ដំណឹងអាស៊ី-ប៉ាស៊ីភិក

ក្រុងប៉េកាំង​បរិហារ​«អំពើហិង្សា» និងប្រកាស​គាំទ្រ​អាជ្ញាធរ​ នៅហុងកុង

ក្នុងថ្ងៃព្រហស្បត្តិ៍នេះ រដ្ឋាភិបាលកុម្មុយនីស្ដិ៍ចិនប៉េកាំង បានប្រកាសថ្កោលទោស«អំពើហិង្សា បង្កឡើងដោយក្រុមបាតុករ» នៅក្រុងហុងកុង ដែលបានជួបជុំគ្នាយ៉ាងសន្ធឹកសន្ធាប់ កាលពីម្សិលម៉ិញ ដើម្បីប្រឆាំងនឹងគម្រោងច្បាប់ ដែលអនុញ្ញាតឲ្យធ្វើបត្យាប័នអ្នកទោស ទៅឲ្យអាជ្ញាធរចិន។

អ្នកនាំពាក្យក្រសួងការបរទេសចិន លោក «Geng Shuang» បានថ្លែងថា វាមិនមែនជាបាតុកម្ម ដែលធ្វើឡើងដោយសន្តិវិធីទេ តែជា«អំពើហិង្សា ដែលមានការរៀបចំទុកជាមុន»។ លោកបន្តថា៖

«រដ្ឋាភិបាលចិន (ប៉េកាំង) ប្រកាសថ្កោលទោសយ៉ាងដាច់អហង្កា ចំពោះអំពើហិង្សា និងគាំទ្រការឆ្លើយតប ពីសំណាក់អាជ្ញាធរហុងកុង។»

កាលពីថ្ងៃពុធម្សិលម៉ិញ ក្រុងហុងកុងទាំងមូល ត្រូវបានគ្របដណ្ដប់ដោយអំពើហិង្សា ដ៏អាក្រក់ជាងពេលណាៗទាំងអស់ បន្ទាប់ពីអតីតដែនដី​អាណានិគម​អង់គ្លេស​មួយនេះ បានវិលទៅស្ថិតក្រោមការកាន់កាប់ របស់ប្រទេសចិនកុម្មុយនីស្ដិ៍ ក្នុងឆ្នាំ១៩៩៧វិញមក។ 

ក្រុមបាតុករបានព្យាយាមកាន់កាប់ និងបិទផ្លូវថ្នល់សំខាន់ៗ ខណៈបាតុករខ្លះបានព្យាយាម ចូលទៅក្នុងអាគាររដ្ឋសភាប្រចាំក្រុងហុងកុង។ ប៉ុន្តែពួកគេត្រូវបានកម្លាំងនគរបាល រារាំង និងវាយបង្ក្រាប ដោយប្រើដំបងឆក់ ឧស្ម័នបង្ហូទឹកភ្នែក និងគ្រាប់ប៊ូលកៅស៊ូ។

បើតាមតុល្យភាពដែលចេញផ្សាយនៅពេលនេះ ឲ្យដឹងថា មនុស្សចំនួន៧៩នាក់ បានរងរបួស ក្នុងនោះពីរនាក់ស្ថិតក្នុងសភាពធ្ងន់ធ្ងរ។

លោក «Geng Shuang» បានបន្តទៀតថា៖

«គ្មានសង្គមស៊ីវីល័យ និងគោរពច្បាប់ណាមួយ អាចយោគយល់ចំពោះ ការប៉ះពាល់ដល់សន្តិភាព និងភាពសុខសាន្ដនោះឡើយ៕»



You may also like

កម្ពុជា

សម រង្ស៊ី៖ ហ៊ុន សែន ឲ្យចិន​ធ្វើអាណានិគម​លើកម្ពុជា ព្រោះ​ខ្លាចការ«បះបោរ»

មេដឹកនាំប្រឆាំង លោក សម រង្ស៊ី បានអះអាងថា លោកនាយករដ្ឋមន្ត្រី ហ៊ុន សែន បានហៅបរទេស​ឲ្យមក​«ការពារអំណាច»​ឲ្យលោក ដោយហេតុថា បុរសខ្លាំងកម្ពុជាខ្លាចពលរដ្ឋកម្ពុជាងើប«បះបោរ»ប្រឆាំងលោក។ លោក សម ...
កម្ពុជា

CIA ទម្លាយថា CPP អាចកែរដ្ឋធម្មនុញ្ញ«បើកផ្លូវឲ្យចិន»ដាក់យោធានៅកម្ពុជា

របបដឹកនាំឯកបក្សក្រុងភ្នំពេញ អាចនឹងធ្វើវិសោធនកម្ម ទៅលើច្បាប់រដ្ឋធម្មនុញ្ញ ដែលជាច្បាប់កំពូលរបស់ប្រទេស ដើម្បី«បើកផ្លូវឲ្យចិន ឈានទៅដាក់មូលដ្ឋាយោធា នៅលើទឹកដីកម្ពុជា»។ នេះ បើតាមការរបាយការណ៍ប្រចាំឆ្នាំមួយ របស់លោក «Daniel Ray Coats»​ ...
ដំណឹង

បើករថយន្ដ​បុកចូល​ហ្វូងមនុស្ស​នៅចិន ស្លាប់​យ៉ាងតិច​៦នាក់

បុរសម្នាក់បានបើករថយន្ដ បុកចូលហ្វូងមនុស្ស ក្នុងព្រឹកថ្ងៃសុក្រនេះ នៅកណ្ដាលក្រុង « Zaoyang» នៃខេត្ត «Hubei» ភាគកណ្ដាលនៃប្រទេសចិន។ ហេតុការណ៍បានបណ្ដាលឲ្យមនុស្ស ស្លាប់​យ៉ាងតិច​៦នាក់ និងរបួសយ៉ាងហោច ៧នាកផ្សេងទៀត។ ...

Comments are closed.

ដំណឹង

សង្គ្រាមនៅអ៊ុយក្រែន ៖ អាមេរិកផ្ដល់ភ្លើងខៀវបញ្ជូនយន្តហោះ«F-16»

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

អ្នកជំនាញមួយក្រុមរបស់អង្គការសហប្រជាជាតិ បានអំពាវនាវទៅ​របបដឹកនាំរបស់លោក ហ៊ុន សែន ឲ្យដោះលែងអ្នកស្រី សេង ធារី មេធាវីខ្មែរអាមេរិកាំង ដែលគេស្គាល់ក្នុងពេលកន្លងមក ថាជា«ស្ត្រីសេរីភាព» តាមរយៈសម្លៀកបំពាក់តែងខ្លួនសម្ដែងមតិរបស់អ្នកស្រី នៅខាងមុខសាលាដំបូងរាជធានីភ្នំពេញ។ ក្រុមអ្នកជំនាញប្រឆាំងការឃុំឃាំងតាមទំនើងចិត្ត ...
កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...