• កាសែតជប៉ុន​រំឭក​រដ្ឋាភិបាល​ខ្លួនពី​«ចំណាត់ការ»​របស់ EU ចំពោះ​ ហ៊ុន សែន

    មិនមែនជាអត្ថបទព័ត៌មាន ឬជាសេចក្ដីរាយការណ៍ទេ តែជា«បទវិចារណកថា» របស់ការិយាល័យនិពន្ធ នៃសារព័ត៌មានជប៉ុនដ៏ធំមួយ ហៅថា «Japan Times» ដែលចេញផ្សាយកាលពីថ្ងៃសៅរ៍។ សារព័ត៌មាននេះ ហាក់ពន្យល់ទៅរដ្ឋាភិបាលជប៉ុន នៅក្នុងអត្ថបទនោះថា «សហភាពអ៊ឺរ៉ុប ពិតជាធ្វើ”ចំណាត់ការ”ត្រឹមត្រូវ ដោយឈរលើជំហរ នៃគោលការណ៍​និងគុណតម្លៃរបស់ខ្លួន ហើយសហភាពអ៊ឺរ៉ុប នឹងមិនគួរធ្វើចំណាត់ការនេះ តែម្នាក់ឯងនោះឡើយ»។ នៅក្នុងអត្ថបទវិចារណកថា ដែលមានចំណងជើងថា «សហភាពអ៊ឺរ៉ុបចាត់វិធានការតឹងរ៉ឹង ចំពោះប្រទេសកម្ពុជា» ការិយាល័យនិពន្ធរបស់សារព័ត៌មាន «Japan Times» បានសរសេររៀបរាប់ ពីចំណាត់ការរបស់សហភាពអ៊ឺរ៉ុប ថាបានបង្ហាញរូបរាងច្បាស់ឡើង បន្ទាប់ពីសហភាពអ៊ឺរ៉ុបបានព្រួយបារម្ភ ពីការធ្លាក់ចុះនៃលទ្ធិប្រជាធិបតេយ្យ និងការគោរពសិទ្ធិមនុស្ស និងជាពិសេស​គឺបន្ទាប់ពីលោក ហ៊ុន សែន បានគម្រាមថា ...
  • រូបថត​ព្រះសង្ឃ​លុតជង្គង់​សំពះ ហេង សំរិន បង្ក​ឲ្យផ្ទុះ​រឿង​អាស្រូវ

    បើទោះជាព្រះសង្ឃនៅក្នុងហេតុការណ៍ នៃការលុតជង្គង់សំពះលោក ហេង សំរិន ត្រូវបានឧបករណ៍ឃោសនាក្នុងស្រុក ស្រង់ថេរដីកាមកបកស្រាយយ៉ាងណាក៏ដោយ ក៏ទិដ្ឋភាពរបៀបនេះបង្ហាញពីសីលធម៌ នៃសង្គមបច្ចុប្បន្នក្រោមរបបដឹកនាំរបស់លោក ហ៊ុន សែន។ នេះ បើតាមការលើកឡើងព្រោងព្រាត របស់មនុស្សជាច្រើន នៅលើបណ្ដាញសង្គម។ ហេតុការណ៍បានផ្ទះឡើងខ្លាំងក្លា នៅចុងសប្ដាហ៍នេះ បន្ទាប់ពីរូបថតប៉ុន្មានសន្លឹក ត្រូវបានបង្ហោះ​នៅពាសពេញបណ្ដាញសង្គម និងមានការចែករំលែកបន្តបន្ទាប់គ្នា។ រូបថតទាំងនោះ បានបង្ហាញឲ្យឃើញព្រះសង្ឃមួយអង្គ កំពុងលុតជង្គង់សំពះទទួលទាន ពីលោក ហេង សំរិន ប្រធានរដ្ឋសភាឯកបក្ស នៃរបបដឹកនាំក្រុងភ្នំពេញសព្វថ្ងៃ។ ក្រុមអ្នកប្រើប្រាស់បណ្ដាញសង្គម ដ៏ច្រើនសន្ធឹកសន្ធាប់ បានរិះគន់លោក ហេង សំរិន ថាកំពុងជាន់ឈ្លីសាសនា និងរដ្ឋធម្មនុញ្ញរបស់ប្រទេស ខណៈរូបលោកជាប្រធានស្ថាប័នមួយ ...
  • ហេតុផលពីរយ៉ាង ដែលនាំឲ្យស្ថានទូតអាមេរិកលូកដៃចូលករណី កឹម សុខា

