កីឡា និងបច្ចេកវិទ្យាបច្ចេកវិទ្យា

ហ្វេសប៊ុក និង​អ៊ិនស្ដាហ្គ្រាម ជួបភាពរអាក់រអួលក្នុងថ្ងៃនេះ

ប្រសិនជាប្រិយមិត្តចង់បង្ហោះ ឬចែករំលែកអ្វីមួយ​មិនបាន​នៅលើ ហ្វេសប៊ុក និង​អ៊ិនស្ដាហ្គ្រាម នោះ វាមិនមែនជាកំហុសរបស់ប្រិយមិត្តទេ សម្រាប់ថ្ងៃអង្គារទី១២ ខែមិនា ឆ្នាំ២០១៩នេះ

នៅពេលជាមួយគ្នា ស្រាប់តែមានសារមួយឃ្លា ចេញមកនៅលើអេក្រង់ សរសេរក្នុងន័យថា «Oop, Something went wrong. We’re working on getting it fixed as soon as we can.»។

តែសារនេះត្រូវបានបង្ហាញឡើង ដោយហេតុថា គឺហ្វេសប៊ុក និងអ៊ិនស្តាហ្គ្រាម បណ្ដាញសង្គមយក្សទាំងពីរ របស់ពិភពលោក បានជួបភាពរអាក់រអួល ក្នុងថ្ងៃនេះ។

ភាពរអាក់រអួលត្រូវបានសង្កេតឃើញ ជាដំបូងថាបានកើតឡើង នៅក្នុងទ្វីបអ៊ឺរ៉ុបខាងលិច ប៉ុន្តែនៅពេលនេះ បណ្ដាអ្នកប្រើប្រាស់ជាច្រើន នៅសហរដ្ឋអាមេរិក ប៉េរូ កូឡំប៊ី ម៉ិចសិក ក៏អះអាងថា កំពុងជួបពីបញ្ហាដូចគ្នានេះដែរ។

សារព័ត៌មានមួយចំនួន នៅអ៊ឺរ៉ុបខាងលិច បានរាយការណ៍ពីភាពរអាក់រអួល របស់បណ្ដាញសង្គមទាំងពីរ តែមិនបានពន្យល់ពីមូលហេតុ និងថាតើរហូតដល់ពេលណា ទើបបញ្ហានេះ ត្រូវបានដោះស្រាយនោះទេ។ ក្រុមហ៊ុនហ្វេសប៊ុក ដែលគ្រប់គ្រងលើបណ្ដាញសង្គមទាំងពីរ ក៏មិនទាន់ឃើញមានប្រតិកម្ម តបនឹងករណីខាងលើដែរ។

បណ្ដាញសង្គមយក្សមួយទៀត គឺទ្វីសធើរ (Twitter) ដែលនៅមានដំណើរការធម្មតា ត្រូវបានបណ្ដាជនយកមកប្រើប្រាស់ ដើម្បីប្រកាសសញ្ញា ពីភាពរអាក់រអួលរបស់ហ្វេសប៊ុក និងអ៊ិនស្តាហ្គ្រាម។ អ្នកខ្លះបានចំអក ឲ្យបណ្ដាញសង្គម​ទាំងពីរ​មុនថា៖

«នៅពេលដែល ហ្វេសប៊ុក និងអ៊ិនស្តាហ្គ្រាម លែងមានដំណើរការ នោះមនុស្សម្នានឹងត្រឡប់មកជជែក ឬទាក់ទងគ្នា ដោយផ្ទាល់មាត់វិញ»៕



លំអិតបន្ថែមទៀត

កីឡា និងបច្ចេកវិទ្យា

គណនី​ហ្វេសប៊ុក ម៉ម សូណង់ដូ ត្រឡប់​មករក​ឈ្មោះ​ដើម​វិញ

បន្ទាប់ពីត្រូវបានប្ដូរឈ្មោះ ពី «ម៉ម សូណង់ដូ» ទៅកាន់ «រក្សា សន្តិភាព» កាលពីចុងខែមករាកន្លងមកនោះ គណនី​ហ្វេសប៊ុក របស់លោក ម៉ម សូណង់ដូ ប្រធានគណបក្សសម្បុកឃ្មុំសង្គមប្រជាធិបតេយ្យ ...
កម្ពុជា

