• សម រង្ស៊ី ថ្លែងឲ្យប្រើការចាប់ខ្លួន រ៉ុង ឈុន ដើម្បី​ងើបឈរ​ឡើង ផ្លាស់ប្ដូរ​របប

    មេដឹកនាំប្រឆាំង លោក សម រង្ស៊ី បានធ្វើសេចក្ដីថ្លែងការណ៍​ផ្ទាល់មាត់មួយ ពីប្រទេស​បារាំង អំពាវនាវ​ឲ្យ​ពលរដ្ឋ​រួបរួមគ្នា ក្នុងការប្រើឱកាស នៃការចាប់ខ្លួនលោក រ៉ុង ឈុន ដើម្បី​ងើបឈរឡើង ឈាន​ទៅផ្លាស់ប្ដូររបបដឹកនាំ របស់លោកនាយករដ្ឋមន្ត្រី ហ៊ុន សែន តាមបែបបទ​ប្រជាធិបតេយ្យ។ សេចក្ដីថ្លែងការណ៍របស់ប្រធានស្ដីទី គណបក្សសង្គ្រោះជាតិ ធ្វើឡើងតាមរយៈវីដេអូមួយ ដែលបង្ហោះ​តាមបណ្ដាញ​សង្កម កាលពីប៉ុន្មាន​នាទីមុននេះ។ លោក សម រង្ស៊ី បានហៅ​លោក រ៉ុង ឈុន ថាជាឥស្សរជន និងជាបញ្ញាវ័ន្ដ​ម្នាក់ ដែលប្រជាពលរដ្ឋខ្មែរគោរព ដោយសារ​​សកម្មភាព​ជួយឈឺឆ្អាល​ពលរដ្ឋ ក្នុងរយៈពេលកន្លងមក។ លោកបន្តថា ការចាប់ខ្លួនលោក ...
  • ស្ត្រីម្នាក់​«ស្រាត» នៅខាងមុខ​រនាំង​នគរបាល ក្នុងក្រុង​ព័រឡេន (អាមេរិក)

    នៅខណៈវិបត្តិកំពុងបន្តផ្ទុះ នៅតាមក្រុងធំៗ នៃសហរដ្ឋអាមេរិក ស្ត្រីម្នាក់បានចូលរួម​ការតវ៉ា ជាមួយនឹងបណ្ដាបាតុករដែរ ដោយបង្ហាញ​ការជំទាស់របស់ខ្លួន តាមរបៀបដ៏​ពិសេស​មួយ គឺ«ស្រាត» នៅខាងមុខ​រនាំង​នគរបាល ក្នុងក្រុងព័រឡេន (Portland) ភាគខាងលិចសហរដ្ឋអាមេរិក។ ហេតុការណ៍បានកើតឡើង កាលពីថ្ងៃសុក្រទី១៧ ខែកក្កដា ឆ្នាំ២០២០ កណ្ដាលក្រុង​ព័រឡេន និងក្នុង​ចំណោមបាតុករ​ច្រើនសិបនាក់ ដែលកំពុងគេចខ្លួន ចេញពីគ្រាប់បែក​ឧស្ម័នបង្ហូទឹកភ្នែក ដែលបាញ់ចេញដោយ​កងកម្លាំង​នគរបាល។ ស្ត្រីខាងលើ ដែលពេលនេះ មានឈ្មោះល្បីល្បាញ នៅលើបណ្ដាញសង្គម ត្រូវបានគេដាក់​រហស្សនាម ឲ្យថា៖ «Naked Athena»។ នៅក្នុងរូបភាពវីដេអូ គេឃើញ «Naked Athena» បានដើរចេញមកបង្ហាញខ្លួន ដោយគ្មានបិទបាំងរាងកាយអ្វីសោះ ...
  • ភាគខាងត្បូងបារាំង កំពុងធ្វើ​សង្គ្រាម​ប្រឆាំង… ឪម៉ាល់ !

    ប្រសិនជាប្រទេសបារាំង បានងើបចេញ​ពីវិបត្តិ​ជំងឺរាតត្បាត «Covid-19» ជាបណ្ដើរៗ​នោះ តំបន់ជាច្រើន ស្ថិតនៅភាគខាងត្បូង នៃប្រទេសនេះ កំពុងប្រកាសសង្គ្រាម ទល់​នឹងការរាតត្បាតថ្មី គឺហ្វូងសត្វ«ឪម៉ាល់» ដែលមានប្រភពពីទ្វីបអាស៊ី ហើយដែល​កំពុង​តាំង​សម្បុករបស់ពួកវា នៅតាមព្រៃព្រឹក្សា និងបើសូម្បី នៅតាមសួនច្បាររបស់អ្នកស្រុក។ ដូចសេចក្ដីរាយការណ៍ជាច្រើន របស់សារព័ត៌មានបារាំង «La Dépèche» ដែលអះអាងថា អ្នកភូមិម្នាក់ ក្នុងក្រុង «Mirande (ភាគខាងត្បូង)» បានភ្ញាក់ខ្លួនក្រញាង នៅពេល​បាន​ប្រទះសត្វឪម៉ាល់ នៅប៉ុន្មានសង់ទីម៉ែត្រ ខាងក្រោយខ្នង។ អ្នកភូមិរូបនោះ បាន​តាមដាន​សត្វនេះ ក៏បានរកឃើញ សម្បុករបស់ពួកវា នៅលើដើមឈើមួយ ដែល​ស្ថិតនៅ​ជាប់​​ច្រកចូលផ្ទះរបស់គាត់។ អត្ថបទសារព័ត៌មានបានសរសេរ ...
  • ទិដ្ឋភាព​ដ៏ព្រឺព្រួច និងរន្ធត់ នៃ​អគ្គិភ័យ​ឆេះ​ហាងហ្គាស នៅកណ្ដាល​ភ្នំពេញ

