តើនាឡិកា របស់លោកនាយករដ្ឋមន្ត្រី ហ៊ុន សែន មួយគ្រឿង ដែល​មានតម្លៃ​ជាង​៣លាន​ដុល្លារ មានយីហោអ្វី? ផលិតពីអ្វី? ស្ថាប័នអ៊ីតាលីមួយ ឈ្មោះ «Insane Luxury Life» បាន​អះអាង​ថា នាឡិការបស់បុរសខ្លាំង នៅកម្ពុជា ជាប្រភេទ «Sky Moon Tourbillon Réf. 6002» នៃយីហោ «Patek Philippe» ដែលជា​កំពូល​យីហោ​នាឡិកា របស់ប្រទេស​ស្វីស។

បន្ទាប់ពីនាឡិកា ជាច្រើនផ្សេងទៀត លោក ហ៊ុន សែន បានបង្ហាញរូបភាពលោក ដែល​ពាក់នាឡិកាខាងលើ នៅលើទំព័រ​ហ្វេសប៊ុក កាលពីថ្ងៃទី២១ ខែមិថុនា ឆ្នាំ២០២០ ក្នុង​ឱកាស​​នៃការប្រកាស​ជាផ្លូវការ នូវ «កម្មវិធី​ឧបត្ថម្ភ​សាច់ប្រាក់ ជូនគ្រួសារក្រីក្រ និង​ងាយរងគ្រោះ ក្នុងអំឡុងពេលប្រយុទ្ធ នឹងជំងឺ​កូវីដ-១៩»។

សម្បកក្រៅ របស់នាឡិកាមួយគ្រឿងនេះ ផលិតពីមាស ស ដោយចាក់ចម្លាក់ដោយដៃ យ៉ាងប្រណិត។ ផ្ទៃក្នុង​របស់​នាឡិកា មានពីរប្រភេទ និងពីរពណ៌ (ខ្មៅ និងខៀវស្រងាត់)។ ប្រភេទ​នាឡិការបស់លោក ហ៊ុន សែន មានពណ៌​ខៀវស្រងាត់ និងមានចម្លាក់ ពីក្បាច់​ស្លឹកឈើ នៅផ្នែកកណ្ដាល។

នាឡិកាប្រភេទនេះ មិនមែនជាផលិតផល សម្រាប់អតិថិជនធម្មតា ដែលនរណាៗ ក៏​អាច​រកទិញ​បាននោះទេ។ តែវាត្រូវបានផលិតចេញ រវាងពីឆ្នាំ២០១៤ មកឆ្នាំ២០១៦ ទៅតាម​ការបញ្ជាទិញ ដែលត្រូវ​កក់ប្រាក់ទុកជាមុន ពីសំណាក់​អតិថិជន «VIP» មួយចំនួន របស់​សហគ្រាស «Patek Philippe» ដែលសុទ្ធសឹងជាមហាសេដ្ឋី ព្រះមហាក្សត្រ ឬតារាល្បីៗ។

បើតាមស្ថាប័ន «Insane Luxury Life» បានអះអាងថា តម្លៃចុះក្នុងបញ្ជី របស់​នាឡិកា​ខាងលើ ត្រូវបានដឹងថា មានប្រមាណជា ១,២ លានដុល្លារ។ ប៉ុន្តែដោយ​សារនាឡិកានេះ ឈប់ផលិតចេញទៀត ទើបវាបានប្រែក្លាយ ជាគ្រឿងអលង្កាដ៏កម្រ ក្នុងពេលបច្ចុប្បន្ន។

អ្នកមានប្រាក់ផ្សេងទៀត ដែលចង់ទិញវា យកមកពាក់ដែរ ត្រូវស៊ើបសួរតាម​រយៈ​ឈ្មួញ​កណ្ដាល និងហា៊នឲ្យថ្លៃ (ឬហៅម្យ៉ាងទៀត ថាការដេញថ្លៃ)។ បើតាមការប៉ាន់ប្រមាណ នៅ​ពេលនេះ ឲ្យដឹងថា នាឡិកាប្រភេទ «Sky Moon Tourbillon Réf. 6002» អាចមាន​តម្លៃ ច្រើនជាង៣លានដុល្លារ៕



