កំពូលតារាភាពយន្ដទាំងពីររូប លោក «Ben Affleck» និងនាង «Ana de Armas» បានបញ្ចប់ចំណងស្នេហ៍ ដែលមានអាយុ​ជិត១ឆ្នាំ​របស់ពួកគេ។ នេះ បើតាមការលើកឡើង របស់បណ្ដាញផ្សព្វផ្សាយអាមេរិក ដោយស្រង់ប្រភព​ស្និតនឹងអ្នកទាំងពីរ មកបញ្ជាក់។

ប្រភពនោះបានអះអាងថា៖

«“Ben”និង”Ana” បានចែកផ្លូវគ្នាហើយ។ ខណៈនេះ “Ben” កំពុងនៅទំនេរ (…) ពួកគេទាំងពីរ បានជជែក​តឹងសរសៃក​ម្ដងម្កាល និងបាន​ឌឺដងដាក់គ្នាបន្តិចបន្តួច ដែលជារឿងធម្មតា កើតឡើងនៅក្នុងគ្រប់គូស្នេហ៍ទាំងអស់។ តែមកដល់ដំណាក់កាលមួយ ចំណងស្នេហ៍​របស់ពួកគេ បានឈានដល់ចំណុច ដែលមិនអាចទៅមុខកើត ដូចដែលពួកគេចង់បាន។ ជាការសម្រេចចិត្ត ទាំងសងខាង។»

«ពួកគេ បានស្រឡាញ់គ្នា ហើយក៏មានការគោរព រវាងគ្នាខ្លាំងណាស់ដែរ។ តែនៅពេលនេះ ដល់ពេលដែលពួកគេ ត្រូវគិតពីរឿងផ្សេង តទៅអនាគត។»

បើតាមទស្សនាវដ្ដី «People» របស់អាមេរិក បានបញ្ជាក់ឲ្យដឹងទៀតថា តារាភាពយន្ដ លោក «Ben Affleck» អាយុ៤៨ឆ្នាំ និងនាង​ «Ana de Armas» អាយុ៣២ឆ្នាំ បានសម្រេចចែកផ្លូវគ្នា ដោយជជែកគ្នាតាមទូរស័ព្ទ។

ទស្សនាវដ្ដីបន្តថា មូលហេតុសំខាន់គឺនាង «Ana de Armas» គ្មានបំណង​មករស់នៅក្នុងក្រុង «Los Angeles» ជាមួយលោក «Ben Affleck» ដែលចាំបាច់ត្រូវរស់នៅទីនោះ ជាមួយកូនៗ​ទាំងបីនាក់​របស់លោក (កូនរបស់លោក “Ben” ជាមួយភរិយាមុន គឺនាង«Jennifer Garner»)។

កំពូលតារាភាពយន្ដហូលីវូដ (Hollywood) ទាំងពីរ បានចាប់ផ្ដើមចំណងស្នេហ៍ បន្ទាប់ពីពួកគេបានសំដែងរួមគ្នា ក្នុងភាពយន្ដ​រឿង «Deep Water (ជម្រៅជលសារ)» ដែលត្រូវបានថត កាលពីរដូវស្លឹកឈើជ្រុះ ឆ្នាំ២០១៩។ បន្ទាប់មក ពួកគេបានបង្ហាញជាផ្លូវការ ពីចំណងស្នេហ៍នេះ នៅលើ​បណ្ដាញសង្គម កាលពីដើមខែឧសភា ឆ្នាំ២០២០៕



លំអិតបន្ថែមទៀត

កំសាន្ដ

ឆ្នាំ២០១៨​នៅ​ហូលីវូដ តើ​តារា​ណា​ដែល​មាន​ប្រាក់​ចំណូល​ច្រើន​ជាង​គេ?

