ដំណឹងបារាំង

បាតុកម្ម​អាវ​កាក់​លឿង – នាយក​រដ្ឋមន្ត្រី​ថ្លែង​ពី​​ការ​ចាប់​ខ្លួន​​៤៨១នាក់

នាយករដ្ឋមន្ត្រីបារាំង លោក អេឌូអារ ហ្វីលីព (Edouard Philippe) បានអះអាងតាមកញ្ចក់ទូរទស្សន៍ នៅមុននេះ ថាមកដល់ម៉ោងនេះ មនុស្សចំនួន ៤៨១នាក់ ត្រូវបានចាប់ខ្លួន និង២១១នាក់ ត្រូវបានឃុំខ្លួន ជាបណ្ដោះអាសន្ន។

តួលេខខាងលើ បានលើសតួលេខ ដែលផ្ដល់ក្នុងជំហានដំបូង ដោយស្នងការដ្ឋាននគរបាលរដ្ឋធានី ដែលអះអាងថា មានចំនួន ២៧៨នាក់ និងលើសតួលេខ នៃបណ្ដាជន ដែលត្រូវបានចាប់ខ្លួន ពេញមួយថ្ងៃសៅរ៍ កាលពីសប្ដាហ៍កន្លងទៅ ដែលមានចំនួន ៤១១នាក់។

បាតុករ ដែលពាក់អាវកាក់ពណ៌លឿង បាននាំគ្នាចុះ នៅតាមបណ្ដាផ្លូវសំខាន់ៗ នៃរដ្ឋធានី​ប៉ារីស ជាថ្មីទៀត នៅព្រឹកថ្ងៃសៅរ៍នេះ ដើម្បីជំទាស់​នឹង​ការកែទម្រង់​ជាច្រើន របស់រដ្ឋាភិបាលលោកប្រធានាធិបតី អេម៉ានុយអែល ម៉ាក្រុង (Emmanuel Macron)។

នៅលើមហាវិថី «Champs-Elysées» ដែលក្នុងថ្ងៃធម្មតា សម្បូរដោយទេសចរណ៍នោះ បណ្ដាជនអាវកាក់លឿងរាប់ពាន់នាក់ កំពុងប្រមូលផ្ដុំគ្នា ហើយភាពតានតឹង ត្រូវបានរាយការណ៍ថា បានកើតឡើង នៅមុននេះបន្តិច។ កងកម្លាំងនគរបាល បានបាញ់គ្រាប់បែកបង្ហូរទឹកភ្នែក ចូលទៅក្នុងហ្វូងបាតុករ ដើម្បីទប់ឲ្យពួកគេដកថយ ចេញពីបណ្ដាផ្លូវតូចៗ ដែលនៅជាប់នឹងមហាវិថី។

រីឯនៅលើថ្នល់ល្បឿនលឿន ដែលព័ទ្ធជុំវិញរដ្ឋធានី នៅត្រង់ចំណុច «Porte Maillot» ក្រុមបាតុករ ដែលពាក់អាវកាក់លឿង បានប្រមូលគ្នា ដើម្បីរារាំងចរាចរណ៍ បង្កឲ្យមានការកកស្ទះ រាប់សិបនាទី នៅក្នុងតំបន់នោះ។ កងកម្លាំងនគរបាល បានព្យាយាមចូលធ្វើអន្តរាគមន៍ ដើម្បីបំបែកការរារាំងនេះ។

នៅក្នុងការថ្លែងដដែលនោះ លោកនាយករដ្ឋមន្ត្រី អេឌូអារ ហ្វីលីព បានអំពាវនាវជាថ្មីទៀត ឲ្យបាតុករវិលត្រឡប់ មករកតុចរចាវិញ ប៉ុន្តែលោកថា ការចរចាដែលអាចមានដំណោះស្រាយ លុះត្រាណាតែបាតុករ មានឆន្ទះពិតប្រាកដ ក្នុងការជជែក និងមិនបង្កឲ្យមានអំពើហិង្សា៕



លំអិតបន្ថែមទៀត

ដំណឹង

ប្រធានាធិបតី​ចិន​នៅ​ប៉ារីស៖ ចិននឹងទិញ «AirBus» ៣០០គ្រឿង

សហគ្រាសរដ្ឋរបស់ប្រទេសចិន នឹងទិញយន្ដហោះអ៊ែរប៊ូស «Airbus» ៣០០គ្រឿង ពីប្រទេសបារាំង ក្នុងនោះយន្ដហោះប្រភេទមធ្យម «A320» ចំនួន២៩០គ្រឿង និងយន្ដហោះប្រភេទធំ «A350» ចំនួន១០គ្រឿង។ នេះ បើតាមការប្រកាសឲ្យដឹង ...
ដំណឹង

មេដឹកនាំ​ដ៏សំខាន់​ម្នាក់​របស់ អាល់កៃដា ត្រូវបាន​សម្លាប់​ដោយកងទ័ព​បារាំង

មេដឹកនាំដ៏សំខាន់ម្នាក់ នៃអង្គការភេរវនិយម «AQMI» ដែលជាសាខាមួយ របស់បណ្ដាញ អាល់កៃដា (Al-Qaïda) ប្រចាំក្នុងទ្វិបអាហ្វ្រិកខាងជើង ត្រូវបានសម្លាប់ ដោយកងទ័ពបារាំង ក្នុងទឹកដីភាគខាងជើង នៃប្រទេសម៉ាលី ជាប់នឹងព្រំដែន ...
កីឡា និងបច្ចេកវិទ្យា

ល្បែងអូឡាំពិក ៖ ប៉ារីស ទទួលទង់អូឡាំពិក​ធ្វើម្ចាស់ផ្ទះ ឆ្នាំ២០២៤

ក្នុងពិធីបិទបញ្ចប់«ល្បែងអូឡាំពិក» នៅរាជធានីតូក្យូ (ជប៉ុន) យប់ថ្ងៃអាទិត្យទី៨ ខែសីហានេះ អ្នកស្រី អាន អ៊ីដាលហ្គោ (Anne Hidalgo) អភិបាលរដ្ឋធានី ប៉ារីស បានទទួលទង់​របស់គណៈកម្មការអូឡាំពិកអន្តរជាតិ ...

យល់ស៊ីជម្រៅផ្នែក ដំណឹង

ដំណឹង

សង្គ្រាមនៅអ៊ុយក្រែន ៖ អាមេរិកផ្ដល់ភ្លើងខៀវបញ្ជូនយន្តហោះ«F-16»

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

អ្នកជំនាញមួយក្រុមរបស់អង្គការសហប្រជាជាតិ បានអំពាវនាវទៅ​របបដឹកនាំរបស់លោក ហ៊ុន សែន ឲ្យដោះលែងអ្នកស្រី សេង ធារី មេធាវីខ្មែរអាមេរិកាំង ដែលគេស្គាល់ក្នុងពេលកន្លងមក ថាជា«ស្ត្រីសេរីភាព» តាមរយៈសម្លៀកបំពាក់តែងខ្លួនសម្ដែងមតិរបស់អ្នកស្រី នៅខាងមុខសាលាដំបូងរាជធានីភ្នំពេញ។ ក្រុមអ្នកជំនាញប្រឆាំងការឃុំឃាំងតាមទំនើងចិត្ត ...
កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...

Comments are closed.