លំអិតបន្ថែមទៀត

កម្ពុជា

Covid-19៖ ហ៊ុន សែន ឲ្យធ្វើតេស្ដិ៍សិន មុននឹង​ទៅជួប​លោក

មុននឹង​ទៅជួប​លោក ហ៊ុន សែន ដោយផ្ទាល់ បណ្ដាជនទាំងឡាយ ត្រូវធ្វើតេស្ដិ៍ជាមុនសិន។ នេះ ជាបញ្ជារបស់​នាយករដ្ឋមន្ត្រីកម្ពុជា បន្ទាប់ពីលោកបានធ្វើចត្តាឡីស័ក សម្រាប់រយៈពេល១៤ថ្ងៃ ជាលើកទី៣ ខណៈរូបលោក​ទទួលបាន ការចាក់វាក់សាំង ...
កម្ពុជា

សម រង្ស៊ី បន្ត​ទម្លាយ​ដំណឹង​ថា ហ៊ុន សែន ត្រៀមសម្លាប់ ហ៊ីង ប៊ុនហៀង

មេដឹកនាំប្រឆាំង បានបង្ហោះសារ ទាក់ទងនឹងផ្ទៃក្នុងរបស់គណបក្សប្រជាជនកម្ពុជា ជាបន្តទៀត។ ហើយលើកនេះ លោក សម រង្ស៊ី បានងាកមកឲ្យដំណឹង ទាក់ទងនឹងលោក ហ៊ីង ប៊ុនហៀង អគ្គមេបញ្ជាការរង ...
កម្ពុជា

អតីតអភិបាលរងខេត្តព្រះសីហនុទាំងពីរ នឹងរងចំណាត់ការពី ACU

បន្ទាប់ពីត្រូវបានបណ្ដេញចេញពីតំណែង អតីតអភិបាលរងខេត្តព្រះសីហនុទាំងពីររូប នឹងរងចំណាត់ការ ពីអង្គភាពប្រឆាំងអំពើពុករលួយ (ACU) រួមនឹងក្រសួងមហាផ្ទៃថែមទៀត។ នេះ បើតាមការបញ្ជាក់របស់នាយករដ្ឋមន្ត្រីកម្ពុជា លោក ហ៊ុន សែន នៅលើបណ្ដាញសង្គម បន្ថែមពីលើអនុក្រឹត្យនៃការដកតំណែងអភិបាលរងទាំងពីរ។ ...

យល់ស៊ីជម្រៅផ្នែក វប្បធម៌ និងជីវិត

គំនូរ ចម្លាក់

រកឃើញ​«ម្ឈូសបុរាណ​ធ្វើពី​សំណ» នៅក្រោមព្រះវិហារ​«Notre-Dame»

ជីវិតប្រចាំថ្ងៃ

បារាំង៖ ប្រតិទិន​​នៃវិស្សមកាល ក្នុងឆ្នាំសិក្សា ២០២១-២០២២

តារាង​«ប្រតិទិន​​នៃវិស្សមកាល» ខាងក្រោមនេះ នឹងជួយសម្រួល ដល់ឪពុកម្ដាយ ឬអាណាព្យាបាល​ទាំងឡាយ ជាពិសេសពលរដ្ឋ ខ្មែរ-បារាំង ដែលរស់នៅ ក្នុងប្រទេសបារាំង អាចពិគ្រោះបាន​ជាមុន នូវវិស្សមកាល​ទាំង៥ នៃឆ្នាំសិក្សា ២០២១-២០២២ ...
វប្បធម៌ និងជីវិត

បុរសកម្ពុជាជាប់ឈ្មោះថា មានលិង្គតូចជាងគេ បន្ទាប់ពីកូរ៉េ

បើ«មានលិង្គតូចជាងគេ» ចូរបុរសកម្ពុជាទាំងឡាយ​កុំតូចចិត្ត ព្រោះវាជាខ្នាត​គិតជាមធ្យម សិក្សាដោយ​បណ្ណាល័យ​វេជ្ជសាស្ត្រជាតិមួយ របស់សហរដ្ឋអាមេរិក មានឈ្មោះ​«National Library of Medicine» ដែលបានចាត់​ចំណាត់ថ្នាក់ ទៅលើបណ្ដាប្រដាប់ភេទ របស់បុរស​សឹងតែគ្រប់ប្រទេស នៅលើពិភពលោក។ ...

Comments are closed.