសូម្បីការបែកធ្លាយផ្សេងៗ។

មេធាវីរបស់លោក បានបញ្ជាក់បន្ថែមថា លក្ខខណ្ឌដ៏តឹងតែងមួយទៀត ដែលត្រូវគោរពដែរនោះ គឺលោក ហ្គូន មានសិទ្ធិជួបភរិយាលោក តែនៅពេលណា ដែលតុលាការអនុញ្ញាតប៉ុណ្ណោះ។

នៅក្នុងការដោះលែង ឲ្យនៅក្រៅឃុំ កាលពីលើកទី១ លោក កាឡូស ហ្គូន អាចជួបជាមួយភរិយា និងក្រុមគ្រួសារបាន នៅក្នុងលំនៅដ្ឋានជួលមួយ នៅក្នុងរាជធានី តូក្យូ ដែលត្រូវបានចុះបញ្ជី នៅតុលាការ។ លោកមិនអាចអវត្តមាន ពីលំនៅដ្ឋានមួយនេះ ឲ្យហួសពី៣ថ្ងៃឡើយ។

មេធាវីលោកអះអាងថា លោក ហ្គូន នឹងវិលត្រឡប់ ទៅនៅក្នុងលំនៅដ្ឋានដដែល នោះវិញ។

កាលពីលើកមុន លោក ហ្គូន បានតំកល់ប្រាក់ រហូតដល់១ពាន់លានយ៉េន ដើម្បីរូបលោក អាចត្រូវបានតុលាការ អនុញ្ញាតឲ្យនៅក្រៅឃុំ នៅថ្ងៃទី៦ ខែមិនា បន្ទាប់ពីលោកត្រូវបានចាប់ដាក់ឃុំ ជាបណ្ដោះអាសន្ន នៅថ្ងៃទី១៩ ខែវិច្ឆិកា៕



You may also like

កម្ពុជា

អាមេរិក​ផ្ដល់វ៉ាក់សាំង Johnson&Johnson ជាង១លានដូស​ជូនកម្ពុជា

សហរដ្ឋអាមេរិក​នឹងផ្ដល់វ៉ាក់សាំងបង្ការជំងឺកូវីដ-១៩ (Covid-19) ប្រភេទ«Johnson&Johnson» ប្រមាណ​ជាង១លានដូស ជូនដល់ប្រជាជន​កម្ពុជា ក្នុងពេលឆាប់ៗខាងមុខនេះ។ នេះ បើតាមសំណេរជូនដំណឹង របស់​ភ្នាក់ងារ​រដ្ឋាភិបាលអាមេរិក «USAID» នៅលើទំព័រហ្វេសប៊ុក​ផ្លូវការ​របស់ខ្លួន។ ភ្នាក់ងារសហរដ្ឋអាមេរិក សម្រាប់ការអភិវឌ្ឍអន្តរជាតិ ...
ទស្សនៈប្រិយមិត្ត

លិខិតប្រិយមិត្ត៖ តើចិនអាចធ្វើដំណើរ ទៅដល់ណា?

តើចិនអាចធ្វើដំណើរ ទៅដល់ណា? ៖ ប្រទេសចិនកុំម្មុយនីស្ត ប្រឈមមុខនឹងគូប្រជែង និងគូសត្រូវមួយចំនួន ដើម្បី​សម្រេចបាន​នូវ​«មហិច្ឆតាខួប១០០ឆ្នាំ»នៃរបបនេះ នៅឆ្នាំ២០៥០៖ – គូប្រជែង​និងគូសត្រូវលេខ១ របស់ចិន​គឺ អាមេរិក សហគមន៍អឺរ៉ុប២៦ប្រទេស ...
កំសាន្ដ

កីឡដ្ឋាន​គ្មាន​អ្នកគាំទ្រឬ? នៅជប៉ុន មានមនុស្សយន្ដ​មកគាំទ្រ​ជំនួស!

ព្រោះជំងឺរាតត្បាត កូវីដ-១៩ (Covid-19) រាល់ការប្រកួតទាំងឡាយ ត្រូវបានធ្វើឡើង ក្នុងកីឡដ្ឋាន«ដែលគ្មានទស្សនិកជន ឬអ្នកគាំទ្រ។ នៅជប៉ុន សហគ្រាស​«Softbank» មានវិធីដោះស្រាយមួយ ដើម្បីផ្ដល់​ជាកម្លាំងចិត្ត ទៅដល់កីឡាករទាំងឡាយ នៅលើ​ទីលានប្រកួត៖ ...

Comments are closed.

ដំណឹង

សង្គ្រាមនៅអ៊ុយក្រែន ៖ អាមេរិកផ្ដល់ភ្លើងខៀវបញ្ជូនយន្តហោះ«F-16»

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

អ្នកជំនាញមួយក្រុមរបស់អង្គការសហប្រជាជាតិ បានអំពាវនាវទៅ​របបដឹកនាំរបស់លោក ហ៊ុន សែន ឲ្យដោះលែងអ្នកស្រី សេង ធារី មេធាវីខ្មែរអាមេរិកាំង ដែលគេស្គាល់ក្នុងពេលកន្លងមក ថាជា«ស្ត្រីសេរីភាព» តាមរយៈសម្លៀកបំពាក់តែងខ្លួនសម្ដែងមតិរបស់អ្នកស្រី នៅខាងមុខសាលាដំបូងរាជធានីភ្នំពេញ។ ក្រុមអ្នកជំនាញប្រឆាំងការឃុំឃាំងតាមទំនើងចិត្ត ...
កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...