កីឡា និងបច្ចេកវិទ្យាបាល់ទាត់

ពានអាហ្វ្រិក​២០១៩ ៖ ២៩ឆ្នាំ​ក្រោយមក អាល់ហ្សេរី​ឡើងដល់​ផ្ដាច់ព្រ័ត្រ​ជាថ្មី

ក្រុមជម្រើសជាតិរបស់ប្រទេសអាល់ហ្សេរី នឹងប្រកួតនៅវគ្គផ្ដាច់ព្រ័ត្រ ដើម្បីដណ្ដើម«ពានអាហ្វ្រិក​២០១៩ – AFCON 2019» ក្នុងឆ្នាំ២០១៩នេះ បន្ទាប់ពីបានបំបាក់ក្រុមនីហ្សេរីយ៉ា ២-១ ដោយគ្រាប់បាល់ពិន័យ នៅនាទីចុងក្រោយនៃការប្រកួត កាលពីយប់ថ្ងៃអាទិត្យ។

ជាការវិលត្រឡប់មកវិញ ក្រោយពីបានរង់ចាំ អស់រយៈពេល២៩ឆ្នាំ។ ក្នុងឆ្នាំ១៩៨០ ក្រុមអាល់ហ្សេរី ក៏បានឡើងដល់វគ្គផ្ដាច់ព្រ័ត្រដែរ តែនៅឆ្នាំនោះ ក្រុមអាល់ហ្សេរីបានចាញ់ក្រុមនីហ្សេរីយ៉ា ដោយគ្រាប់បាល់ ០-៣។

សម្រាប់ការប្រកួត កាលពីយប់ម៉ិញ ក្រុមអាល់ហ្សេរីមានប្រៀបច្រើន នៅពាក់កណ្ដាលម៉ោងដំបូង ហើយបានរកគ្រាប់បាល់ បាននាំមុខមុនមួយគ្រាប់ ទាត់បញ្ចូលទីដោយកីឡាករខ្សែការពារ របស់ក្រុមនីហ្សេរីយ៉ាខ្លួនឯង (នៅនាទីទី៤០)។

https://www.dailymotion.com/video/x7d9ooz

លុះចូលមកពាក់កណ្ដាលម៉ោងទី២ ក្រុមនីហ្សេរីយ៉ារកសាច់បាល់បានមកវិញ និងវាយសន្ទាប់ រហូតលុះត្រាម្ដងនេះ ខ្សែការពារអាល់ហ្សេរីបង្កកំហុសវិញ។ បន្ទាប់ពីពិនិត្យមើលតាមរយៈវីដេអូរួច អាជ្ញាកណ្ដាលសម្រេចឲ្យក្រុមនីហ្សេរីយ៉ា ទាត់គ្រាប់បាល់ពិន័យ រកបានគ្រាប់បាល់ស្មើបានវិញ នៅនាទីទី៧២។

ការប្រកួតបានឈានមកដល់នាទីចុងក្រោយ ហើយនរណាៗក៏បានគិតថា រវាងក្រុមទាំងពីរ នឹងមានការប្រកួតបន្ថែមម៉ោង ១៥+១៥នាទីទៀត មុននឹងឈានទៅទាត់បាល់១១ម៉ែត្រ សម្រេចសេចក្ដី។

តែនៅនាទីទី៩០+៥ ក្រុមអាល់ហ្សេរីបានរកបាន​គ្រាប់បាល់​ពិន័យ​ដ៏ពិសេស ដែលទាត់ចេញ​​ពីចំងាយ២៥ម៉ែត្រ ដោយកីឡាករ «Riyad Mahrez»។ មួយគ្រាប់នេះ រកបាននៅមុន​ប៉ុន្មានវិនាទី នៃការផ្លុំកញ្ចែបញ្ចប់ការប្រកួត និងបានបញ្ជូនក្រុមអាហ្សេរី ឲ្យឡើងទៅផ្ដាច់ព្រ័ត្រជាស្ថាពរ។

https://www.dailymotion.com/video/x7d9sqn

ក្នុងវគ្គចុងបញ្ចប់ នៃពានអាហ្វ្រិកឆ្នាំ២០១៩ ក្រុមអាល់ហ្សេរី នឹងត្រូវជួបជាមួយក្រុមសេនេហ្គាល់ នៅយប់ថ្ងៃសុក្រទី១៩ ខែកក្កដា ឆ្នាំ២០១៩ខាងមុខ ខណៈក្រុមនីហ្សេរីយ៉ា នឹងត្រូវជួបជាមួយក្រុមទួរនេស៊ី នៅយប់ថ្ងៃពុធទី១៧ (ពីរថ្ងៃមុន) ដើម្បីដណ្ដើមយកចំណាត់ថ្នាក់លេខ៣៕



