ដំណឹងពិភពលោក

អតីត​ប្រធានាធិបតី​អាមេរិក ហ្សក ប៊ូស ទទួល​មរណភាព

អតីតប្រធានាធិបតីជំនាន់ទី៤១ នៃសហរដ្ឋអាមេរិក លោក ហ្សក ប៊ូស (George H.W. Bush) បានទទួលមរណភាពហើយ កាលពីយប់ថ្ងៃសុក្រ ទី៣០ ខែវិច្ឆិកា ឆ្នាំ២០១៨។ អតីតមេដឹកនាំប្រទេសមហាអំណាច ដែលឡើងកាន់តំណែង បានតែមួយអាណត្តិនោះ (ពីឆ្នាំ១៩៨៩ ដល់ឆ្នាំ១៩៣) បានផុតដង្ហើម នៅវេលាម៉ោងជាង២២ ក្នុងជន្នាយុ ៩៤ឆ្នាំ។ នេះ បើតាមការប្រកាសឲ្យដឹង របស់លោក ហ្សក​ វីល្លៀម ប៊ូស (George W. Bush) កូនប្រុសរបស់លោក និងជាអតីតប្រធានាធិបតីអាមេរិក ជំនាន់ទី៤៣ (ពីឆ្នាំ២០០១ ដល់ឆ្នាំ២០០៩)។

លោក ហ្សក ប៊ូស បានរៀបការជាមួយអ្នកស្រី បាបារ៉ា ប៊ូស (Barbara Bush) ដែលបានលាចាកលោក តាំងពី៨ខែមុន។ ក្នុងជីវិតអាពាហ៍ពិពាហ៍ ដែលមានរយៈពេល៧៣ឆ្នាំ អ្នកទាំងពីរមានកូន ចំនួន៥នាក់ និងមានចៅ ចំនួន១៧នាក់។ លោកបានចូលសម្រាក ក្នុងមន្ទីរពេទ្យ ចាប់ពីរដូវផ្ការីកឆ្នាំទៅ ដើម្បីព្យាបាលអាការៈរោគម្យ៉ាង ដែលកើតមាននៅក្នុងឈាម។

លោកបានក្លាយខ្លួន ជាប្រធានាធិបតីអាមេរិក នៅក្នុងរយៈពេលមួយ ដែលសង្គ្រាមត្រជាក់​បែងចែកប្លុកសេរី និងប្លុកកុម្មយនីស្ដិ៍ បានបិទបញ្ចប់។ ក្នុងរយៈពេលនោះ លោកបានដឹកនាំ និងឈ្នះសង្គ្រាមលើកទី១ នៅអៀរ៉ាក់។ នៅចុងអាណត្តិ (ចុងឆ្នាំ ១៩៩២) លោកបានចាញ់ឆ្នោតប្រធានាធិបតី នៅចំពោះបេក្ខភាពមកពីគណបក្សប្រជាធិបតេយ្យ លោក ប៊ីល គ្លីនតុន (Bill Clinton) ដែលធ្វើឲ្យលោកបានកាន់អំណាច តែមួយអាណត្តិប៉ុណ្ណោះ។

មរណភាពរបស់លោក ហ្សក ប៊ូស បានទទួលប្រតិកម្មភ្លាមៗ ពីសំណាក់ប្រធានាធិបតីអាមេរិបច្ចុប្បន្ន លោក ដូណាល់ ត្រាំ (Donald Trump) ដោយហៅលោក ថាជា «មេដឹកនាំ ដែលមានជំហររឹងមាំ ឥតងាករេ»។ លោក ត្រាំ ដែលកំពុងមានវត្តមានក្នុងជំនួបកំពូល «G20» នាប្រទេសអាហ្សង់ទីន បានបង្ហោះសារ នៅបណ្ដាញសង្គមទ្វីសធើរថា៖ «តាមរយៈភាពត្រឹមត្រូវ ស្មារតី និងការប្តេជ្ញាចិត្តឥតឈប់ឈរ របស់លោក ចំពោះសាសនា ក្រុមគ្រួសារ និងប្រទេសរបស់លោក លោកប្រធានាធិបតី ប៊ូស បានធ្វើជាគំរូដ៏អស្ចារ្យមួយ ទៅដល់ពលរដ្ឋជំនាន់ក្រោយ នៃសហរដ្ឋអាមេរិក»។