    ស្ថានទូត​សហរដ្ឋអាមេរិក​ពិតជាមានសិទ្ធិ ក្នុងកិច្ចអន្តរាគមន៍លូកដៃ ចូលករណីលោក កឹម សុខា ដោយសារ«ហេតុផលពីរយ៉ាង»។ នេះ បើតាមការអះអាងរបស់អ្នកនាំពាក្យស្ថានទូត​នៃប្រទេសមហាអំណាច ប្រចាំក្នុងរាជធានីភ្នំពេញ ដើម្បីប្រតិកម្មតបទៅសេចក្ដីថ្លែងការណ៍ របស់ក្រសួងការបរទេសកម្ពុជា ដែលចេញផ្សាយ​កាលពី​ចុងសប្ដាហ៍​​កន្លងមក។ ថ្លែងប្រាប់វិទ្យុអាស៊ីសេរី ក្នុងថ្ងៃអាទិត្យទី១៧ ខែកុម្ភៈ ឆ្នាំ២០១៩នេះ មន្ត្រីអ្នកនាំពាក្យស្ថានទូត លោក អារិន ឆ្វាតចេស (Arend Zwartjes) បានលើកយក«ហេតុផលពីរយ៉ាង»នោះ មកពន្យល់ថា៖ «ទី​១ ​​សហរដ្ឋអាមេរិក​ជា​ហត្ថលេខី ​នៃ​កិច្ចព្រមព្រៀង​សន្តិភាព​ទីក្រុង​ប៉ារីស ហើយ​មាន​ភារកិច្ច​ទទួលខុស​ត្រូវ​ លើ​កិច្ចព្រមព្រៀង​នេះ នឹង​ចង់​ឃើញ​លទ្ធិប្រជាធិបតេយ្យ និង​សិទ្ធិមនុស្ស​ត្រូវ​បាន​គោរព​ នៅ​ក្នុង​ប្រទេស​កម្ពុជា។ សេចក្ដី​ប្រកាស​បញ្ជាក់​ថា ប៉ុន្តែ​ជា​អកុសល រដ្ឋាភិបាល​កម្ពុជា​ មិនបាន​បំពេញ​កាតព្វកិច្ច​របស់​ខ្លួន ...
  • អាជ្ញាធរចិន​រឹបអូស​គ្រឿងចម្លាក់​មកពី​កម្ពុជា ដែល​សង្ស័យ​«ធ្វើពីភ្លុកដំរី»

    អាជ្ញាធរគយខេត្តណានណីង (Nanning) ក្នុងភាគខាងត្បូងប្រទេសចិន បានរឹបអូសគ្រឿងចម្លាក់ចំនួនបួន ដែលសង្ស័យថា«ធ្វើពីភ្លុកដំរី»។ នេះ បើតាមសេចក្ដីរាយការណ៍របស់ទីភ្នាក់ងារព័ត៌មានផ្លូវការចិន «ស៊ីនហួរ» ដោយស្រង់ប្រភពពីមន្ត្រីគយ មកបញ្ជាក់។ គ្រឿងចម្លាក់ទាំង៤នោះ មានបីគ្រឿងជាសម្ភារៈតុបតែង ក្នុងព្រះពុទ្ធសាសនា និងមួយគ្រឿងជារូបចម្លាក់មុខមនុស្ស។ សម្ភារៈទាំងបួននេះ មានទំងន់សរុប២០៨,៧ក្រាម និងត្រូវបានខ្ចប់ជាពីរកញ្ចប់។ មួយកញ្ចប់ ផ្ញើរចេញពីប្រទេសកាឡេដូនីថ្មី និងមួយទៀត ផ្ញើរចេញពីប្រទេសកម្ពុជា។ ទីភ្នាក់ងារផ្លូវការចិន បានស្រង់ប្រភពមន្ត្រីគយ មកអះអាងបន្តថា គ្រឿងលំអទាំងនេះ នឹងត្រូវបញ្ជូនទៅឲ្យមន្ទីរពិសោធន៍ ដើម្បីពិនិត្យមើល ថាវាពិតជា«ធ្វើពីភ្លុកដំរី» ឬយ៉ាងណា។ កាលពីពាក់កណ្ដាលខែធ្នូ ឆ្នាំទៅម៉ិញ អាជ្ញាធរខ្មែរបានរកឃើញ ភ្លុកដំរីចំនួន ១០២៦ភ្លុក ដែលមានទំងន់ ...
  • អ្នកជំនាញ អ.ស.ប បរិហាររដ្ឋាភិបាល​បារាំងថា បាន​រឹតត្បិត​សិទ្ធិធ្វើ​បាតុកម្ម

