ដំណឹងពិភពលោក

នៅនីហ្សេរីយ៉ា សណ្ឋាគារ​ដែល​មិនស្ដាប់​បម្រាម នឹងត្រូវ​«ឈូសកម្ទេច»​

មកដល់ថ្ងៃនេះ សណ្ឋាគារចំនួនពីរហើយ ត្រូវបាន«ឈូសកម្ទេច» ដោយប៊ូលដូស័រ (bulldozer) នៅក្នុងភាគខាងត្បូង នៃប្រទេសនីហ្សេរីយ៉ា (ខាងលិចទ្វីបអាហ្វ្រិក) បន្ទាប់ពីរដ្ឋាភិបាល​នៃប្រទេស​នេះ បានដាក់បម្រាម បិទប្រទេស កាលពីថ្ងៃព្រហស្បត្តិ៍ សប្ដាហ៍មុន ក្រោមមូលហេតុ ប្រយុទ្ធនឹងការរាត្បាត នៃជំងឺ«Covid-19»។

សណ្ឋាគារទាំងពីរ មានឈ្មោះ «Edemete Hotel» និង «Prodest Home»។ ម្ចាស់​សណ្ឋាគារ​ទាំងពីរនោះ ត្រូវបានចាប់ខ្លួន និងបានរង​ការចោទប្រកាន់ថា មិនគោរព​ដល់បម្រាម និងដល់​លក្ខខណ្ឌ​អនាម័យ។

ប៉ុន្តែម្ចាស់សណ្ឋាគារ «Prodest Home» បានអះអាងថា គ្រឹះស្ថានរបស់លោក បានបិទទ្វា​តាំងពីច្រើនសប្ដាហ៍ហើយ និងបានចោទប្រកាន់ តបទៅអាជ្ញាធរវិញ ថាមានបំណង ចង់​ជម្រិតយកប្រាក់ ពីលោក។ លោក «Gogorobari Promise Needam» ត្រូវបាន​ស្រង់សំដី មកផ្សាយថា៖

«សណ្ឋាគារបានបិទទ្វាហើយ ហើយបុគ្គលិក៧០% ក៏ត្រូវបានដាក់ ឲ្យឈប់សម្រាកដែរ។ នៅសល់​តែបុគ្គលិក ៣នាក់ប៉ុណ្ណោះ ដែលនៅយាមសណ្ឋាគារ។»

លោកបន្តថា មានមន្ត្រីអាជ្ញាធរ នៅក្នុងតំបន់ បានធ្វើដំណើរ មកជួបបុគ្គលិកទាំងនោះ រួចធ្វើការទារប្រាក់ ពីពួកគេ មុននឹងធ្វើការ«ឈូសកម្ទេច»។ ថៅកែរូបនោះ និយាយថា៖

«មន្ត្រីទាំងនោះ បានទារលុយក្រោមតុ ដោយនិយាយថា ពួកគេនឹងទុកឲ្យយើងធ្វើការបន្ត បើយើងឲ្យលុយ ទៅពួកគេ។ តែយើងបានឆ្លើយថា សណ្ឋាគារបានបិទទ្វា ហើយយើងគ្មានប្រាក់ ឲ្យពួកគេទេ។»

អាជ្ញាធរតំបន់ នៃរដ្ឋ«Rivers» បានច្រានចោល ការចោទប្រកាន់ខាងលើនេះ ដោយហៅ ការអះអាង របស់ម្ចាស់សណ្ឋាគារ ថាជាការបំផ្លើស។

នៅក្នុងរដ្ឋភាគខាងត្បូងមួយនេះ មនុស្សពីរនាក់ បានស្លាប់ ដោយសារជំងឺ«Covid-19» ក្នុងចំណោមករណីឆ្លង ១៥នាក់ រាប់តាំងពីការរាតត្បាត បានចាបផ្ដើមដំបូងមក។ អភិបាលរដ្ឋ លោក «Nyesom Wike » បានបញ្ជាក់ថា អ្នកជំងឺទាំងអស់ ត្រូវបានឲ្យ​សម្រាក​ព្យាបាល នៅក្នុង​សណ្ឋាគារនានា ដែលស្ថិតក្នុងរដ្ឋ តែលោកមិនបានបន្ថែមថា សណ្ឋាគារ​​ទាំងពីរ​​ខាងលើ បានទទួលអ្នកជំងឺដែរ ឬយ៉ាងណាទេ៕



