កម្ពុជាដំណឹង

ហ៊ុន សែន ឌឺដង​ឲ្យ សម រង្ស៊ី «កុំ​រត់ចោល​ទីលាន​ប្រកួត»

បើទោះជាអះអាងមិនឆ្លើយឆ្លង ជាមួយលោក សម រង្ស៊ី ក៏ដោយ តែលោកនាយករដ្ឋមន្ត្រី ហ៊ុន សែន នៅតែបន្តផ្ញើរសារ​បែបបញ្ឆិតបញ្ឆៀង ឬដោយមិនចំឈ្មោះ ទៅកាន់មេដឹកនាំប្រឆាំងជាដរាប។ ហើយក្នុងវគ្គថ្មី នៅថ្ងៃនេះ លោក ហ៊ុន សែន បាននិយាយពីលោក សម រង្ស៊ី ជាបន្តទៀត តាមរយៈការហៅមេដឹកនាំប្រឆាំងរូបនេះ ថាជា«ដៃគូប្រកួត» ដែល«លេងភ្នាល់» តែ«លេងខូចខ្លាំង»ជាមួយលោក ហើយ«កុំ​រត់ចោល​ទីលាន​ប្រកួត»។

ជាមួយការបង្ហោះរូបភាពជាច្រើនសន្លឹក ដែលបង្ហាញពីសកម្មភាពរបស់លោក កំពុងវាយកូនគោល លោក ហ៊ុន សែន បានសរសេរឲ្យដឹង នៅលើបណ្ដាញសង្គមថា៖

«ថ្ងៃនេះវាយកូនគោលទៀតហើយ ដើម្បីសុខភាពផង​ និង​ការកំសាន្តចុងសប្តាហ៏ផង។​ តែថ្ងៃនេះ ដៃគូប្រកួតដែលបានលេងភ្នាល់ជាមួយខ្ញុំ​ លេងខូចខ្លាំងណាស់​ គាត់វាយបាល់ធ្លាក់ទឹក គេមើលឃើញគ្រប់គ្នា​ គាត់បែរជាដាក់បាល់ថ្មីវាយបន្ត ដោយមិនខ្វល់ពីបាល់ពិន័យសោះ។»

តើនរណាទៅ ដែល«លេងភ្នាល់»យ៉ាងសំខាន់​ជាមួយលោក ហ៊ុន សែន រហូតដល់ថ្នាក់លោកយកមក​និទាន​ប្រាប់គេឯង​បែបនេះ? មិនមែននិទានត្រឹមប៉ុណ្ណឹងទេ លោកនាយករដ្ឋមន្ត្រី នៅបានចំអកដាក់«ដៃគូប្រកួត»របស់លោកម្នាក់នេះទៀតថា៖

«ពេលនេះ គាត់កំពុងចូលបន្ទប់ទឹក​ ខ្ញុំរង់ចាំខាងក្រៅ​ ប៉ុន្តែសង្ស័យថា គាត់មិនព្រមចេញមកទេដឹង​ ឬគាត់ទម្លាយទ្វារត់ ចេញទៅក្រៅតារាងបាត់ហើយ។​ តែទោះយ៉ាងណា​ ខ្ញុំត្រូវរង់ចាំគាត់រហូតផុតម៉ោងប្រកួត ព្រោះគាត់ជាអ្នកបបួលខ្ញុំភ្នាល់ ដោយសំដីក្អេងក្អាងទៀតផង។»​

កាលពី​យប់​ថ្ងៃទី​៩ ខែវិច្ឆិកា ឆ្នាំ​២០១៨ លោក សម រង្ស៊ី បានប្រកាសភ្នាល់​ជាមួយ​លោក ហ៊ុន សែន តាមបណ្ដាញសង្គមថា បើ​លោក កឹម សុខា មិន​ត្រូវបាន​ដោះលែង ដូច​ការអះអាង​របស់​លោក​ទេ លោកនឹង​ត្រឡប់មក​ប្រទេស​កម្ពុជា ដើម្បី​ប្រគល់​ខ្លួន​ឲ្យ​លោក ហ៊ុន សែន ចាប់​។ លោក បាន​សរសេរ​​នៅពេលនោះ​​ថា​៖

«​បើ​ខ្ញុំ​ចាញ់​លោក ហ៊ុន សែន ខ្ញុំ​សុខចិត្ត​ដើរចូល​ឲ្យ​គាត់​ចាប់​ខ្ញុំ យកទៅ​ឃុំ​ទន្ទឹមនឹង​លោក កឹម សុខា​»​។​

​បន្ទាប់ពីសារ​របស់លោក សម រង្ស៊ី ត្រូវបានបង្ហោះចេញ លោក ហ៊ុន សែន ក៏បាន​ឆ្លើយតបវិញភ្លាមដែរ តាមរយៈសារព័ត៌មានស្និតនឹងរូបលោកថា៖

«​ខ្ញុំ​ហ៊ាន​ភ្នាល់​ជាមួយ​លោក សម រង្ស៊ី​។ បើ​មានការ​ដោះលែង កឹម សុខា មែន ខ្ញុំសុខចិត្ត​ចុះចេញ​ពី​តំណែង​ តាម​ការ​បបួល​ភ្នាល់​របស់ សម រង្ស៊ី​។ ប៉ុន្តែ​បើលោក កឹម សុខា មិន​ត្រូវបាន​ដោះលែង​ទេ លោក សម រង្ស៊ី ត្រូវ​ហ៊ាន​ចុះចាញ់ ហើយ​ទទួលស្គាល់​ការ​ភ្នាល់​របស់ខ្លួន ដោយ​ចូលមក​ឲ្យ​ចាប់ខ្លួន​ភ្លាមៗ​ បន្ទាប់ពី​បញ្ចប់​ការ​ភ្នាល់​»​។