ហ៊ុន សែន អះអាងថា នឹងមិន​«បិទបណ្ដាញសង្គម»​នៅកម្ពុជា​ដាច់ខាត

លោកនាយករដ្ឋមន្ត្រី ហ៊ុន សែន បានអះអាងថា នៅក្នុងរយៈពេល​នៃការកាន់អំណាចរបស់លោក លោកនឹងមិនបញ្ជាឲ្យ«បិទបណ្ដាញសង្គម»នៅកម្ពុជាជាដាច់ខាត។ បណ្ដាញសង្គមដែលលោកនាយករដ្ឋមន្ត្រីអះអាងនោះ មានជាអាទិ៍ ដូចជា ហ្វេសប៊ុកជាដើម។ ថ្លែងក្នុងពិធីបើកការដ្ឋានសាងសង់សំណង់ផ្សេងៗ ក្នុងគម្រោងការពារទឹកជំនន់ និងកែលម្អប្រព័ន្ធប្រឡាយ-លូ ...
ពិសេស

ការបញ្ចេញមតិ-​យោបល់ របស់​ប្រិយមិត្ត​គួរឲ្យ​ស្រឡាញ់​ណាស់! តែ…

សូមជម្រាបប្រិយមិត្តថា ការបញ្ចេញមតិ-​យោបល់ ឬការពិភាក្សាទាំងឡាយ គឺជាអទិភាពខ្ពស់បំផុត របស់ទស្សនាវដ្ដី ក្នុងការចែករំលែក ការគោរព និងការពារដល់សិទ្ធិ នៃការបញ្ចេញមតិ។ ហើយមកដល់ថ្ងៃនេះ មិនមានការបញ្ចេញមតិ-​យោបល់ណាមួយ ត្រូវបានលប់ចេញពីទំព័រហ្វេសប៊ុក ឬទំព័រណាផ្សេងទៀត ...

យល់ស៊ីជម្រៅផ្នែក កីឡា និងបច្ចេកវិទ្យា

កីឡា និងបច្ចេកវិទ្យា

អឹមបាពេ ប្រកាសជាផ្លូវការ ចាកចេញពីក្រុម ប៉ារីស

កីឡា និងបច្ចេកវិទ្យា

ថើបមាត់ ៖ ក្រុមកីឡាការិនី​ផ្អាកលេង​​បើប្រធានសហព័ន្ធ​មិនលាឈប់

រឿងអាស្រូវកើតចេញពី «ការចាប់ឱប-ថើបមាត់» របស់លោក Luis Rubiales ប្រធានសហព័ន្ធបាល់ទាត់អេស្ប៉ាញ កំពុងបន្តភាគទៅមុខ ដោយសារមេដឹកនាំរូបនេះ បដិសេធមិនលាឈប់ពីតំណែងរបស់ខ្លួន។ នោះគឺដល់វេនក្រុមកីឡាការិនី របស់ក្រុមជម្រើសជាតិអេស្ប៉ាញ ដែលបានប្រកាសផ្អាកលេង ឲ្យក្រុមជម្រើសជាតិ ...
កីឡា និងបច្ចេកវិទ្យា

FIFA ប្រកាសបើក​«នីតិវិធីវិន័យ»​ប្រឆាំងប្រធានសហព័ន្ធ​អេស្ប៉ាញ

សហព័ន្ធបាល់ទាត់អន្តរជាតិ «FIFA» បានប្រកាសបើក«នីតិវិធីវិន័យ»​ទៅលើលោក Luis Rubiales ប្រធានសហព័ន្ធបាល់ទាត់អេស្ប៉ាញ ជុំវិញការចាប់ឱប-ថើបមាត់​កីឡាការិនី Jennifer Hermoso ខ្សែប្រយុទ្ធរបស់ក្រុមជម្រើសជាតិអេស្ប៉ាញ ផ្នែកស្ត្រី បន្ទាប់ពីក្រុមកីឡាការិនីទាំងនេះ បានប្រកួតឈ្នះក្រុមអង់គ្លេស ...

Comments are closed.