កម្ពុជាដំណឹង

ហ៊ុន សែន ចំអក​ឲ្យ សម រង្ស៊ី ថា​«វា​ក្មេង​ពេក ខ្ចី​ពេក»

នាយករដ្ឋមន្ត្រីកម្ពុជា លោក ហ៊ុន សែន បានថ្លែងសារនយោបាយខ្លីមួយ ចំអកឲ្យអ្នកនយោបាយប្រឆាំងណាមួយនោះ ដែលលោកមិនបញ្ចេញឈ្មោះ ដោយចាត់ទុកថា អ្នកនយោបាយរូបនោះ នៅ«ក្មេងពេក ខ្ចីពេក»។

អ្នកនយោបាយ ដែលបុរសខ្លាំងកម្ពុជា សំដៅឡើងនោះ ត្រូវបានគេមើលថា គ្មាននរណាផ្សេង ក្រៅពីលោក សម រង្ស៊ី អតីតប្រធានគណបក្សសង្គ្រោះជាតិ ដែលសព្វថ្ងៃត្រូវបានសន្និសីទក្រុងអាត្លង់តា ជ្រើសតាំងកាលពីដើមខែធ្នូ ឆ្នាំ២០១៨ ឲ្យក្លាយជាប្រធានស្ដីទីគណបក្សនោះឡើយ។

សារដ៏ខ្លីរបស់លោក ហ៊ុន សែន បានអះអាងជាដំបូងថា សេចក្ដីព្រាងច្បាប់ធ្វើវិសោធនកម្ម នៃច្បាប់ស្ដីពីគណបក្សនយោបាយ ដែលនឹងត្រូវរដ្ឋសភាពិភាក្សា និងអនុម័តនៅថ្ងៃស្អែកនេះ ជាច្បាប់ដែលគោលដៅ ទៅរកគណបក្សនយោបាយទាំងអស់ នៅកម្ពុជា និងថា មន្ត្រីគណបក្សណាមួយ ដែលត្រូវតុលាការហាមឃាត់ ធ្វើនយោបាយ ហើយមានបំណងចង់លើកបម្រាមនេះវិញ ត្រូវធ្វើសេចក្ដីស្នើសុំ ទៅកាន់រូបលោក តាមរយៈរដ្ឋមន្ត្រីមហាផ្ទៃ។

បន្ទាប់មក លោកនាយករដ្ឋមន្ត្រី បានថ្លែងចំអក ទៅឲ្យលោក សម រង្ស៊ី ថា៖ «ខ្ញុំមិនចង់តមាត់តក ជាមួយនរណាទាំងអស់ ព្រោះវាក្មេងពេក ខ្ចីពេក។ អត់និយាយ! ហើយទុកឲ្យគេវិនិច្ឆ័យ​សភាពការណ៍​ខ្លួន​គេ​ចុះ (…) ខ្ញុំបាននិយាយហើយថា ខ្ញុំមិនតបតរ ខ្ញុំនៅស្ងៀម។»៕



លំអិតបន្ថែមទៀត

កម្ពុជា

សម រង្ស៊ី សរសេរ​ទៅមេដឹកនាំ​​ពិភពលោក​ថា​ «ការបង្ក្រាប​ផ្នែក​នយោបាយ មាន​កាន់តែ​ខ្លាំង​នៅ​កម្ពុជា»

ប្រធានស្ដីទីគណបក្សប្រឆាំង លោក សម រង្ស៊ី ដែលកំពុងមានវត្តមាន ក្នុងប្រទេសបារាំង បានចេញសេចក្ដីថ្លែងការណ៍មួយ ទៅកាន់មេដឹកនាំនានា នៅលើពិភពលោក រួមមានទាំងមេដឹកនាំ នៃប្រទេសជាមិត្តកម្ពុជា និងមេដឹកនាំ នៃស្ថាប័នអន្តរជាតិនានា ...
កម្ពុជា

ស្រុតអគារចិន៖ ហ៊ុន សែន បានចែកប្រាក់ជាង​១៥ម៉ឺន​ដុល្លារ ជូន​ក្រុមសង្គ្រោះ

នាយករដ្ឋមន្ត្រីកម្ពុជា លោក ហ៊ុន សែន បានអះអាងថា លោកបានយកថវិកាផ្ទាល់របស់លោក ចំនួនជាង១៥ម៉ឺនដុល្លារ​ចែក ជូន​ក្រុមសង្គ្រោះ សរុបចំនួន​១៤៨៧នាក់ ដែលបានធ្វើការរុករក និងជួយសង្គ្រោះជីវិត ក្នុងហេតុការណ៍រលំអគារ ដែលសង់ដោយសហគ្រាសចិន ...
កម្ពុជា

អ្នកវិភាគ​លើកពី​លទ្ធផល​ពីរ សម្រាប់​«បាតុកម្ម​ភ្លើង​ទៀន»​នៅកូរ៉េ

បាតុកម្មរបស់ពលរដ្ឋខ្មែរ នៅក្រុងក្វាងយូ ប្រទេសកូរ៉េខាងត្បូង ក្នុងរសៀលថ្ងៃសៅរិ៍នេះ ទទួលបានចំណាប់អារម្មណ៍ តាំងពីច្រើនថ្ងៃមកហើយ ពីគ្រប់មជ្ឈដ្ឋាន។ សម្រាប់លោកបណ្ឌិត មាស នី អ្នកវិភាគផ្នែកសង្គម និងនយោបាយ បានពន្យល់ថា ...

យល់ស៊ីជម្រៅផ្នែក កម្ពុជា

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...

Comments are closed.