    យ៉ាងហោច មនុស្ស៤នាក់​បានស្លាប់ និង​៥​នាក់​បាន​រងរបួស ក្នុង​ហេតុការណ៍​គ្រោះ​អគ្គិភ័យ​​​ដ៏សន្ធោសន្ធៅ និងរន្ធត់ ដែលបណ្ដាលពី​ការឆេះ​ហាង​លក់​ហ្គាស ក្នុង​រសៀល​ថ្ងៃទី​១៨ ខែកក្កដា ឆ្នាំ​២០២០ ស្ថិត​តាម​បណ្តា​យ​ផ្លូវ​លេខ​៦៣ សង្កាត់​បឹងរាំង ខណ្ឌដូនពេញ រាជធានី​ភ្នំពេញ។ នេះ បើតាមរបាយការណ៍​ចុង​ក្រោយ របស់​អាជ្ញាធររាជធានី ដែលចេញ​ផ្សាយក្នុងពេលយប់ឡើង បន្ទាប់ពី​ព្រះអគ្គិ​ត្រូវបាន​ពន្លត់​រួចរាល់។ គឺជាហាងដែលប្រកបរបរនេះ ជាលក្ខណៈគ្រួសារ នៅក្នុងលំនៅដ្ឋានខ្លួនឯង ដែលធ្វើឲ្យ​ជនរងគ្រោះ ភាគច្រើន គឺជាសាច់ញាតិ​របស់ម្ចាស់ហាង។ ជនរងគ្រោះដល់ជីវិត រួមមាន​ កូនប្រុស​ម្ចាស់ហាង អាយុ២៧ឆ្នាំ – កូនស្រីម្ចាស់ហាង អាយុ៨ឆ្នាំ និងកម្មករពីរនាក់ទៀត (អាយុ​២២ឆ្នាំ និងអាយុ១៨ឆ្នាំ)។ រីឯជនរងរបួស ...
  • ហោះក្នុងមេឃ និង​បង្កើត​ផ្ទាំងទស្សនីយភាព​ដ៏កម្រ

    លោតទម្លាក់ខ្លួនពីយន្ដហោះ ហោះក្នុងមេឃ ដើម្បីបង្កើតផ្ទាំងទស្សនីយភាពដ៏អស្ចារ្យ កម្រមានពីមុន… ជាអ្វីដែលលោក «Mark Wallace» អ្នកជំនាញខាង​លោត​ប៉ារ៉ាឈុត និងមិត្តភ័ក្រលោក ចំនួន១៦នាក់ផ្សេងទៀត បានធ្វើ​កាលពីពាក់កណ្ដាល​ខែមិថុនា​កន្លងមក។ នៅពីលើលំហ «Skydive Spaceland» ក្បែរក្រុង ហ៊ូស្ដុន រដ្ឋតិចសាស់ (ខាងត្បូងសហរដ្ឋ​អាមេរិក) អ្នកលោតប៉ារ៉ាឈុតទាំង១៧ បានបំពាក់ជាប់នឹងខ្លួន នូវអំពូលភ្លើង «LED» ដែលឲ្យពណ៌ចម្រុះ និងបំពាក់ជាប់​នឹងជើងពួកគេ នូវកាំជ្រួចជ្វាលា ដែលត្រូវបាន​ដុះបញ្ឆេះ នៅពេល​ពួកគេហោះ ក្នុងលំហមេឃ៕
  • វីដេអូ​រួមភេទ​ក្នុង​រថយន្ដ​ការងារ បង្ក​រឿងអាស្រូវ​​ដល់ អ.ស.ប

    អង្គការសហប្រជាជាតិ «អ.ស.ប» បានសម្រេចព្យួរមន្ត្រីពីររូប ពីការងារ នៅក្នុងប្រទេស​អ៊ីស្ត្រាអែល បន្ទាប់​ពី​«វីដេអូ​រួមភេទ​ក្នុង​រថយន្ដ​ការងារ»មួយ ត្រូវបានបង្ហោះ យ៉ាង​គគ្រឹកគគ្រេង នៅតាមបណ្ដាញសង្គម។ អ្នកនាំពាក្យ​អង្គការពិភពលោក បានថ្លែង​កាលពីយប់ថ្ងៃព្រហស្បត្តិ៍ថា ចំណាត់ការព្យួរ​បុគ្គលិក ទាំងពីររូប ធ្វើឡើងជាបណ្ដោះអាសន្ន នៅក្នុងអំឡុងពេល នៃការស៊ើបអង្កេត​ផ្ទៃក្នុង ដែលបានរកឃើញ ពីកំហុសរបស់ពួកគេ រាប់បញ្ចូលទាំង​«អាកប្បកិរិយា​​មិនល្អ តាមផ្លូវភេទ» ដែលពួកគេបានប្រព្រឹត្តិ នៅក្នុងរថយន្ដការងារ។ អ្នកនាំពាក្យបានអះអាងបន្ថែមថា វាសនារបស់មន្ត្រីទាំងពីរ នឹងត្រូវសម្រេចជាស្ថាពរ នៅពេលណា ដែល​ការស៊ើបអង្កេត​ខាងលើ បានបិទបញ្ចប់។ «វីដេអូ​រួមភេទ​ក្នុង​រថយន្ដ​ការងារ» ត្រូវបានបង្ហោះ នៅតាមបណ្ដាញសង្កម ចាប់ពី​សប្ដាហ៍​កន្លងមក និង​ទម្លាយ​ឲ្យឃើញ ពីសកម្មភាព«ដ៏ចម្លែកៗ» នៅក្នុងរថយន្ដពណ៌ស ...