កាលពីអំឡុងខែមេសា បណ្ដាជនអ្នកតាមដាន និងគាំទ្រ បានជឿជាក់ថា នោះជាព័ត៌មានផ្លូវការ នៅបន្ទាប់ពីប្រព័ន្ធ​ផ្សព្វផ្សាយអ៊ីស្ត្រាអែល បានប្រកាសថា រាជនីចម្រៀងប៉ុប នាង ម៉ាដូណា (Madonna) នឹងចូលរួមច្រៀង​​ជាកិត្តិយស នៅក្នុងវគ្គផ្ដាច់ព្រ័ត្រ នៃមហោស្រព​ប្រឡងចម្រៀង​អន្តរជាតិ «EuroVision» ដែលឆ្នាំនេះ ប្រព្រឹត្តិទៅ​ក្នុងរដ្ឋធានី តែលអាវីល ប្រទេសអ៊ីស្ត្រាអែល។

តែតាមពិត នៅក្នុងសប្ដាហ៍ចុងក្រោយ និងនៅមុនវគ្គផ្ដាច់ព្រ័ត្រ ឈានមកដល់នេះ ភាពស្រពិចស្រពិល​នៅតែកើតមាន ចំពោះវត្តមាន​ចូលរួម ក្នុងព្រឹត្តិការណ៍ប្រឡងចម្រៀង ពីសំណាក់​កំពូលតារាចម្រៀង អាយុ​៦០ឆ្នាំរូបនេះ។ គឺលោក «Jon Ola Sand» នាយកប្រតិបត្តិ ផ្នែកគ្រប់គ្រងព្រឹត្តិការណ៍ខាងលើ បានអះអាង កាលពីថ្ងៃចន្ទថា នាង ម៉ាដូណា នៅមិនទាន់ចុះហត្ថលេខា ទៅលើកិច្ចសន្យា​ចេញច្រៀងនៅឡើយ។

នៅទីបំផុត ក្នុងយប់ថ្ងៃព្រហស្បត្តិ ទី១៦ ខែឧសភានេះ បណ្ដាញទូរទស្សន៍ «KAN» របស់ប្រទេសអ៊ីស្ត្រាអែល ដែល​ទទួលរៀបចំផលិត មហាស្រពប្រឡងចម្រៀង «EuroVision» ឆ្នាំ២០១៩ បានចេញមកអះអាងថា កំពូល​តារាចម្រៀង​អាមេរិកាំង ដែលបានមកដល់ប្រទេសអ៊ីស្ត្រាអែល តាំងពីថ្ងៃអង្គារ ទើបនឹងចុះហត្ថលេខារួចរាល់ ជាមួយ​ផលិតកម្ម ស្ដីពីការចេញច្រៀង​របស់នាង។

មនុស្សអម​១៣៥នាក់ ក្នុងនោះ ៤០នាក់ជាអ្នកបន្ទរ ២៥នាក់​ជាអ្នករាំ

ដូច្នេះ វត្តមានរបស់នាង ម៉ាដូណា នៅលើឆាកនៃវគ្គផ្ដាច់ព្រ័ត្រ របស់មហោស្រពអន្តរជាតិ «EuroVision» ត្រូវបាន​អះអាង​ជាផ្លូវការ។ កំពូលតារាចម្រៀង នឹងឡើងសំដែងចម្រៀងពីរបទ ក្នុងយប់ថ្ងៃសៅរ៍​ទី១៨ ខែឧសភាស្អែក គឺបទ «Like a Prayer» ដ៏ល្បីល្បាញ និងបទ​«Future» ដែលតារាចម្រៀង ត្រៀមចេញនៅក្នុង​ថាសចម្រៀងថ្មី ឈ្មោះ «Madame X» របស់នាង។

សារព័ត៌មានអ៊ីស្ត្រាអែល បានអះអាងថា នាង ម៉ាដូណា បានមកដល់ប្រទេសអ៊ីស្ត្រាអែល ជាមួយនឹងមនុស្សអម ចំនួន១៣៥នាក់ ក្នុងនោះ ៤០នាក់ជាអ្នកបន្ទរ ២៥នាក់ជាអ្នករាំ និងអ្នកសេសសល់ សុទ្ធសឹងជាអ្នកបច្ចេកទេស។

ប្រព័ន្ធផ្សព្វផ្សាយបានអះអាងទៀតថា មួយផ្នែកធំនៃការចំណាយ ដើម្បីហៅកំពូលតារាចម្រៀង ឲ្យចេញច្រៀង នៅក្នុង​មហោស្រពអន្តរជាតិ ដែលមានការចូលរួម ពី៤១ប្រទេសនេះ ត្រូវបានធានារ៉ាប់រង ដោយមហាសេដ្ឋីសញ្ជាតិពីរ (អ៊ីស្ត្រាអែល-កាណាដា) លោក «Sylvan Adams»។

សង្គ្រាមសំដី៖ ម៉ាដូណា «EuroVision» និងអ៊ីស្ត្រាអែល

គេត្រូវរំលឹកឡើងវិញ ពីសង្គ្រាមសំដីដែលបានផ្ទុះឡើង បន្ទាប់ពីដំណឹងលេចឮ​នៃវត្តមាន របស់តារាចម្រៀង នៅលើ​ទឹកដីអ៊ីស្ត្រាអែល ខណៈសិល្បករ និងក្រុមសកម្មជនទាំងឡាយ នៅជុំវិញផែនដី បានចេញមុខគាំទ្រយុទ្ធនាការ ធ្វើពហិការ​ប្រទេសអ៊ីស្ត្រាអែល ដើម្បីតវ៉ាប្រឆាំង នឹង«ការរំលោភសិទ្ធិបណ្ដាជនប៉ាឡេស្ទីន»។