តាំងពីពេលនោះ រហូតមដល់សព្វថ្ងៃ ប្រព័ន្ធផ្សព្វផ្សាយក្នុងស្រុក ក៏តែងចេញផ្សាយសឹងជារៀងរាល់ថ្ងៃ នូវចំនួនថ្ងៃដែលនៅសេសសល់ សម្រាប់ការភ្នាល់រវាងអ្នកនយោបាយទាំងពីររូប ដែលរងការរិះគន់ ថាជា​«ទង្វើអសីលធម៌ និងគ្មានគុណធម៌» ពីក្រុមអ្នកស្និតលោក កឹម សុខា។

យ៉ាងណា តាមរយៈសំណេរឌឺដងដដែលក្នុងថ្ងៃនេះ លោក ហ៊ុន សែន បានប្រាប់បន្តទៅលោក សម រង្ស៊ី ទៀតថា៖

«សុំចេញមកប្រកួតបន្តណាអ្នកខ្លាំង​ កុំ​រត់ចោល​ទីលាន​ប្រកួត»៕



លំអិតបន្ថែមទៀត

កម្ពុជា

ហ៊ុន សែន ហៅអ្នកនិយាយ ពី«ការបិទក្រុង​ឬផ្នែកខ្លះ» ថាជា​មនុស្សអាក្រក់

អ្នកស្រង់សំដីរបស់លោក ហ៊ុន សែន យកមកផ្សាយបន្ត មានវាសនាមិនល្អទេ ព្រោះតែង​ត្រូវ​បានបុរសខ្លាំងរូបនេះ ចាប់ដាក់គុក ឬចាត់ទុក ថាជា​មនុស្សអាក្រក់ ជាដើម។ ហើយនេះ ជាវគ្គថ្មីមួយទៀត ដែលបុរសមានអំណាច ...
កម្ពុជា

ហ៊ុន សែន៖ កម្ពុជា-ចិន ជាដៃគូ​យុទ្ធសាស្ត្រ​គ្រប់​ជ្រុងជ្រោយ

នាយករដ្ឋមន្ត្រីកម្ពុជា លោក ហ៊ុន សែន បានបង្ហាញការគាំទ្រជាថ្មីទៀត ចំពោះនយោបាយ នៃមហាយក្សកុម្មនីស្ដិ៍ចិន ដែលបានចាត់ទុកទំនាក់ទំនង «កម្ពុជា-ចិន» ថាជា«ដៃគូយុទ្ធសាស្ត្រគ្រប់ជ្រុងជ្រោយ» និងជា«មិត្តដែកថែប» ដែលស្ថិតស្ថេររឹងមាំ ជាដរាប។ ...
កម្ពុជា

អ្នកវិភាគ​លើកពី​លទ្ធផល​ពីរ សម្រាប់​«បាតុកម្ម​ភ្លើង​ទៀន»​នៅកូរ៉េ

បាតុកម្មរបស់ពលរដ្ឋខ្មែរ នៅក្រុងក្វាងយូ ប្រទេសកូរ៉េខាងត្បូង ក្នុងរសៀលថ្ងៃសៅរិ៍នេះ ទទួលបានចំណាប់អារម្មណ៍ តាំងពីច្រើនថ្ងៃមកហើយ ពីគ្រប់មជ្ឈដ្ឋាន។ សម្រាប់លោកបណ្ឌិត មាស នី អ្នកវិភាគផ្នែកសង្គម និងនយោបាយ បានពន្យល់ថា ...

Comments are closed.

យល់ស៊ីជម្រៅផ្នែក កម្ពុជា

កម្ពុជា

ហ៊ុន សែន ដាក់កម្ពុជា​ឲ្យកាន់ទុក្ខ​មួយថ្ងៃ ចំពោះសព ស៊ីនហ្សូ អាបេ

កម្ពុជា

អ៊ុក ទូច ប្រកាសរហស្សនាមជា​«ជួបគប់ក្បាល ហ៊ុន សែន នឹងស្បែកជើង»

បងប្អូនត្រកូល«ជួប» ៖ បន្ទាប់ពីបានបង្ហោះទ្រនាប់ជើងមួយចំហៀង សំដៅលោកនាយករដ្ឋមន្ត្រី ហ៊ុន សែន រួច បុរសម្ចាស់ទ្រនាប់ជើង ដែលមានឈ្មោះ អ៊ុក ទូច បានចេញមុខនៅថ្ងៃព្រហស្បត្តិ៍នេះ ប្រកាសរហស្សនាមខ្លួនថា ...
កម្ពុជា

[វីដេអូ] ៖ «ស្បែកជើងហោះ»​ស្វាគមន៍ ហ៊ុន សែន នៅវ៉ាស៊ីនតោន

នៅខណៈលោក ហ៊ុន សែន កំពុងចាប់ដៃថតរូប ជាមួយបណ្ដាជន​ដែលមកទទួលស្វាគមន៍​លោក ស្រាប់តែ​«ស្បែកជើងហោះ»​មួយ បានហោះ​កាត់ក្បែរនោះ។ ជាទិដ្ឋភាពដែលបង្ក​ភាពរអាក់រអួលមួយភ្លែត ទៅដល់កម្មវិធី ក៏ដូចជាស្នាមញញឹម​​របស់នាយករដ្ឋមន្ត្រី​ចាស់វស្សាកម្ពុជា ដែលធ្វើដំណើរ​ទៅកាន់រដ្ឋធានី នៃសហរដ្ឋអាមេរិក ដើម្បីចូលរួមជំនួបកំពូល ...