    សិទ្ធិធ្វើបាតុកម្មក្នុងប្រទេសបារាំង «រងការរឹតត្បិត ដោយគ្មានតុល្យភាពត្រឹមត្រូវ» នេះបើតាមការអះអាងឡើង ក្នុងរបាយការណ៍មួយ របស់ក្រុមអ្នកជំនាញឯករាជ្យ នៃអង្គការសហប្រជាជាតិ (អ.ស.ប) ដែលចេញផ្សាយកាលពីថ្ងៃទី១៤ ខែកុម្ភៈ ឆ្នាំ២០១៩នេះ ដើម្បីវាយតម្លៃ ពីបាតុកម្ម​រយៈពេល​៣ខែកន្លងមក នៃក្រុមអាវកាក់លឿងបារាំង។ របាយការណ៍របស់អ្នកជំនាញទាំងនោះ បានលើកឡើងថា៖ «អាជ្ញាធរ[បារាំង] គួរគិតឡើងវិញ ពីគោលនយោបាយរបស់ខ្លួន ដោយត្រូវរក្សាសណ្ដាប់ធ្នាប់ ក្នុងគោលដៅធានាឲ្យបាន នូវការអនុវត្តសិទ្ធិសេរីភាពរបស់ពលរដ្ឋ។» «តាំងពីចលនាបាតុកម្ម [របស់ក្រុមអាវកាក់លឿង] បានចាប់ផ្ដើមដំបូង នៅខែវិច្ឆិកា ឆ្នាំ២០១៨មកនោះ យើងបានទទួលរបាយការណ៍ដ៏ធ្ងន់ធ្ងរ ជាច្រើនករណី ពីការប្រើប្រាស់កម្លាំងជ្រុលហួសហេតុ។ បណ្ដាជនច្រើនជាង ១៧០០នាក់ បានរងរបួស នៅក្នុងបាតុកម្មដែលត្រូវបានរៀបចំធ្វើ នៅទូទាំងប្រទេស។» ...
  • ក្រុមអាវកាក់​លឿងបារាំង​ជាង​១ម៉ឺននាក់ បន្តបាតុកម្ម​«លើកទី១៤»

    បាតុករអាវកាក់លឿង ប្រមាណជា១០២០០នាក់ នៅក្នុងប្រទេសបារាំង ក្នុងនោះ ៣០០០នាក់ នៅរដ្ឋធានីប៉ារីស បានបន្តបាតុកម្ម«លើកទី១៤» របស់ពួកគេជាបន្តទៀត នៅក្នុងថ្ងៃសៅរ៍ទី១៦ ខែកុម្ភៈ ឆ្នាំ២០១៩នេះ។ នេះ បើតាមតួលេខ ផ្ដល់ដោយក្រសួងមហាផ្ទៃបារាំង ក្នុងល្ងាចថ្ងៃសៅរ៍ដដែល។ ប៉ុន្តែតួលេខខាងលើ ត្រូវបានក្រុមអាវកាក់លឿង បដិសេធ ដោយក្រុមនេះបានគិតថា អ្នកចូលរួមអាចមានចំនួនច្រើនជាង។ តួលេខរបស់ក្រសួង បង្ហាញថាចំនួនអ្នកចូលរួមបាតុកម្ម របស់ក្រុមអាវកាក់លឿង មានការថយចុះ បើប្រៀបធៀបទៅចុងសប្ដាហ៍កន្លងទៅ។ នៅម៉ោងដូចគ្នា បាតុករអាវកាក់លឿង កាលពីថ្ងៃសៅរ៍មុន មានចំនួនប្រមាណជា ១២ ១០០នាក់ (ក្នុងនោះ ៤០០០នាក់ នៅរដ្ឋធានីប៉ារីស)។ បាតុកម្ម«លើកទី១៤»នេះ ...