កម្ពុជាដំណឹង

ហ៊ុន សែន ព្រមាន​«ដកព្រះរាជអាជ្ញាណា» ដែល​មិនធ្វើតាម​លោក

លោក ហ៊ុន សែន នាយករដ្ឋមន្ត្រីកម្ពុជា។ (រូបថត Reuters)

លោកនាយករដ្ឋមន្ត្រី ហ៊ុន សែន បានថ្លែងក្នុងរសៀលថ្ងៃអង្គារ ទី១២ ខែមិនា ឆ្នាំ២០១៩នេះ ថានឹង«ដកព្រះរាជអាជ្ញាណា» ដែលមិនធ្វើតាមនយោបាយព្រហ្មទណ្ឌ នៃរបបដឹកនាំរបស់លោក។

ថ្លែងក្នុងពិធីបិទសន្និបាត បូកសរុបការងារ ឆ្នាំ២០១៨ និងលើកទិសដៅការងារ ឆ្នាំ​២០១៩ របស់ក្រសួងសុខាភិបាល ពីសណ្ឋាគារសូហ្វីតែល​ភ្នំពេញ បុរសខ្លាំងកម្ពុជា បានបញ្ជាក់ថា លោកមិនចង់ឲ្យការលើកឡើងរបស់លោក ជះឥទ្ធិពលទៅលើប្រព័ន្ធយុត្តិធម៌នៅកម្ពុជា តែលោកថា លោកមិនសុខចិត្ត។

លោកថា៖

«ត្រូវធ្វើឲ្យហ្មត់ចត់! បើមិនធ្វើឲ្យហ្មត់ចត់ទេ តុលាការឯងក៏មិនរួចខ្លួនដែរ! ខ្ញុំសូមជម្រាប ខ្ញុំមិនព្រមានតុលាការទេ ក៏ប៉ុន្តែខ្ញុំមិនសុខចិត្ត។»

នាយករដ្ឋមន្ត្រីបីទសវត្សន៍ជាងរបស់កម្ពុជា បានពន្យល់ថា៖

«ការគ្រប់គ្រង់នយោបាយព្រហ្មទណ្ឌ គឺមានផ្នែកអយ្យការ គឺព្រះរាជអាជ្ញាស្ថិតនៅក្រោមរដ្ឋមន្ត្រីក្រសួងយុត្តិធម៌ ព្រោះយើងយកប្រព័ន្ធយុត្តិធម៌ តាមប្រទេសបារាំង។ ដែលចៅក្រមត្រូវតែងតាំងដោយឧត្ដមក្រុមប្រឹក្សា នៃអង្គចៅក្រម (…) តែព្រះរាជអាជ្ញា ត្រូវតែងតាំងដោយឧត្ដមក្រុមប្រឹក្សា នៃអង្គចៅក្រមដែរ ក៏ប៉ុន្តែត្រូវធ្វើឡើង តាមសំណើររបស់រដ្ឋមន្ត្រីយុត្តិធម៌វិញ។ នេះ ជាការគ្រប់គ្រងនយោបាយព្រហ្មទណ្ឌ។»

លោក ហ៊ុន សែន បន្តបញ្ជាក់ទៀតថា៖

«ហើយបើសិនជាព្រះរាជអាជ្ញា មិនព្រមធ្វើការចោទប្រកាន់ អញ្ចឹងតែព្រះរាជអាជ្ញាតំណាង​ឲ្យរដ្ឋធ្វើម៉េច? អ្វីទៅ ដែលហៅថាព្រះរាជអាជ្ញា? គឺតំណាងឲ្យរដ្ឋ បើសិនជាព្រះរាជអាជ្ញាមិនព្រមធ្វើការចោទប្រកាន់ អញ្ចឹងតើអ្នកឯងមានហេតុផលអីទៀត ដើម្បីនឹងធ្វើជាព្រះរាជអាជ្ញា?»៕



លំអិតបន្ថែមទៀត

កម្ពុជា

មន្ត្រីប្រឆាំងថា ហ៊ុន សែន ជាប់ក្នុងគ្រែ បែរជា«បង្ហោះចម្រៀង»​លើហ្វេសប៊ុក

កាលពីមុននេះបន្តិច នៅលើបណ្ដាញសង្គម គេឃើញលោក ហ៊ុន សែន បង្ហោះចម្រៀង បែបចំអកមួយ ជាមួយនឹងរូបភាពមួយចំនួន។ ចម្រៀងនោះ ជាចម្រៀងពីសង្គមចាស់ ដែលមានចំណងជើងថា «ទទាយំឆ្លង» ច្រៀងដោយអ្នកនាង ...
កម្ពុជា

មន្ត្រី១០៧នាក់ ឡើង​ជា​ទីប្រឹក្សា​ក្រសួង​ការងារ មាន​ឋានៈ​ពី​អគ្គនាយក​ដល់​អនុរដ្ឋលេខាធិការ

មន្ត្រីចំនួន១០៧នាក់ ដែលគេស្គាល់ថា ភាគច្រើនជាមន្ត្រីសហជីព ត្រូវបានលោកនាយករដ្ឋមន្ត្រី ហ៊ុន សែន ទូលស្នើព្រះមហាក្សត្រ ឲ្យតម្លើងតំណែងពួកគេ ឡើងជា «ឯកឧត្ដម លោកជំទាវ» ទីប្រឹក្សាក្រសួងការងារ និងបណ្ដុះបណ្ដាញវិជ្ជាជីវៈ ...
លោកនាយករដ្ឋមន្ត្រី ហ៊ុន សែន បង្ហាញការស្ទង់មតិរបស់អង្គការខុមហ្វ្រែល ក្នុងទូរស័ព្ទដៃរបស់លោក ក្នុងពិធីសម្ពោធសួនលេងទឹកឯកជនមួយ កាលពីថ្ងៃទី១៦ ខែសីហា ឆ្នាំ២០២០។ (រូបថតលើហ្វេសប៊ុក)
កម្ពុជា

ក្រសួងបិទវិទ្យុ​«VOD»​ជាស្ថាពរ តាមបញ្ជា​របស់ ហ៊ុន សែន

នៅប៉ុន្មានម៉ោងក្រោយបញ្ជា របស់លោកនាយករដ្ឋមន្ត្រី ហ៊ុន សែន ក្រសួងព័ត៌មានបានចេញសេចក្ដីសម្រេច បិទទ្វារបស់វិទ្យុសម្លេងប្រជាធិបតេយ្យ«VOD»ជាស្ថាពរ នៅព្រឹកថ្ងៃចន្ទ ទី១៣ ខែកុម្ភៈ ឆ្នាំ២០២៣។ សេចក្តីសម្រេចរបស់ក្រសួងព័ត៌មាន ចុះហត្ថលេខាដោយលោករដ្ឋមន្ត្រី ខៀវ ...

យល់ស៊ីជម្រៅផ្នែក កម្ពុជា

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...

Comments are closed.