ដំណឹងពិភពលោក

សហជីព​អ្នកឆ្នៃម៉ូដ​អាមេរិក ស្នើ​ឲ្យ​យក​ស្ត្រី​ធាត់ៗ​មានសាច់ មក​បង្ហាញ​ម៉ូដ

សហជីពអ្នកឆ្នៃម៉ូដអាមេរិក ហៅកាត់ជាភាសាអង់គ្លេស «CFDA» បានអំពាវនាវ ទៅកាន់អ្នកឆ្នៃម៉ូដសម្លៀកបំពាក់ លំដាប់ខ្ពស់ៗទាំងឡាយ ឲ្យហៅស្ត្រីដែលមានសាច់ ឲ្យឡើងទៅដើរបង្ហាញម៉ូដ សម្រាប់កម្មវិធីរបស់ផងខ្លួន។

អ្នកទទួលខុសត្រូវ របស់សហជីពខាងលើ លោក «Marc Karimzadeh» និងលោក «Nicky Campbell» បានថ្លែងតាមរយៈគេហទំព័រ របស់ខ្លួនថា៖

«យើងបានចាប់ផ្ដើមឃើញ ពីសញ្ញាទាំងឡាយ ដែលបង្ហាញថា ការបង្ហាញម៉ូដកំពុងដើរទៅមុខ នៅក្នុងទិសដៅដ៏ល្អ។»

ប៉ុន្តែ «អ្នកឆ្នៃម៉ូដ ដូចយ៉ាងលោក “Michael Kors” និងលោក “Christian Siriano” ជាដើម កំពុងអនុវត្តន៍អាជីពរបស់ខ្លួន ជាមួយនឹងស្ត្រីបង្ហាញម៉ូដ ដែលធ្វើឲ្យងាកចេញ ពីទម្លាប់កន្លងមក។»

ការលើកឡើង របស់អ្នកទទួលខុសត្រូវទាំងពីររូប ចង់មានន័យសំដៅ ទៅរកនិន្នការនៃអ្នកឆ្នៃម៉ូដ ដែលយកតែស្ត្រីរាងស្រឡូន ស្ដើងៗ ដែលមានរង្វង់ចង្កេះ ធំបំផុតទំហំ ៣៤ មកដើរបង្ហាញម៉ូដ ឲ្យខ្លួន។ ជម្រើសរបស់អ្នកឆ្នៃម៉ូដ អាចធ្វើឲ្យក្រុមស្ត្រី ដែលមានទំហំចង្កេះទូលាយៗ រងការរើសអើង ក្នុងមជ្ឈដ្ឋានបង្ហាញម៉ូដ។

សហជីពបានចុចចំឈ្មោះ យកមកបញ្ជាក់ នូវស្ត្រីដែលមានចង្កេះទូលាយៗ ដូចយ៉ាងនាង «Ashley Graham» ទំហំចង្កេះ ៤៨ – នាង «Candice Huffine» ទំហំចង្កេះ ៤៤ និងនាង «Paloma Elsesser» ទំហំចង្កេះ ៤៤-៤៦ ជាដើម។

ការសិក្សាមួយ ដែលត្រូវបានផ្សាយ ក្នុងឆ្នាំ២០១៨ ដោយសហគ្រាស «Plunkett Research» បានឲ្យដឹងថា ស្ត្រីអាមេរិកាំង រហូតដល់៦៨% មានទំហំចង្កេះធំជាង ៤៤។

លោក «Marc Karimzadeh» និងលោក «Nicky Campbell» បានបន្តសរសេរទៀតថា៖

«ការមើលឃើញបែបវិជ្ជមាន ចំពោះរាងកាយមនុស្ស មានសារសំខាន់ណាស់ នៅក្នុងពិភពបង្ហាញម៉ូដ ហើយយើងចង់ឃើញ អ្នកឆ្នៃម៉ូដទាំងឡាយ ចូលរួមក្នុងនិន្នាការនេះ សម្រាប់ឆ្នាំថ្មី ឆ្នាំ២០១៩។»

សេចក្ដីអំពាវនាវ របស់សហជីពអ្នកឆ្នៃម៉ូដ មិនមែនទើបនឹងធ្វើឡើង ជាលើកទីមួយទេ។ តែក្រុមអ្នកឆ្នៃម៉ូដសម្លៀកបំពាក់ លំដាប់ខ្ពស់ៗអាមេរិក ហាក់មិនចាប់អារម្មណ៍ អ្វីទាំងអស់ ឬអាចយកសេចក្ដីអំពាវនាវ ក្នុងពេលកន្លងមក ទៅគ្រវាត់ចោលថែមទៀតផង៕



