គឺនៅក្នុងភូមិគ្រឹះដ៏ស្កឹមស្កៃ «Mar-a-Lago» ដែលស្ថិតនៅឆ្នេរខាងកើត ឈ្មោះ«Palm Beach» នៃរដ្ឋផ្លរីដា ដែលលោក ដូណាល់ ត្រាំ (Donald Trump) ប្រធានាធិតីទី៤៥ នៃសហរដ្ឋអាមេរិក បានត្រឡប់ទៅរស់នៅវិញ បន្ទាប់ពីលោកបានចាកចេញ ពីសេតវិមានកាលពីថ្ងៃពុធ ទី២០ ខែមករា ឆ្នាំ២០២១។

តាមរយៈឧទ្ធម្ភាគចក្រ លោក ដូណាល់ ត្រាំ បានចាកចេញ ពីវិមានប្រធានាធិបតីអាមេរិក ក្នុងរដ្ឋធានីវ៉ាស៊ីនតោន នៅប៉ុន្មានម៉ោង​មុនពិធីស្បថ ចូលកាន់តំណែង​ជាប្រធានាធិបតី​ទី៤៦ របស់លោក ចូ បៃដិន (Joe Biden) ដែល​បានឈ្នះ​ការឆ្នោតប្រធានាធិបតី កាលពីដើម​ខែវិច្ឆិកា ឆ្នាំ២០២០។

មុននឹងឡើងយន្ដហោះប្រធានាធិបតី «Air Force One» លោក ត្រាំ បានថ្លែងប៉ុន្មានម៉ាត់ ទៅកាន់អ្នកគាំទ្រលោក ដែលមានចំនួន​ប្រមាណ​ជា ៥០០នាក់ នៅនឹងបន្ទាយយោធា «Andrews» (ស្ថិតនៅ​ជាយក្រុង នៃរដ្ឋធានី​វ៉ាស៊ីនតោន)។ លោកបានថ្លែង​នៅទីនោះថា៖

«យើងមានប្រទេសមួយ ដែលធំជាងគេ ក្នុងលោក (SIC) (…) ខ្ញុំមានកិត្តិយសដ៏ខ្ពង់ខ្ពស់ និងឱកាសដ៏អស្ចារ្យបំផុត ដែលបានធ្វើជា​ប្រធានាធិបតី​របស់លោកអ្នក។»

បន្ទាប់មក លោក«អតីត»ប្រធានាធិបតី បានបន្តដំណើរ តាមយន្ដហោះ «Air Force One» ទៅចុះចត នៅក្នុង​រដ្ឋផ្លរីដា និងបានធ្វើដំណើរ​តាមរថយន្ដ ទៅដល់ភូមិគ្រឹះរបស់លោក ដោយមានការហែហម ដោយក្បួនរថយន្ដ ប្រមាណជា​​៣០គ្រឿង​ផ្សេងទៀត ក្នុងនោះរថយន្ដមួយ​គ្រឿង បានដឹកនាំប្រអប់លេងកូដ​សម្ងាត់ សម្រាប់បញ្ជា​មីស៊ីលនុយក្លេអ៊ែរ​ ទៅជាមួយផង។

ដោយសារលោក ចូ បៃដិន ត្រូវស្បថចូលកាន់តំណែង នៅវេលាថ្ងៃត្រង់ (គឺម៉ោង១១ និង៤៨នាទី) ថ្ងៃពុធទី២០ ខែមករានេះ ទើបលោក ដូណាល់ ត្រាំ ត្រូវចាំបាច់ទៅដល់ភូមិគ្រឹះ «Mar-a-Lago» ឲ្យបានមុនថ្ងៃត្រង់បន្តិច ដើម្បីអនុញ្ញាតឲ្យលោក ទទួលបានការប្រើប្រាស់យន្ដហោះ និងក្បួនហែហម របស់ប្រធានាធិបតី។

គួរបញ្ជាក់ដែរថា សមាជិកគ្រួសាររបស់លោក ដែលរួមដំណើរជាមួយគ្នា មានភរិយាលោក អ្នកស្រី មេឡានី ត្រាំ (Melania Trump) និងកូនប្រុស កុមារ បារ័ន ត្រាំ (Barron Trump) រួមនឹង​កូនប្រុសស្រី (នៃភរិយាមុនៗ) រួមមានអ្នកស្រី អ៊ីវេនកា ត្រាំ (Ivanka Trump) លោក ដូណាល់ ជូញ័រ ត្រាំ (Donald Jr Trump) និងលោក អេរិក ត្រាំ (Eric Trump)៕



