ដំណឹងពិភពលោក

បាញ់ប្រហារ​នៅ​«តិចសាស់» ស្លាប់របួស​ច្រើន​នាក់ និង​ចាប់ខ្លួន​បាន​១នាក់

មជ្ឈមណ្ឌលពាណិជ្ជកម្មមួយ នៃក្រុង «El Paso» ក្នុងរដ្ឋ«តិចសាស់» សហរដ្ឋអាមេរិក បានរងការបាញ់ប្រហារ ដោយខ្មាន់កាំភ្លើងម្នាក់ នាំល្ងាចថ្ងៃសៅរ៍នេះ។ សម្រាប់តុល្យភាពបណ្ដោះអាសន្ន អាជ្ញាធរបានលើកឡើង ពីមនុស្សស្លាប់និងរបួសច្រើននាក់ ហើយជនសង្ស័យម្នាក់ត្រូវបានចាប់ខ្លួន។

អភិបាលរងរដ្ឋតិចសាស់ លោក «Dan Patrick» បានថ្លែងតាមទូរទស្សន៍ «Fox News» ថា មានជនរងគ្រោះ រវាងពី១៥ ទៅ២០នាក់ តែនៅមិនទាន់ដឹងថា មានចំនួនមនុស្សស្លាប់ប៉ុន្មាននាក់ទេ។  

ចំណែកចៅហ្វាយក្រុង «El Paso» លោក «Dee Margo» បានថ្លែងតាមទូរទស្សន៍ «CNN» ទទួលស្គាល់ថា មានមនុស្សស្លាប់ច្រើននាក់ និងបានបញ្ជាក់បន្ថែមថា ជនសង្ស័យ៣នាក់ ត្រូវបានឃាត់ខ្លួន។ តែនៅទីបំផុត មានតែជនសង្ស័យម្នាក់ទេ ដែលត្រូវអាជ្ញាធរចាប់ឃុំខ្លួន។

មុននេះបន្តិច ប្រធានាធិបតីអាមេរិក លោក ដូណាល់ ត្រាំ (Donald Trump) បានថ្លែងតាមបណ្ដាញសង្គមទ្វីសធើរថា៖

«ព័ត៌មានដែលទើបធ្លាក់មកដល់ មានលក្ខណៈអាក្រក់ណាស់។ មានមនុស្សជាច្រើន បានស្លាប់។»

សារព័ត៌មានក្នុងតំបន់ បានរាយការណ៍ថា ការបាញ់ប្រហារនោះ បានកើតឡើង នៅក្នុងផ្សារទំនើប «Walmart»។

ទូរទស្សន៍ប្រចាំតំបន់ ឈ្មោះ «KTSM» បានបង្ហោះនៅលើគេហទំព័ររបស់ខ្លួន នូវរូបថតមួយចំនួន ដែលដូចជាបានបង្ហាញ ពីភិនភាគជនសង្ស័យ ដែលត្រូវបានថតជាប់ដោយកាម៉េរ៉ាសុវត្ថិភាព របស់ផ្សារទំនើប។ ជននោះជាជនជាតិស្បែកស មានពាក់វែនតា ស្លៀកខោគគី និងអាវយឺតព័ណ៌ក្រម៉ៅ ដោយមានកាន់នៅនឹងដៃ នូវឧបករណ៍ម្យ៉ាង ដែលដូចជាកាំភ្លើងវែង។

ស្ត្រីម្នាក់ ដែលហៀបចូលទិញទំនិញ ក្នុងមជ្ឈមណ្ឌលពាណិជ្ជកម្មខាងលើ ត្រូវបានស្រង់សំដីមកបញ្ជាក់ថា នៅពេលគាត់កំពុងរកកន្លែងចតរថយន្ដ គាត់បានឮសូរការផ្ទុះអាវុធ ខ្លាំងៗ ដូចស្នូរផ្ទុះកាំជ្រួចជ្វាលា។ ស្ត្រីរូបនេះ បានបន្តថា៖

