ដំណឹងពិភពលោក

ត្រាំ ហាម​ជន​អន្តោប្រវេសន៍ ចូលទឹកដី​អាមេរិក​ជា​បណ្ដោះអាសន្ន

ប្រធានាធិបតីអាមេរិក លោក ដូណាល់ ត្រាំ (Donald Trump) បានប្រកាសកាលពីថ្ងៃចន្ទ ហាម​ជន​អន្តោប្រវេសន៍ ចូល​ទឹកដី​អាមេរិក ជាបណ្ដោះអាសន្ន ដើម្បីអ្វីមួយ ដែលលោកអះអាងថា ជាកិច្ចការពារ«ការងារ» របស់ពលរដ្ឋអាមេរិកាំង ដែលកំពុងប្រឈមនឹងវិបត្តិសេដ្ឋកិច្ច ដែលបង្កឡើងដោយមេរោគ «Covid-19»។

លោក ដូណាល់ ត្រាំ បានប្រកាសដូច្នេះ នៅក្នុងការបង្ហោះសារមួយ នៅលើបណ្ដាញសង្គម ទ្វីសធើរ។ លោកសរសេរថា៖

«ដើម្បីឆ្លើយតប ទៅនឹងការវាយប្រហារ របស់សត្រូវបំបាំងកាយ និងនៅចំពោះភាពចាំបាច់ ដែលត្រូវការពារ ការងារបស់ពលរដ្ឋអាមេរិក ដ៏”ថ្លៃថ្លា”របស់យើង ខ្ញុំនឹងចុះហត្ថលេខា ចេញក្រឹត្យមួយរបស់ប្រធានាធិបតី ដើម្បីផ្អាកការចូលទឹកដីអាមេរិក នូវជនអន្តោប្រវេសន៍ ជាបណ្ដោះអាសន្ន។»

មកដល់ម៉ោងនេះ ជំងឺ«Covid-19»​ដែលលោក ត្រាំ ហៅថា ជា«សត្រូវបំបាំងកាយ» បានសម្លាប់បណ្ដាជនអាមេរិក ប្រមាណជាង៤ម៉ឺន៤ពាន់នាក់ហើយ ពីក្នុងចំណោមអ្នកជំងឺ ដែលបានឆ្លងជំងឺនេះ ប្រមាណជា ៨សែន២ម៉ឺននាក់។ វិបត្តិ«Covid-19» បានបណ្ដាលឲ្យសហរដ្ឋអាមេរិក ជួបនូវផលវិបាកសេដ្ឋកិច្ច ដ៏ធ្ងន់ធ្ងរ និងធ្វើបណ្ដាជនអាមេរិក ប្រមាណាជា២២លាននាក់ គ្មានការងារធ្វើ។

ប៉ុន្តែលោក ត្រាំ មិនបានបញ្ជាក់លំអិតបន្ថែម អំពីចំណាត់ការរបស់លោក ថាតើនឹងប្រព្រឹត្តិរបៀបណា និងមានរយៈពេលប៉ុន្មាននោះទេ។

កាលពីខែមករា លោកបានហាមឃាត់រាល់ការធ្វើដំណើរ រវាងសហរដ្ឋអាមេរិក និងប្រទេសចិន បន្ទាប់ពីមេរោគដ៏ចង្រៃ បានចាប់ផ្ដើមរាតត្បាតខ្លាំង នៅក្រុងវូហាន ក្នុងខែធ្នូ។ បន្ទាប់មក នៅពាក់កណ្ដាលខែមីនា លោកបានបិទព្រំដែនដូចគ្នា ជាមួយបណ្ដាប្រទេសជាច្រើន នៅក្នុងទ្វីបអ៊ឺរ៉ុប។