ប៉ុន្តែនាង ម៉ាដូណា បានឆ្លើយតបជាផ្លូវការ កាលពីថ្ងៃអង្គារថា៖

«ខ្ញុំនឹងមិនឈប់លេងភ្លេងដាច់ខាត ដើម្បីគោរពតាមការទាមទារ តាមបែបនយោបាយណាមួយ ហើយខ្ញុំក៏នឹង​មិនឈប់​និយាយ ជាសាធារណៈ ប្រឆាំងនឹងការរំលោភបំពានសិទ្ធិមនុស្ស នៅគ្រប់ទីកន្លែងក្នុងពិភពលោកនោះដែរ៕»



You may also like

តន្ត្រី

អ៊ីតាលី ឈ្នះពាន​មហោស្រព​ ប្រឡងចម្រៀង «EuroVision 2021»

លទ្ធផលផ្ដាច់ព្រ័ត្រ​នៃ​មហោស្រព ប្រឡងចម្រៀង «EuroVision 2021» បានផ្ដល់ជ័យជំនះ ទៅឲ្យប្រទេសអ៊ីតាលី តាមរយៈ​ក្រុមអ្នកចម្រៀងរ៉ុក​វ័យក្មេង ឈ្មោះ​«Måneskin» ដែលបានច្រៀងបទ​«Zitti e buoni» ក្នុងយប់ថ្ងៃសៅរ៍ ទី២២ ...
តន្ត្រី

ហូឡង់ លើកពាន​មហោស្រព​ប្រឡងចម្រៀង EuroVision ឆ្នាំ២០១៩

ពានរង្វាន់សម្លេងឯក នៃមហោស្រពប្រឡងចម្រៀងអន្តរជាតិ «EuroVision» ឆ្នាំ២០១៩ និងលើកទី៦៤ ក្នុងរដ្ឋធានី តែលអាវីល (អ៊ីស្ត្រាអែល) ត្រូវបានប្រគល់ជូន ទៅលើដៃអ្នកចម្រៀងជាតិហូឡង់ លោក «Ducan Laurence»។ ...
តន្ត្រី

ផ្សាយផ្ទាល់​ពីរាត្រី​ផ្ដាច់ព្រ័ត្រនៃ​មហោស្រព​ប្រឡង​ចម្រៀង EuroVision

២៦ប្រទេសចុងក្រោយ ពីក្នុងចំណោមប្រទេសចូលរួមទាំងអស់ ៤១ប្រទេស នឹងត្រូវបញ្ចេញសមត្ថភាព តាមរយៈអ្នកចម្រៀងជម្រើសផងខ្លួន នៅក្នុងរាត្រីផ្ដាច់ព្រ័ត្រ នៃ​មហោស្រព​ប្រឡង​ចម្រៀង «EuroVision» ដែលជាព្រឹត្តិការណ៍ប្រចាំឆ្នាំ នៅទ្វីបអ៊ឺរ៉ុប ដោយមានការចូលរួម ពីបណ្ដាប្រទេសជាសមាជិក ក្រៅទ្វីបអ៊ឺរ៉ុបមួយចំនួនទៀត។ ...

Comments are closed.

កំសាន្ដ

ខឹម វាសនា ថា«ស្រីចរិតថោក»​ស្លៀកពាក់ប្រពៃណី​«ដេញប្រុស»

កំសាន្ដ

បាល់ទាត់​ពិភពលោក​ផ្នែកស្រី៖ ប្រកួតឈ្នះរួច​ត្រូវបានចាប់… ថើបមាត់ !

កីឡាការិនីអេស្ប៉ាញមួយរូប ត្រូវបានប្រធានសហព័ន្ធបាល់ទាត់ នៃប្រទេសអេស្ប៉ាញចាប់«ថើបមាត់» បន្ទាប់ពីក្រុមជម្រើសជាតិផ្នែកស្ត្រី របស់ប្រទេសនេះ បានប្រកួតឈ្នះក្រុមអង់គ្លេស នៅក្នុងការប្រកួតវគ្គផ្ដាច់ព្រ័ត្រ កាលពីយប់ថ្ងៃអាទិត្យ ទី២០ ខែសីហា ក្នុងកីឡដ្ឋាន«Australia stadium» នៃក្រុងស៊ីដនី ...
កំសាន្ដ

ការផ្ទុះភ្នំភ្លើងដ៏កម្រ ដែលចេញតែភក់ នៅម៉ាឡេស៊ី

ភ្នំភ្លើងផ្ទុះឡើង តែគ្មានផ្កាភ្លើងទេ ៖ នោះជាការផ្ទុះភ្នំភ្លើងដ៏កម្រ ដែលចេញតែភក់ និងមានរយៈពេលតែប៉ុន្មាននាទីប៉ុណ្ណោះ។ ហេតុការណ៍នេះ កើតឡើងនៅក្នុងរដ្ឋ«Sabah» នៃប្រទេសម៉ាឡេស៊ី កាលពីថ្ងៃអាទិត្យ ទី១៨ ខែកញ្ញាកន្លងមក។ ភ្នំភ្លើងនោះ ...