ដំណឹងពិភពលោក

ការចុះចត​បន្ទាន់​មួយ បានសម្លាប់​អ្នក​បើកបរ​«ពីរនាក់» នៅ​ភាគខាងកើត​រ៉ុស្ស៊ី

អ្នកបើកបរយន្ដហោះ និងជំនួយការ ទាំង«ពីរនាក់» បានស្លាប់ នៅក្នុងគ្រោះយន្ដហោះមួយ កាលពីថ្ងៃព្រហស្បត្តិ៍ ក្នុងតំបន់ស៊ីប៊េរី ភាគខាងកើតប្រទេសរ៉ុស្ស៊ី។ យន្ដហោះបានព្យាយាម​ចុះចត​យ៉ាងបន្ទាន់ តែបានជ្រុល ទៅបុកអគារមួយ នៅក្នុងព្រលានយន្ដហោះ។

យ៉ាងណា អ្នកដំណើរទាំង៤៣នាក់ និងបុគ្គលិកបម្រើការលើយន្ដហោះផ្សេងទៀត បានរួចរស់មានជីវិត។ នេះ បើតាមការអះអាង របស់ទីភ្នាក់ងារព័ត៌មាន «Tass» របស់ប្រទេសរ៉ុស្ស៊ី។

ហេតុការណ៍បានកើតឡើង ក្នុងជើងហោះហើរមួយ ដែលយន្ដហោះត្រូវងើបខ្លួន ពីក្រុង «Nizhneangarsk» ឆ្ពោះទៅកាន់ក្រុង «Oulan-Oude» ស្ថិតក្នុងតំបន់ស៊ីបេរីខាងកើត។

ប៉ុន្តែបន្ទាប់ពីហោះងើបខ្លួនបានបន្តិច យន្ដហោះប្រភេទ «Antonov An-24» បានជួបញ្ហាបច្ចេកទេស៖ ម៉ាស៊ីនប្រតិកម្មមួយចំហៀង បានរលត់លែងដំណើរការ។

អាជ្ញាធរតំបន់ត្រូវបានស្រង់សំដី មកបញ្ជាក់ថា អ្នកបើកបរយន្ដហោះ ត្រូវបង្ខំចិត្តបញ្ជាយន្ដហោះ ឲ្យហោះត្រឡប់ក្រោយ មកចុះចតនៅព្រលានយន្ដហោះដើមវិញ។

នៅពេលចុះចត យន្ដហោះបានចុះចតហួសផ្លូវ ប្រមាណជាង១០០ម៉ែត្រ ហើយជ្រុលទៅបុកអគាមួយ នៃព្រលានយន្ដហោះ។

រូបភាពបង្ហោះនៅលើបណ្ដាញសង្កម បានបង្ហាញថា យន្ដហោះបានឆាបឆេះ បង្កជាអគ្គិភ័យឡើង។ ពីក្នុងចំណោមអ្នកដំណើរ ទាំង៤៣នាក់ មានម្នាក់ជាកុមារ។

ការស៊ើបអង្កេតមួយ ត្រូវបានបើកធ្វើ ដើម្បីកំណត់ពីមូលហេតុពិតប្រាកដ នៃគ្រោះថ្នាក់នេះ។ យន្ដហោះខាងលើ ជាកម្មសិទ្ធិរបស់ក្រុមហ៊ុន «Angara» ដែលតែងភ្ជាប់ការហោះហើរ នៅក្នុងប្រទេសរ៉ុស្ស៊ី ជាពិសេសនៅក្នុងតំបន់៕



លំអិតបន្ថែមទៀត

ដំណឹង

រុស្ស៊ី៖ ឧទ្ធម្ភាគចក្រ​យោធា​មួយ​គ្រឿង​ធ្លាក់បោកខ្លួន ស្លាប់​ទាំងអស់

ឧទ្ធម្ភាគចក្រមួយគ្រឿង របស់យោធារុស្ស៊ី បានធ្លាក់បោកខ្លួន នៅក្បែររដ្ឋធានីមូស្គូ បង្កឲ្យមនុស្សជិះ​នៅក្នុងនោះ ស្លាប់​ទាំងអស់ តែមិនដឹងថា មានចំនួនប៉ុន្មាននាក់ នោះទេ។ ឧទ្ធម្ភាគចក្រនោះ ជាប្រភេទ «Mi-8» របស់កងទ័ពរុស្ស៊ី។ ...
កំសាន្ដ

អតីតបវរកញ្ញាអ៊ុយក្រែន ដែលដៃកាន់អាវុធ ចេញមុខ​សារភាព…

រូបភាពរបស់​នាង «Anastasiia Lenna» អតីតបវរកញ្ញាអ៊ុយក្រែន ដែលដៃកាន់កាំភ្លើង បានបង្កឲ្យមាន​ការកោតសរសើរនាង មិនស្ទើរទេ ចំពោះអ្វីមួយ ដែលក្រុមអ្នកគាំទ្រ​នាង ហៅថា ជាទង្វើស្នេហាជាតិ​របស់កុលធីតាមួយរូប នៅចំពោះការឈ្លានពាន​ប្រទេសនាង ពីសំណាក់កងទ័ពរ៉ុស្ស៊ី។ ...
របាយការណ៍

MH17៖ ថ្ងៃខែ​សំខាន់ៗ នៃ​គ្រោះបាញ់​កាំជ្រួច​កម្ទេច​យន្ដហោះ

ខាងក្រោមនេះជា ថ្ងៃខែ​សំខាន់ៗ ដែលត្រូវបានកត់ត្រាទុកក្នុងប្រវត្តិ នៃគ្រោះបាញ់កាំជ្រួច កំទេច​យន្ដហោះប៊ូអីញ (Boeing 777) ដែលភ្ជាប់ជើងហោះហើរ លេខ «MH17» ពីរាជធានី អាមស្ទែដាម (ហូឡង់) ...

យល់ស៊ីជម្រៅផ្នែក ដំណឹង

ដំណឹង

សង្គ្រាមនៅអ៊ុយក្រែន ៖ អាមេរិកផ្ដល់ភ្លើងខៀវបញ្ជូនយន្តហោះ«F-16»

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

អ្នកជំនាញមួយក្រុមរបស់អង្គការសហប្រជាជាតិ បានអំពាវនាវទៅ​របបដឹកនាំរបស់លោក ហ៊ុន សែន ឲ្យដោះលែងអ្នកស្រី សេង ធារី មេធាវីខ្មែរអាមេរិកាំង ដែលគេស្គាល់ក្នុងពេលកន្លងមក ថាជា«ស្ត្រីសេរីភាព» តាមរយៈសម្លៀកបំពាក់តែងខ្លួនសម្ដែងមតិរបស់អ្នកស្រី នៅខាងមុខសាលាដំបូងរាជធានីភ្នំពេញ។ ក្រុមអ្នកជំនាញប្រឆាំងការឃុំឃាំងតាមទំនើងចិត្ត ...
កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...

Comments are closed.