ដំណឹងបារាំង

គ្រីស្ដូហ្វ៍ ម្ចាស់សម្លេង​បទ​​«អាលីន» បានទទួល​មរណភាព

អ្នកចម្រៀងបារាំង គ្រីស្ដូហ្វ៍ (Christophe) ដែលល្បីឈ្មោះពេញពិភពលោក តាមរយៈ​បទ​«អាលីន» បានទទួលមរណភាពហើយ កាលពីយប់ថ្ងៃព្រហស្បត្តិ៍ ទី១៦ ខែមេសា ឆ្នាំ២០២០ ក្នុងជន្មាយុ ៧៤ឆ្នាំ។ នេះ បើតាមដំណឹងមួយ របស់សារព័ត៌មានបារាំង ឈ្មោះ «Nouvel Observateur» ដែលទើបនឹងធ្លាក់មកដល់ នៅមុននេះបន្តិច។

សារព័ត៌មានបានអះអាងថា លោក គ្រីស្ដូហ្វ៍ បានធ្លាក់ខ្លួនឈឺសួត ដ៏រាំរ៉ៃ និងបានចូលសម្រាក ក្នុងមន្ទីរពេទ្យ «Cochin» នៃរដ្ឋធានីប៉ារីស តាំងពីថ្ងៃទី២៦ ខែមីនាកន្លងមក។ បន្ទាប់មក លោកត្រូវបានបញ្ជូនទៅក្រុង ប្រ៊េស (Brest – ភាគខាងលិចបារាំង) ហើយបានទទួលមរណភាព នាទីនោះ ក្នុងយប់ថ្ងៃព្រហស្បត្តិ៍ ដោយមានការជូនដំណើរ ពីកូនស្រីរបស់លោក ឈ្មោះ «Lucie» នោះផង។

ចម្រៀង «អាលីន – Aline» ដ៏ពិរោះនិងដ៏ល្បីល្បាញ ត្រូវបានលោក គ្រីស្ដូហ្វ៍ បកស្រាយជាលើកដំបូង នៅឆ្នាំ១៩៦៥ នៅពេលដែលលោកមានអាយុ ២០ឆ្នាំ។ មួយបទនេះ ធ្វើឲ្យថាសចម្រៀងរបស់លោក ប្រមាណជា ៣,៥លានថាស ត្រូវបានលក់ដាច់ ភ្លាមៗ។

បទ«អាលីន»នេះ ត្រូវបានបកប្រែជាខេមរភាសា និងបកស្រាយ ដោយអ្នកចម្រៀងជាច្រើន។ ការបកស្រាយដំបូងគេ ដែលគួរឲ្យកត់សម្គាល់ គឺជាសម្លេងរបស់លោក ហួរ ឡាវី ដែលគេស្គាល់ថា ជាកំពូល​អ្នកចម្រៀង​សម្លេងស្អក របស់កម្ពុជា៕



You may also like

ដំណឹង

Covid-19៖ បារាំងបន្ត​«បម្រាមបិទប្រទេស»​​ក្នុងរលកទី២

បម្រាមបិទប្រទេស មិនមានការផ្លាស់ប្ដូរទេ បន្ទាប់ពីចំណាត់ការនេះ ( បម្រាមបិទប្រទេស ) ត្រូវបានដាក់ជាថ្មី កាលពីចុងខែតុលា ដើម្បីទប់ស្កាត់រលកទីពី នៃការរាតត្បាតជំងឺ «Covid-19»។ នេះ ជាការអះអាងឡើង ...
កំសាន្ដ

ភាគខាងត្បូងបារាំង កំពុងធ្វើ​សង្គ្រាម​ប្រឆាំង… ឪម៉ាល់ !

ប្រសិនជាប្រទេសបារាំង បានងើបចេញ​ពីវិបត្តិ​ជំងឺរាតត្បាត «Covid-19» ជាបណ្ដើរៗ​នោះ តំបន់ជាច្រើន ស្ថិតនៅភាគខាងត្បូង នៃប្រទេសនេះ កំពុងប្រកាសសង្គ្រាម ទល់​នឹងការរាតត្បាតថ្មី គឺហ្វូងសត្វ«ឪម៉ាល់» ដែលមានប្រភពពីទ្វីបអាស៊ី ហើយដែល​កំពុង​តាំង​សម្បុករបស់ពួកវា នៅតាមព្រៃព្រឹក្សា ...
កីឡា និងបច្ចេកវិទ្យា

ល្បែងអូឡាំពិក ៖ ប៉ារីស ទទួលទង់អូឡាំពិក​ធ្វើម្ចាស់ផ្ទះ ឆ្នាំ២០២៤

ក្នុងពិធីបិទបញ្ចប់«ល្បែងអូឡាំពិក» នៅរាជធានីតូក្យូ (ជប៉ុន) យប់ថ្ងៃអាទិត្យទី៨ ខែសីហានេះ អ្នកស្រី អាន អ៊ីដាលហ្គោ (Anne Hidalgo) អភិបាលរដ្ឋធានី ប៉ារីស បានទទួលទង់​របស់គណៈកម្មការអូឡាំពិកអន្តរជាតិ ...

Comments are closed.

ដំណឹង

សង្គ្រាមនៅអ៊ុយក្រែន ៖ អាមេរិកផ្ដល់ភ្លើងខៀវបញ្ជូនយន្តហោះ«F-16»

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

អ្នកជំនាញមួយក្រុមរបស់អង្គការសហប្រជាជាតិ បានអំពាវនាវទៅ​របបដឹកនាំរបស់លោក ហ៊ុន សែន ឲ្យដោះលែងអ្នកស្រី សេង ធារី មេធាវីខ្មែរអាមេរិកាំង ដែលគេស្គាល់ក្នុងពេលកន្លងមក ថាជា«ស្ត្រីសេរីភាព» តាមរយៈសម្លៀកបំពាក់តែងខ្លួនសម្ដែងមតិរបស់អ្នកស្រី នៅខាងមុខសាលាដំបូងរាជធានីភ្នំពេញ។ ក្រុមអ្នកជំនាញប្រឆាំងការឃុំឃាំងតាមទំនើងចិត្ត ...
កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...