លោកប្រធានាធិបតី ដែលជាបេក្ខជនប្រធានាធិបតី សម្រាប់អាណត្តិទីពីរ របស់លោក បានចេញធ្វើយុទ្ធនាការ​បោះឆ្នោតរួចហើយ កាលពីមុនការរាតត្បាត នៃជំងឺ«Covid-19» ដោយប្រកាសចេញ នូវគម្រោង​ជាបន្តបន្ទាប់ ដើម្បីកាត់បន្ថយជនអន្តោប្រវេសន៍



លំអិតបន្ថែមទៀត

របាយការណ៍

ពេលដែលទូរទស្សន៍​របស់កូនស្រី​នាយករដ្ឋមន្ត្រី ផ្សាយតួលេខខុស …

ដំរីជើងបួន… សម្រាប់ទូរទស្សន៍បាយ័ន្ដ «BTV» របស់អ្នកស្រី ហ៊ុន ម៉ាណា កូនស្រីនាយករដ្ឋមន្ត្រី ដែលបាន​«ផ្សាយតួលេខខុស» ជុំវិញការឆ្លងរាតត្បាត នៃជំងឺកូវីដ-១៩ (Covid-19) នៅក្នុងជួរកងទ័ព ដែលជាការស្រង់​សំដី​លោក ...
កម្ពុជា

ក្រុមអ៊ឺរ៉ុប ផ្ដួចផ្ដើម​ដោយ EU គ្រោងផ្ដល់​​ជំនួយ​ជិត​៥០០លាន​ដុល្លារ​ឲ្យ​កម្ពុជា

ក្រុមអ៊ឺរ៉ុប (Team Europe) ដែលផ្ដួចផ្ដើមដោយ សហភាពអ៊ឺរ៉ុប (EU) កំពុង​កៀរ​គរ​ថវិកា​ចំនួន​៤៤៣​លាន​អឺរ៉ូ ដែល​ជា​កញ្ចប់​ប្រាក់​កម្ចី និង​ជំនួយ​ឥត​សំណង ដើម្បី​ធ្វើ​ការងារ​ជាមួយ​កម្ពុជា ក្នុង​ការ​កាត់​បន្ថយ​ផល​ប៉ះពាល់ ​ផ្នែក​សង្គម និង​សេដ្ឋកិច្ច​ ...
កម្ពុជា

Covid-19៖ កម្ពុជា​មាន​តួលេខ​ឆ្លង​សរុបថ្មី កើនឡើង​ជិត​២០០​នាក់

អ្នកឆ្លងជំងឺ «Covid-19» នៅក្នុងប្រទេសកម្ពុជា មានចំនួនសរុប កើនឡើងជិត២០០នាក់ បន្ទាប់ពីបានរកឃើញករណីថ្មី ចំនួន២៦នាក់បន្ថែមទៀត នៅថ្ងៃទី២១ ខែកក្កដានេះ ដែលសុទ្ធសឹងជាករណីនាំចូល។ សេចក្តីប្រកាសព័ត៌មាន របស់ក្រសួងសុខាភិបាល ដែលចេញផ្សាយ ...

យល់ស៊ីជម្រៅផ្នែក ដំណឹង

ដំណឹង

សង្គ្រាមនៅអ៊ុយក្រែន ៖ អាមេរិកផ្ដល់ភ្លើងខៀវបញ្ជូនយន្តហោះ«F-16»

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

អ្នកជំនាញមួយក្រុមរបស់អង្គការសហប្រជាជាតិ បានអំពាវនាវទៅ​របបដឹកនាំរបស់លោក ហ៊ុន សែន ឲ្យដោះលែងអ្នកស្រី សេង ធារី មេធាវីខ្មែរអាមេរិកាំង ដែលគេស្គាល់ក្នុងពេលកន្លងមក ថាជា«ស្ត្រីសេរីភាព» តាមរយៈសម្លៀកបំពាក់តែងខ្លួនសម្ដែងមតិរបស់អ្នកស្រី នៅខាងមុខសាលាដំបូងរាជធានីភ្នំពេញ។ ក្រុមអ្នកជំនាញប្រឆាំងការឃុំឃាំងតាមទំនើងចិត្ត ...
កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...

Comments are closed.