លំអិតបន្ថែមទៀត

កម្ពុជា

ហ៊ុន សែន ថាបានរក«វិធីនានា ដែលអាចធ្វើបាន» ដើម្បីជួយ​ជនក្រីក្រ

ខណៈវិបត្តិបានផ្ទុះឡើង តាំងពីប៉ុន្មានខែមុន លោកនាយករដ្ឋមន្ត្រី ហ៊ុន សែន ប្រកាស​ក្នុងថ្ងៃអាទិត្យនេះ ថារដ្ឋាភិបាលបានរិះរក «វិធីនានា ដែលអាចធ្វើបាន» ដើម្បី​ជួយ​ពលរដ្ឋក្រីក្រ នៅតាមតំបន់ដាច់ស្រយាល ដែលខ្វះខាតម្ហូបអាហារ។ ការប្រកាសរបស់បុរសខ្លាំង ...
ដំណឹង

ហ្វីលីពីន បញ្ជូនវ៉ាក់សាំង «Sinopharm» ទៅឲ្យ​ប្រទេសចិ​នវិញ

កោះហ្វីលីពីន បានបញ្ជូនវ៉ាក់សាំងចិន បង្ការជំងឺកូវីដ-១៩ (Covid-19) ទៅឲ្យ​ប្រទេសចិ​នវិញ បើទោះជាប្រធានាធិបតី លោក រ៉ូឌ្រីចូ ឌូតែតេ (Rodrigo Duterte) បានចាក់វ៉ាក់សាំងនេះ ដើម្បីបង្ហាញពីភាពជឿជាក់របស់លោក ...
កម្ពុជា

ហ៊ុន សែន ថាពលរដ្ឋ«គ្មានជម្រើស»​ទេ ចំពោះ​វិស័យ​សុខាភិបាល​កម្ពុជា

នៅចំពោះវិបត្តិជងឺ «កូរូណា» ឬ «Covid-19» ដែលកំពុងបន្តរាតត្បាត លើផ្ទៃប្រទេស លោកនាយករដ្ឋមន្ត្រី ហ៊ុន សែន បានថ្លែងដាក់កំហិតឡើងថា ពលរដ្ឋកម្ពុជា«គ្មានជម្រើស»អ្វីផ្សេង ក្រៅពីស៊ូទ្រាំ ទទួលយកការព្យាបាល ...

Comments are closed.

យល់ស៊ីជម្រៅផ្នែក ដំណឹង

កម្ពុជា

អាមេរិក​ផ្ដល់វ៉ាក់សាំង Johnson&Johnson ជាង១លានដូស​ជូនកម្ពុជា

ដំណឹង

Covid-19៖ នាយករដ្ឋមន្ត្រីបារាំង​ថ្លែងពី​«រលកទី៤» និងបន្ថែម​វិធានការ

«យើងឈានមកដល់ រលកទី៤» នេះ ជាការប្រកាសឡើង របស់នាយករដ្ឋមន្ត្រីបារាំង លោក ហ្សង់ កាស្ដិក (Jean Castex) បន្ទាប់ពីលោក​បានបញ្ចប់កិច្ចប្រជុំ ក្រុមប្រឹក្សាការពារជាតិ ដែលបានបញ្ជាក់ឲ្យដឹង ...
កម្ពុជា

សម រង្ស៊ី៖ របបក្រុងភ្នំពេញ និងចិន​ឃុបឃិតគ្នា ដើម្បីកំណត់​តម្លៃ​វ៉ាក់សាំង

បើសិនជាវ៉ាក់សាំងចិនកុម្មុយនីស ហាក់ត្រូវបានកំណត់ ឲ្យក្លាយជាជម្រើសតែមួយគត់នៅកម្ពុជា នោះគឺដោយសារ របបក្រុងភ្នំពេញ និងប្រទេសចិន បានឃុបឃិតគ្នា តាមរយៈអំពើពុករលួយដ៏ធ្ងន់ធ្ងរមួយ ដែលធ្វើឲ្យតម្លៃវ៉ាក់សាំង របស់ប្រទេសកុម្មុយនីស្ដិ៍ មានតម្លៃថ្លៃលើសលុប។ នេះបើតាមការលើកឡើងរបស់លោក សម ...