ទស្សនាវដ្ដី «Variety» របស់អាមេរិក បានបង្ហាញរបាយការណ៍អង្កេតមួយ ប្រចាំឆ្នាំ២០១៨របស់ខ្លួន ដែលទម្លាយឲ្យដឹង ពីប្រាក់ចំណូលរបស់កំពូលតារាសំដែង នៅអាណាចក្រ ហូលីវូដ (Hollywood)។ ខាងក្រោមនេះ ជាតារាភាពយន្ដទាំង២០ ដែលមានប្រាក់ចំណូលខ្ពស់បំផុត ...
ផ្ទាំងសំពត់ស

ភាពយន្ដថ្មី«Godzilla VS Kong» ចេញស្បត​ឃោសនាផ្អើលយូធូប

សត្វមាឌយក្សទាំងពីរ មួយហៅថា «Godzilla» និងមួយទៀត ជាសត្វស្វាគីងកុង «King Kong» បានជួបប្រយុទ្ធគ្នា នៅក្នុង​ភាពយន្ដ​ថ្មីមួយ របស់ផលិតកម្ម «Warner Bros» នៃពិភពហូលីវូដអាមេរិក។ ...
ផ្ទាំងសំពត់ស

ការបញ្ចូលសម្លេង​ដោយ​​តារាសំដែង-​ចម្រៀង ក្នុង​ភាពយន្ដ​គំនូរជីវចល

ពិតហើយថា ក្នុង​ភាពយន្ដ​គំនូរជីវចល ឬភាពយន្ដគំនូរ «3D» ទោះនៅទីណាក៏ដោយ គ្រប់តួអង្គជាតុក្កតា(ឬជាគំនូរ)ទាំងអស់ ត្រូវការការបញ្ចូលសម្លេង ពីខាងក្រោយឆាក ដែលខុសពីភាពយន្ដ ដែលមានតួអង្គសំដែង ជាមនុស្សពិត។ ខាងក្រោមនេះ ជាការដកស្រង់នូវឈុតឆាកជាច្រើន ...

Comments are closed.

យល់ស៊ីជម្រៅផ្នែក កំសាន្ដ

កំសាន្ដ

អេនជឺលីណា ជូលី បង្ហាញវត្តមាន​នៅអ៊ុយក្រែន តែត្រូវ​ជម្លៀសខ្លួន​ភ្លាមៗ…

កំសាន្ដ

«ស្ត្រីកំណាន់»​របស់ ពូទីន បង្ហាញខ្លួន​នៅម៉ូស្គូ និងថ្លែងចំអក​បស្ចឹមលោក

អ្នកស្រី «Alina Kabaeva» ដែលប្រព័ន្ធផ្សព្វផ្សាយ បានស្គាល់ថាជា«ស្ត្រីកំណាន់»របស់ប្រធានាធិបតីរ៉ុស្ស៊ី លោក វ្លាឌីមៀរ ពូទីន (Vladimir Poutine) បានបង្ហាញខ្លួន​ដ៏គួរឲ្យភ្ញាក់ផ្អើល ជាមួយក្រុមកីឡាកររ៉ុស្ស៊ី ក្នុងសាលហ្វឹកហាត់មួយ ...
កំសាន្ដ

សង្គ្រាមនៅអ៊ុយក្រែន៖ ទាហានរៀបការ នៅនឹង​ខ្សែត្រៀម​ជួរមុខ

ក្នុងសម្លៀកបំពាក់ទាហាន គូស្នេហ៍មួយបានរៀបអាពាហ៍ពិពាហ៍ នៅនឹង​ខ្សែត្រៀម​ជួរមុខ ចម្ងាយប៉ុន្មានគីឡូម៉ែត្រ ពីរដ្ឋធានីគៀវ (ប្រទេសអ៊ុយក្រែន)។ កូនប្រុស នាម«Valeriy» និងកញ្ញា នាម«Lesya» បានភ្ជាប់មេត្រីភាព ក្លាយជាគូស្វាមីភរិយា ដោយមានការចូលរួម ...