ដំណឹងអាស៊ី-ប៉ាស៊ីភិក

ព្រះរាជវាំងថៃ ឲ្យដក​ព្រះរាមស្ដេច ចេញពី​បេក្ខភាព​ជានាយករដ្ឋមន្ត្រី

បេក្ខភាពជានាយករដ្ឋមន្ត្រី របស់ម្ចាស់ក្សត្រីថៃ ព្រះនាង អ៊ូបុល រតនា (Ubolratana) ដែលត្រូវជាព្រះរាមព្រះមហាក្សត្របច្ចុប្បន្ន មានរយៈពេលត្រឹមតែ១ថ្ងៃប៉ុណ្ណោះ។ គណបក្សដែលតែងតាំងម្ចាស់ក្សត្រី ឲ្យធ្វើជាបេក្ខនារីសម្រាប់តំណែងនាយករដ្ឋមន្ត្រី បានសម្រេចដកបេក្ខភាពនេះចេញវិញ បន្ទាប់ពីមានបម្រាមពី ព្រះរាជវាំងថៃ ក្នុងថ្ងៃសៅរ៍នេះ។

ដំណឹងខាងលើត្រូវបានផ្សាយចេញ នៅមុននេះ តាមកញ្ចក់ទូរទស្សន៍ ដោយបញ្ជាក់ថា «គណបក្ស “Thai Raksa Chart (ថៃរក្សាជាតិ)” សូមអនុវត្តន៍តាមរាជបញ្ជា»។

ប៉ុន្តែកាលពីព្រឹកថ្ងៃសៅរ៍ នៅមុនការដកបេក្ខភាពដោយគណបក្ស ម្ចាស់ក្សត្រី អ៊ូបុល រតនា បានបង្ហោះសារ នៅលើទំព័រអ៊ិនស្ដាហ្គ្រាមរបស់ព្រះនាង ដែលទំនងជាផ្ដល់ក្ដីសង្ឃឹមទៀតថា ព្រះនាងអាចស្នើបេក្ខភាពសារជាថ្មី។ សារនោះមានសេចក្ដីថា៖

«ខ្ញុំសូមជម្រាបឡើងវិញ ដោយក្ដីសោមនស្សបំផុត ថាខ្ញុំចង់ឲ្យប្រទេសថៃដើរទៅមុខ និងត្រូវបានទទួលស្គាល់ ដោយសហគមន៍អន្តរជាតិ។»

ម្ចាស់ក្សត្រី អ៊ូបុល រតនា មានព្រះជន្ម ៦៧ព្រះវស្សា មានកំណើតក្នុងប្រទេសស្វីស និងបានគង់ប្រថាប់ជាច្រើនឆ្នាំ នៅសហរដ្ឋអាមេរិក។ ព្រះនាងត្រូវបានគេមើលដឹងថា មានសមានចិត្តជាមួយបណ្ដាជនស្រទាប់ទាបថៃ ជាពិសេសក្រុមអាវក្រហម ដែលគេស្គាល់ថា ជាក្រុមមានទំនោរ ទៅរកគ្រួសារត្រកូល ស៊ីណាវ៉ាត្រា។

គណបក្ស «ថៃរក្សាជាតិ» នេះ បង្កើតឡើង និងដឹកនាំដោយមនុស្សជំនិត នឹងអតីតនាយករដ្ឋមន្ត្រីថៃ ថាក់ស៊ីន ស៊ីណាវ៉ាត្រា (Thaksin Shinawatra) ដែលក្រុមអ្នកស្និតនឹង ព្រះរាជវាំងថៃ ស្អប់ខ្ពើមជាទីបំផុត។ 

ក្រុមអ្នកវិភាគនយោបាយថៃខ្លះ បានលើកឡើងថា បេក្ខភាពរបស់ម្ចាស់ក្សត្រី អ៊ូបុល រតនា បានដើរហួសពីបន្ទាត់ក្រហម ហើយអាចដាក់ឲ្យស្ថាប័នព្រះមហាក្សត្រ ស្ថិតក្នុងសភាពគ្រោះថ្នាក់ ឬផុយស្រួយ។

ចាប់តាំងពីឆ្នាំ១៩៣២ ដែលប្រទេសថៃប្រកាន់របបរាជានិយមអាស្រ័យរដ្ឋធម្មនុញ្ញនោះមក មិនធ្លាប់មានព្រះញាតិវង្សអង្គណាមួយ បានក្លាយជាប្រមុខដឹកនាំរដ្ឋាភិបាលទេ។ 