«ខ្ញុំឃើញបុរសម្នាក់ពាក់អាវយឺតខ្មៅ និងខោគគីក្រឡេក្រឡា ហើយប្រដាប់ដោយឧបករណ៍ម្យ៉ាង ដែលដូចជាកាំភ្លើងវែង។ បុរសនេះបានដើរសំដៅហ្វូងមនុស្ស និងបានបាញ់ទៅរកពួកគេ។ ខ្ញុំបានឃើញមនុស្ស៣ ឬ៤នាក់ បានដួលនៅលើដី៕»



លំអិតបន្ថែមទៀត

តន្ត្រី

ផ្សាយផ្ទាល់​ពី​កម្មវិធី​«One World: Together At Home»

ដើម្បីស្វែងរកមូលនិធិ ប្រយុទ្ធប្រឆាំង ទល់នឹងជំងឺ «Covid-19» កម្មវិធី «One World: Together at Home» មួយត្រូវបានរៀបចំឡើង ដោយរួមប្រជុំកំពូលតារាៗ ល្បីៗនៅក្នុងពិភពលោក ...
ដំណឹង

ចិន​ឆេះដុំ​ដាក់​អាមេរិក ក្នុង​ការលក់​យន្ដហោះ​«F-16»​៦៦គ្រឿង​ឲ្យ​តៃវ៉ាន់

សហរដ្ឋអាមេរិកបានប្រកាស កាលពីថ្ងៃអង្គារម្សិលម៉ិញ ថាខ្លួនបានយល់ព្រមលក់យន្ដហោះប្រដេញ ប្រភេទ «F-16» ចំនួន៦៦គ្រឿង ដែលមានតម្លៃសរុប ប្រមាណជា៨ពាន់លានដុល្លារ ឲ្យទៅកោះតៃវ៉ាន់។ ច្បាស់ណាស់ហើយថា ការសម្រេចចិត្តនេះ បានបង្កការឆេះដុំ ដល់ក្រុងប៉េកាំង ...
ដំណឹង

ត្រាំ ក្លាយជា​មេដឹកនាំ​បរទេស​ទី១ ដែល​​ចូលគាល់​ព្រះចៅ​អធិរាជ​ជប៉ុន​​​ថ្មី

នៅព្រឹកថ្ងៃចន្ទទី២៧ ខែឧសភា ឆ្នាំ២០១៩នេះ លោក ដូណាល់ ត្រាំ (Donald Trump) ប្រធានាធិបតីអាមេរិក បាន​ក្លាយជាមេដឹកនាំបរទេសដំបូងគេ ដែលបានចូលគាល់អធិរាជជប៉ុន ព្រះចៅ ណារូហ៊ីតូ ...

យល់ស៊ីជម្រៅផ្នែក ដំណឹង

ដំណឹង

សង្គ្រាមនៅអ៊ុយក្រែន ៖ អាមេរិកផ្ដល់ភ្លើងខៀវបញ្ជូនយន្តហោះ«F-16»

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

អ្នកជំនាញមួយក្រុមរបស់អង្គការសហប្រជាជាតិ បានអំពាវនាវទៅ​របបដឹកនាំរបស់លោក ហ៊ុន សែន ឲ្យដោះលែងអ្នកស្រី សេង ធារី មេធាវីខ្មែរអាមេរិកាំង ដែលគេស្គាល់ក្នុងពេលកន្លងមក ថាជា«ស្ត្រីសេរីភាព» តាមរយៈសម្លៀកបំពាក់តែងខ្លួនសម្ដែងមតិរបស់អ្នកស្រី នៅខាងមុខសាលាដំបូងរាជធានីភ្នំពេញ។ ក្រុមអ្នកជំនាញប្រឆាំងការឃុំឃាំងតាមទំនើងចិត្ត ...
កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...

Comments are closed.