លំអិតបន្ថែមទៀត

ដំណឹង

Covid-19 ៖ ឥណ្ឌាដាក់បម្រាមឲ្យពលរដ្ឋជាង៧០០លាននាក់ នៅក្នុងផ្ទះ

យ៉ាងហោច ប្រជាជនឥណ្ឌាជាង៧០០លាននាក់ ត្រូវបង្ខំចិត្ត ឲ្យ«នៅក្នុងផ្ទះ»  ចាប់ពីថ្ងៃចន្ទ ទី២៣ ខែមីនា ឆ្នាំ២០២០នេះតទៅ ក្រោមវិធានការរបស់រដ្ឋាភិបាល ក្នុងការប្រយុទ្ធប្រឆាំង នឹងការរាតត្បាតនៃមេរោគ«កូរូណា» ឬ«Covid-19»។ មន្ត្រីជាន់ខ្ពស់មួយរូប ...
កម្ពុជា

អ.ស.ប នៅកម្ពុជា ប្រាប់​កុំឱ្យ​រើសអើង​អ្នកជំងឺ​«Covid-19»

នៅចំពោះការហក់ឡើង នៃការរីករាលដាល នៃអ្នកជំងឺ«Covid-19» នៅក្នុងប្រទេស​កម្ពុជា ការិយាល័យទទួលបន្ទុកសិទ្ធិមនុស្ស នៃអង្គការសហប្រជាជាតិ (អ.ស.ប) ប្រចាំ​នៅរាជធានីភ្នំពេញ បានបង្ហោះសារមួយបញ្ជាក់ថា មិនត្រូវបញ្ឆេះ​​ឲ្យមានការរើសអើង​ក្នុងសង្គម ជុំវិញជំងឺ«Covid-19»នេះឡើយ។ សាររបស់ការិយាល័យ តំណាងអង្គការសហប្រជាជាតិ ...
កម្ពុជា

ហ៊ុន សែន ថា«កំពុង​ជិះឡាន»​ខណៈ​​មិនបានបង្ហាញខ្លួន​តាំងពី​ច្រើន​សប្ដាហ៍

លោកនាយករដ្ឋមន្ត្រី ហ៊ុន សែន បានអះអាងនៅថ្ងៃនេះ ថាលោក​«កំពុង​ជិះឡាន»​ធ្វើ​ដំណើរ​នៅតាមដងផ្លូវ ដោយអើត«មើលពីក្នុងរថយន្ដ» ឃើញប្រជាពលរដ្ឋកម្ពុជា ខិតខំ​ប្រឹងប្រែងធ្វើការងារ។ ប៉ុន្តែអវត្តមានរបស់លោក ដែលមិនបាន​បង្ហាញខ្លួន​ជា​សាធារណៈ តាំងពីច្រើនសប្ដាហ៍មកនោះ បានបង្កមន្ទិល ជុំវិញ​បញ្ហាសុខភាព​របស់​លោក។ ...

Comments are closed.

យល់ស៊ីជម្រៅផ្នែក ដំណឹង

កម្ពុជា

សម រង្ស៊ី ៖ ស្ដេចនឹងដាក់រាជ្យ ប្រសិនច្បាប់​«សញ្ជាតិ១»​ត្រូវបានអនុម័ត

ដំណឹង

អាហ្វហ្គានីស្ដង់៖ ISIS ទទួលស្គាល់​ភេរវកម្ម​៧ដង ក្នុងក្រុង​«ភាគខាងកើត»

អង្គការភេរវនិយម ក្រុមរដ្ឋអ៊ីស្លាម (ពាក្យ​អារ៉ាប់​ហៅ Daech ពាក្យ​កាត់​​បារាំង​​ហៅ EI ​​​អង់គ្លេស​​​ហៅ ISIS ) បានចេញមុខមកទទួលស្គាល់ ភេរវកម្មបំផ្ទុះគ្រាប់បែក ច្រើនដងកាលពីថ្ងៃសៅរ៍ និងថ្ងៃអាទិត្យ ...
ដំណឹង

កំពូល​អ្នកប្រដាល់​ហ្វីលីពីន ប្រកាសបេក្ខភាព​ប្រជែងប្រធានាធិបតី ឌូតែតេ

កំពូល​អ្នកប្រដាល់​ហ្វីលីពីន ដ៏មានប្រជាប្រិយភាព លោក មានី ផាគីអៅ (Manny Pacquiao) បានប្រកាសបេក្ខភាពរបស់លោក ក្នុងថ្ងៃអាទិត្យនេះ ដើម្បីឈានទៅប្រកួតប្រជែង ក្នុងការបោះឆ្នោតប្រធានាធិបតី នៅឆ្នាំ២០២២ខាងមុខ។ លោក ...