កីឡា និងបច្ចេកវិទ្យាបាល់ទាត់

បាសា ធ្លាក់​ពីលើ​មេឃ​ឲ្យ វ៉ាឡង់ស៍ ដណ្ដើម​យក​ពានមួយ​ទៅបាត់ទៀត

ក្រុម បាសា (Barcelone FC – អេស្ប៉ាញ) ដែលហោះលើមេឃ ក្នុងឋានៈជាជើងឯក សម្រាប់ក្របខ័ណ្ឌប្រកួតជុំបូកពិន្ទុ «La Liga» នៃប្រទេសអេស្ប៉ាញ ស្រាប់តែធ្លាក់​មក​លើដី​វិញ បន្ទាប់ពីត្រូវក្រុម វ៉ាឡង់ស៍ (FC Valence – អេស្ប៉ាញ) ដណ្ដើមយក​ពាន​ក្របខ័ណ្ឌ «King Cup ឬ Copa del Rey» ទៅក្ដោបក្ដាប់ ក្នុងយប់ថ្ងៃសៅរ៍នេះ។

បើទោះបីជាសម្បូរដោយកីឡាករល្បីៗ និងមានទេពកោសល្យក្ដី តែក្រុមអ្នកមានបុណ្យ ដែលជាម្ចាស់ពានក្របខ័ណ្ឌដដែល បួនរដូវកាលជាប់គ្នា ត្រូវបានបំបាក់ក្នុងពិន្ទុ ១-២ ដោយក្រុម វ៉ាឡង់ស៍ ដែលសម្បូរដោយកីឡាករក្មេងៗ រហ័សរហួន និងវាយសម្រុកប្រកបដោយប្រសិទ្ធភាព ជាពិសេសនៅក្នុងពាក់កណ្ដាលម៉ោងដំបូង។

ការលើកពានឆ្នាំនេះ នឹងធ្វើឲ្យក្រុម វ៉ាឡង់ស៍ ឈ្នះពានក្នុងក្របខណ្ឌ «Copa del Rey» សរុបចំនួន៨ដងហើយ នៅក្នុងប្រវត្តិសាស្ត្ររបស់ក្រុម។ ខណៈក្រុម បាសា នៅរក្សាតួលេខ នៃការលើកពានមួយនេះ ខ្ពស់ជាងគេបង្អស់ (៣០ដង) បើប្រៀបធៀបនឹងក្រុមបាល់ទាត់ដទៃទៀត នៅប្រទេសអេស្ប៉ាញ។ 

មិត្តរួមក្រុមរបស់កីឡាករ លីយ៉ូនែល ម៉េស៊ី (Lionel Messi) បានលើកពានមួយនេះ បួនរដូវកាលជាប់គ្នា រវាងពីឆ្នាំ ២០១៥-២០១៨ ស្មើគ្នានឹងក្រុម រៀលម៉ាឌ្រីដ (Real Madrid – អេស្ប៉ាញ) ដែលលើកពាននេះ បួនរដូវកាលជាប់គ្នា រវាងពីឆ្នាំ ១៩០៥-១៩០៨ និងក្រុម អាត្លេទីក ប៊ីបាវ (Athletic Bilbao – អេស្ប៉ាញ) ដែលលើកពានដដែល បួនរដូវកាលជាប់គ្នាដែរ រវាងពីឆ្នាំ១៩៣០-១៩៣៣។

អ្នករកគ្រាប់បាល់បាន ក្នុងការប្រកួតផ្ដាច់ព្រ័ត្រ ឆ្នាំ២០១៩ កាលពីយប់ថ្ងៃសៅរ៍នេះ៖ ក្រុម វ៉ាឡង់ស៍ មានកីឡាករ «Kevin Gameiro» នៅនាទីទី២១ និងកីឡាករ «Rodrigo» នៅនាទីទី៣៣ ខណៈក្រុមបាសាឡូន មានកីឡាករ លីយ៉ូនែល ម៉េស៊ី នៅនាទីទី៧៣៕