លំអិតបន្ថែមទៀត

ដំណឹង

បោះឆ្នោត​ប្រធានាធិបតីអាមេរិក៖ បៃដិន ឈ្នះអង្គបោះឆ្នោត ៣០៦សំឡេង

លទ្ធផលព្យាករណ៍ចុងក្រោយ បានចេញផ្សាយឲ្យដឹង នៅទីបំផុត៖ លោក ចូ បៃដិន (Joe Biden) បេក្ខជន​មកពីគណបក្សប្រជាធិបតី បាន«ឈ្នះអង្គបោះឆ្នោត (អ្នកតំណាង​ម្ចាស់ឆ្នោត) រហូតដល់៣០៦​សំឡេង» ទល់នឹងលោក ...
និមិត្តសញ្ញារបស់ស្ថានទូតអាមេរិក និងលោក កឹម សុខា មេដឹកនាំគណបក្សសង្គ្រោះជាតិ។ (រូបថតកាត់ត)
កម្ពុជា

អាមេរិកប្រាប់ក្រុងភ្នំពេញ ឲ្យ​«តម្កល់សុខុមាល​​​ភាព»​ជាតិ​ខ្ពស់ជាង​អ្វីទាំងអស់

«សូមអំពាវនាវ ឲ្យ​មេដឹកនាំកម្ពុជា”តម្កល់សុខុមាល​​​ភាព”របស់ប្រទេស ឲ្យខ្ពស់ជាង​​ផលប្រយោជន៍​ផ្ទាល់ខ្លួន និងផលប្រយោជន៍​​នយោបាយ» នេះ ជាអ្វីដែលគេបានអាន នៅក្នុងសេចក្ដីថ្លែងការណ៍មួយ របស់ស្ថានទូតសហរដ្ឋអាមេរិកប្រចាំនៅកម្ពុជា ដើម្បីប្រតិកម្មទៅនឹងការបើកនីតិវិធីផ្លូវការ របស់សហភាពអ៊ឺរ៉ុប ដើម្បីឈានទៅដកប្រទេសកម្ពុជា ចេញពីប្រព័ន្ធអនុគ្រោះពន្ធ «EBA»។ ...
ដំណឹង

បោះឆ្នោត​ប្រធានាធិបតីអាមេរិក៖ ត្រាំ ធ្លោយមាត់​អាចទទួលស្គាល់​«បរាជ័យ»

ប្រធានាធិបតីចប់អាណត្តិ លោក ដូណាល់ ត្រាំ (Donald Trump) ទំនងជាបាន​ទទួលស្គាល់​​ដោយប្រយោល «បរាជ័យ»របស់លោក ក្នុងការបោះឆ្នោតប្រធានាធិបតី ឆ្នាំ២០២០។ លោកបានធ្លោយមាត់​ដូច្នេះ នៅក្នុងសន្និសីទសារព័ត៌មាន ក្នុងរសៀលថ្ងៃសុក្រ​ទី១៣ ...

យល់ស៊ីជម្រៅផ្នែក ដំណឹង

ដំណឹង

សង្គ្រាមនៅអ៊ុយក្រែន ៖ អាមេរិកផ្ដល់ភ្លើងខៀវបញ្ជូនយន្តហោះ«F-16»

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

អ្នកជំនាញមួយក្រុមរបស់អង្គការសហប្រជាជាតិ បានអំពាវនាវទៅ​របបដឹកនាំរបស់លោក ហ៊ុន សែន ឲ្យដោះលែងអ្នកស្រី សេង ធារី មេធាវីខ្មែរអាមេរិកាំង ដែលគេស្គាល់ក្នុងពេលកន្លងមក ថាជា«ស្ត្រីសេរីភាព» តាមរយៈសម្លៀកបំពាក់តែងខ្លួនសម្ដែងមតិរបស់អ្នកស្រី នៅខាងមុខសាលាដំបូងរាជធានីភ្នំពេញ។ ក្រុមអ្នកជំនាញប្រឆាំងការឃុំឃាំងតាមទំនើងចិត្ត ...
កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...

Comments are closed.