យ៉ាងណា ការបោះឆ្នោតជាតិ ដែលនឹងត្រូវធ្វើក្នុងខែមិនាខាងមុខ លោក ប្រយុទ្ធ ចន្ទអស្ចារ្យ (Prayut Chan-O-Cha) នាយករដ្ឋមន្ត្រីក្នុងតំណែង និងជាមេដឹកនាំយោធាថៃ គឺជាបេក្ខជនសម្រាប់តំណែងនាយករដ្ឋមន្ត្រីតែមួយគត់ ដែលគ្មានបេក្ខជនណាផ្សេង អាចប្រកួតប្រកួតប្រជែងជាមួយលោកបានឡើយ៕



លំអិតបន្ថែមទៀត

កម្ពុជា

Covid-19៖ ហ៊ុន សែន ប្រាប់ឲ្យពលរដ្ឋខ្មែរនៅថៃ ផ្អាកការវិល​ចូលស្រុក

នាយករដ្ឋមន្ត្រីកម្ពុជា លោក ហ៊ុន សែន បានធ្វើការអំពាវនាវ​ជាថ្មី ស្នើទៅបណ្ដាពលករខ្មែរ ដែលកំពុងរស់នៅក្នុងប្រទេសថៃ ឲ្យ«ផ្អាកការវិល​ចូលស្រុក» នៅបន្ទាប់ពីការឆ្លងជំងឺកូវីដ-១៩ (Covid-19) បានផ្ទុះឡើងខ្លាំង នៅក្នុងខេត្តសាមុតសាខន (ភាគនារតី ...
ដំណឹង

ស្ត្រី​ទេសចរណ៍​អាល្លឺម៉ង់ ត្រូវបាន​រំលោភ​-សម្លាប់​លើ​កោះមួយ​នៅថៃ

សាកសពរបស់ ស្ត្រី​ទេសចរណ៍​អាល្លឺម៉ង់ ដែលបានមកធ្វើវិសមកាល តាំងពីថ្ងៃទី២៣ ខែមិនា ត្រូវបានរកឃើញ កាលពីថ្ងៃអាទិត្យនេះ នៅលើកោះ «ស៊ីឆាង» ក្នុងឈូងសមុទ្រថៃ (ខាងត្បូងរាជធានីបាងកក)។ ប៉ុន្មានម៉ោង ក្រោយការរកឃើញសាកសព ...
កម្ពុជា

ហ៊ុន សែន បង្ហើបរឿង​«សម្ងាត់»​ថា ធ្លាប់ចរចា​ឲ្យថៃ​ប្រកាន់​ជំហរ​អព្យាក្រឹត្យ

នាយករដ្ឋមន្ត្រីដ៏ចាស់វស្សា​នៅកម្ពុជា លោក ហ៊ុន សែន បានអះអាងនៅថ្ងៃអង្គារទី២១ ខែឧសភានេះថា រូបលោក និងមន្ត្រីជំនិតរបស់លោក ធ្លាប់ចេញទៅប្រទេសថៃ តាមច្រកប៉ោយប៉ែតយ៉ាង«សម្ងាត់» ក្នុងខែកញ្ញា ឆ្នាំ១៩៨៩ ដើម្បីទៅជួបចរចាជាមួយមេទ័ពថៃ ...

Comments are closed.

យល់ស៊ីជម្រៅផ្នែក ដំណឹង

កម្ពុជា

ហ៊ុន សែន ឲ្យ សម រង្ស៊ី «សុំទោស»ដើម្បីបញ្ចប់យុទ្ធនាការកម្ចាត់លោក

កម្ពុជា

សម រង្ស៊ី ថា«លោក»​នៅកណ្ដាល ខូចជាងគេ

ការប្រើពាក្យ «អាមឹង» ដើម្បីហៅអ្នកនយោបាយខ្មែរ ទទួលបានការស្វាគមន៍ ពីបណ្ដាជនទូទៅឬទេ? នៅចំពោះការរិះគន់ លោក សម រង្ស៊ី បានប្ដូរឥរិយាបថបន្តិច ដោយហៅលោក ហ៊ុន សែន ...
កម្ពុជា

តុលាការបារាំង​សម្រេចឲ្យ សម រង្ស៊ី ឈ្នះក្ដី​លើ ហ៊ុន សែន និង ឌី វិជ្ជា

មេដឹកនាំប្រឆាំងនៅកម្ពុជា លោក សម រង្ស៊ី ត្រូវបានតុលាការបារាំង សម្រេចក្ដីក្នុងថ្ងៃចន្ទនេះ ឲ្យរួចផុត​ពីការចោទប្រកាន់​ទាំងឡាយ ដែលមាននៅក្នុងបណ្ដឹង​របស់​លោក ហ៊ុន សែន បុរសខ្លាំងនៅកម្ពុជា និងលោក ឌី ...