លំអិតបន្ថែមទៀត

កីឡា និងបច្ចេកវិទ្យា

[ផ្លូវការ] លីយ៉ូនែល ម៉េស៊ី ក្លាយជាកីឡាករ​របស់ក្រុម ប៉ារីស

ម្ចាស់បាល់មាស៦ជំនាន់ កីឡាករ លីយ៉ូនែល ម៉េស៊ី (Lionel Messi) បាន«ក្លាយជាកីឡាករ​របស់ក្រុម ប៉ារីស ជា​ផ្លូវការ»​ហើយ។ នេះបើតាមសេចក្ដី​ប្រកាស​ព័ត៌មានរបស់ក្រុមបាល់ទាត់យក្ស របស់ប្រទេសបារាំង ដែលចេញផ្សាយ​ឲ្យដឹង នៅមុននេះប៉ុន្មាននាទី។ ...
កីឡា និងបច្ចេកវិទ្យា

ក្រុម«អ្នកមានបុណ្យ»​លត់​តោបារាំង​៥-១ ដើរឆ្លង​ឡើងទៅ​១ភាគ៤

មិនមានអ្វីចម្លែកទេ ក្រុមលីយ៉ុង (Olympic Lyonnais – បារាំង) មិនអាចទប់ទល់ នឹងខ្សែប្រយុទ្ធដ៏ខ្លាំងក្លា របស់ក្រុម«អ្នកមានបុណ្យ»បាសឺឡូន (Fc Barcelona – អេស្ប៉ាញ) ...
កីឡាករ លីយ៉ូនែល ម៉េស៊ី ជាមួយបាល់មាសទាំង៦របស់ខ្លួន។ (រូបថតលើទ្វីសធើរ)
កីឡា និងបច្ចេកវិទ្យា

លីយ៉ូនែល ម៉េស៊ី ឈ្នះ​«បាល់មាស»​ជាលើក​ទី៦

បន្ទាប់ពីបានឈ្នះ ពាន់រង្វាន់«បាល់មាស»​ ប្រចាំឆ្នាំ២០០៩, ២០១០, ២០១១, ២០១២, និងឆ្នាំ២០១៥រួច កីឡាករ លីយ៉ូនែល ម៉េស៊ី (Lionel Messi) បានឈ្នះពានរង្វាន់នេះ ...

យល់ស៊ីជម្រៅផ្នែក កីឡា និងបច្ចេកវិទ្យា

កីឡា និងបច្ចេកវិទ្យា

អឹមបាពេ ប្រកាសជាផ្លូវការ ចាកចេញពីក្រុម ប៉ារីស

កីឡា និងបច្ចេកវិទ្យា

ថើបមាត់ ៖ ក្រុមកីឡាការិនី​ផ្អាកលេង​​បើប្រធានសហព័ន្ធ​មិនលាឈប់

រឿងអាស្រូវកើតចេញពី «ការចាប់ឱប-ថើបមាត់» របស់លោក Luis Rubiales ប្រធានសហព័ន្ធបាល់ទាត់អេស្ប៉ាញ កំពុងបន្តភាគទៅមុខ ដោយសារមេដឹកនាំរូបនេះ បដិសេធមិនលាឈប់ពីតំណែងរបស់ខ្លួន។ នោះគឺដល់វេនក្រុមកីឡាការិនី របស់ក្រុមជម្រើសជាតិអេស្ប៉ាញ ដែលបានប្រកាសផ្អាកលេង ឲ្យក្រុមជម្រើសជាតិ ...
កីឡា និងបច្ចេកវិទ្យា

FIFA ប្រកាសបើក​«នីតិវិធីវិន័យ»​ប្រឆាំងប្រធានសហព័ន្ធ​អេស្ប៉ាញ

សហព័ន្ធបាល់ទាត់អន្តរជាតិ «FIFA» បានប្រកាសបើក«នីតិវិធីវិន័យ»​ទៅលើលោក Luis Rubiales ប្រធានសហព័ន្ធបាល់ទាត់អេស្ប៉ាញ ជុំវិញការចាប់ឱប-ថើបមាត់​កីឡាការិនី Jennifer Hermoso ខ្សែប្រយុទ្ធរបស់ក្រុមជម្រើសជាតិអេស្ប៉ាញ ផ្នែកស្ត្រី បន្ទាប់ពីក្រុមកីឡាការិនីទាំងនេះ បានប្រកួតឈ្នះក្រុមអង់គ្លេស ...

Comments are closed.