លំអិតបន្ថែមទៀត

កីឡា និងបច្ចេកវិទ្យា

ប្រធាន​ផុតអាណត្តិ​របស់ ហ្វីហ្វា ត្រូវបានជ្រើសតាំងឲ្យបន្តតំណែង

ប្រធានផុតអាណត្តិ នៃសហព័ន្ធបាល់ទាត់អន្តរជាតិ «ហ្វីហ្វា (FIFA)» លោក «Gianni Infantino» ត្រូវបានជ្រើសតាំងសារជាថ្មី សម្រាប់អាណត្តិទី២របស់លោក ដើម្បីបន្តដឹកនាំ​ស្ថាប័ន​បាល់ទាត់​អន្តរជាតិ​មួយនេះ រហូតដល់ឆ្នាំ២០២៣។ ក្នុងមហាសន្និបាត នៃសហព័ន្ធបាល់ទាត់អន្តរជាតិ ...
កីឡា និងបច្ចេកវិទ្យា

អាល់ហ្សេរី​លើក​«ពាន​ជើងឯក​អាហ្វ្រិក» ដោយ​បំបាក់​សេនេហ្គាល់​១-០

ជាការប្រកួតផ្ដាច់ព្រ័ត្រ ដែលមានលក្ខណៈស្វិតស្វាញ រវាងក្រុមបាល់ទាត់ជម្រើសជាតិ ទាំងសងខាង ដើម្បីដណ្ដើម«ពាន​ជើងឯក​អាហ្វ្រិក»។ តែក្រុមអាល់ហ្សេរី បានទទួលជ័យជំនះ ដោយសារគ្រាប់បាល់ មិនចំទិសមួយ របស់កីឡាករ «Baghdad Bounedjah» ដែលរកបានតាំងពីនាទីទី២។ ...
កីឡា និងបច្ចេកវិទ្យា

របាយការណ៍មួយ​រកឃើញថា ម៉ារ៉ាដូណា ត្រូវបាន​«ទុកឲ្យស្លាប់»

កំពូលតារាបាល់ទាត់ របស់ប្រទេសអាហ្សង់ទីន កីឡាករ ឌីយ៉េហ្គោ ម៉ារ៉ាដូណា (Diego Maradona) ត្រូវបាន​«ទុកឲ្យស្លាប់» ដោយក្រុមគ្រូពេទ្យ ដែលទទួលបន្ទុកពិនិត្យ​ព្យាបាលអតីតខ្សែប្រយុទ្ធ បន្ទាប់ពីកីឡាករ​រូបនេះ​ត្រូវបាន​បញ្ជូល​ជាបន្ទាន់ ទៅកាន់មន្ទីរពេទ្យ ដោយអាការៈបេះដូង។ ...

យល់ស៊ីជម្រៅផ្នែក កីឡា និងបច្ចេកវិទ្យា

កីឡា និងបច្ចេកវិទ្យា

អឹមបាពេ ប្រកាសជាផ្លូវការ ចាកចេញពីក្រុម ប៉ារីស

កីឡា និងបច្ចេកវិទ្យា

ថើបមាត់ ៖ ក្រុមកីឡាការិនី​ផ្អាកលេង​​បើប្រធានសហព័ន្ធ​មិនលាឈប់

រឿងអាស្រូវកើតចេញពី «ការចាប់ឱប-ថើបមាត់» របស់លោក Luis Rubiales ប្រធានសហព័ន្ធបាល់ទាត់អេស្ប៉ាញ កំពុងបន្តភាគទៅមុខ ដោយសារមេដឹកនាំរូបនេះ បដិសេធមិនលាឈប់ពីតំណែងរបស់ខ្លួន។ នោះគឺដល់វេនក្រុមកីឡាការិនី របស់ក្រុមជម្រើសជាតិអេស្ប៉ាញ ដែលបានប្រកាសផ្អាកលេង ឲ្យក្រុមជម្រើសជាតិ ...
កីឡា និងបច្ចេកវិទ្យា

FIFA ប្រកាសបើក​«នីតិវិធីវិន័យ»​ប្រឆាំងប្រធានសហព័ន្ធ​អេស្ប៉ាញ

សហព័ន្ធបាល់ទាត់អន្តរជាតិ «FIFA» បានប្រកាសបើក«នីតិវិធីវិន័យ»​ទៅលើលោក Luis Rubiales ប្រធានសហព័ន្ធបាល់ទាត់អេស្ប៉ាញ ជុំវិញការចាប់ឱប-ថើបមាត់​កីឡាការិនី Jennifer Hermoso ខ្សែប្រយុទ្ធរបស់ក្រុមជម្រើសជាតិអេស្ប៉ាញ ផ្នែកស្ត្រី បន្ទាប់ពីក្រុមកីឡាការិនីទាំងនេះ បានប្រកួតឈ្នះក្រុមអង់គ្លេស ...

Comments are closed.