ពិធីបុណ្យសពលោក នឹងត្រូវប្រកាសឲ្យដឹង ជាលក្ខណៈលំអិត នៅពេលក្រោយ៕



លំអិតបន្ថែមទៀត

ដំណឹង

ប្រធានសភា​ចង់បាន​ការធានាថា ត្រាំ នឹងមិនអាចប្រើ​«កូដនុយក្លេអ៊ែរ»

ប្រធានរដ្ឋសភានៃសហរដ្ឋអាមរិក អ្នកស្រី ណេនស៊ី ផេឡូស៊ី (Nancy Pelosi) បានប្រកាសនៅថ្ងៃសុក្រនេះ ថាអ្នកស្រីបានជួបជជែក ជាមួយ​មេបញ្ជាការ​កងទ័ពអាមេរិក ដើម្បីចង់បានការធានាថា ប្រធានាធិបតី«ដែលមានសតិ​មិននឹងនរ» ដូចលោក ដូណាល់ ...
ដំណឹង

នេះ​ជារូបថត ដូណាល់ ត្រាំ ពាក់ម៉ាស់​ជាលើក​ដំបូង

រូបថតប្រធានាធិបតីអាមេរិក ពាក់ម៉ាស់​ជាលើក​ដំបូង ត្រូវបានទម្លាយចេញ និងបង្ហោះ នៅពាសពេញ​បណ្ដាញសង្គម។ រូបថតនោះ ថតនៅក្នុងដំណើរ របស់លោកប្រធានាធិបតី ទៅកាន់ក្រុង «Ypsilanti» ក្នុងរដ្ឋមីឈីហ្គែន (Michigan) ដើម្បីធ្វើទស្សនកិច្ច ...
ដំណឹង

យន្ដហោះ​ចុះចត​ខុសផ្លូវ ហើយ​ធ្លាក់ចូល​ទន្លេ នៅ​ផ្លរីដា

ការភ័យតក់ស្លុត បានកើតឡើងនៅភាគអាគ្នេយ៍ នៃសហរដ្ឋអាមេរិក៖ យន្ដហោះប្រភេទ ប៊ូអីង (Boeing 737) មួយគ្រឿងបានបញ្ចប់ការហោះហើររបស់ខ្លួន នៅក្នុងទឹកទន្លេ ដែលនៅក្បែរព្រលានយន្ដហោះយោធា «Jacksonville» ក្នុងរដ្ឋ​ផ្លរីដា ។ ...

Comments are closed.

យល់ស៊ីជម្រៅផ្នែក ដំណឹង

ដំណឹង

ព្រះអង្គម្ចាស់ ហ្វីលីព ស្វាមី​ព្រះមហាក្សត្រីយានី​អង់គ្លេស បានសោយទីវង្គត

កម្ពុជា

Covid-19៖ កម្ពុជាមានអ្នកជំងឺ​កើន«ដល់​២២៣៣​ករណី ស្លាប់១០នាក់»

ប្រទេសកម្ពុជា​បន្តរកឃើញ​អ្នកផ្ទុកមេរោគកូវីដ-១៩ (Covid-19) ចំនួន៨៦នាក់ ដែលធ្វើឲ្យចំនួនសរុបកើនឡើង ដល់​២២៣៣​ករណី នៅថ្ងៃទី២៨ ខែមីនា ឆ្នាំ២០២១នេះ។ រីឯអ្នកជំងឺដែលទទួលមរណភាព ដោយសារជំងឺនេះ ត្រូវបានប្រកាសតួលេខជាផ្លូវការ មានចំនួន១០នាក់ រាប់មកដល់ម៉ោងនេះ។ ...
កម្ពុជា

Covid-19៖ កម្ពុជាប្រកាស​«ករណីស្លាប់ទី៩» ពីចំណោម​អ្នកស្លាប់១៥នាក់

ប្រទេសកម្ពុជា បានប្រកាសឲ្យដឹងពី​«ករណីស្លាប់ទី៩» ដោយសារជំងឺកូវីដ-១៩ (Covid-19) ក្នុងរសៀលថ្ងៃសៅរ៍​ទី២៧ ខែមីនានេះ។ ករណីនេះ ជាមរណភាពទី២ ដែលត្រូវបានប្រកាស​ក្នុងថ្ងៃសៅរ៍តែមួយ តែមរណភាពទី១ មិន​ត្រូវបាន​​រាប់​បញ្ចូលថា ស្លាប់ដោយជំងឺរាតត្បាតទេ។ នេះ ...