កីឡា និងបច្ចេកវិទ្យាបាល់ទាត់

សារព័ត៌មាន​អ៊ីតាលី លត់​ក្រុម​សេះបង្កង់ ក្រោយ​ប្រកួត​ចាញ់ លីយ៉ុង

CHAMPIONS LEAGUE 2020៖ មួយថ្ងៃក្រោយប្រកួតចាញ់ ក្រុម លីយ៉ុង (Olympique Lyonais – បារាំង) ដោយពិន្ទុ ១-០ សារព័ត៌មានក្នុងប្រទេសអ៊ីតាលី បានចុះផ្សាយអត្ថបទ រិះគន់ក្រុម ជូវេនទូស ហៅសេះបង្កង់ (Juventus Turin – អ៊ីតាលី) យ៉ាងព្រោងព្រាត និងយ៉ាងចាស់ដៃ។

នៅទំព័រមុខ របស់សារព័ត៌មាន «Tuttosport» ដែលគេស្គាល់ថា មានទំនោរមកក្រុម សេះបង្កន់ បានចេះផ្សាយថា «នេះ មិនមែនជាក្រុម ជូវេនទូស ទេ»។ កាសែតតំបន់ ជំនាញខាងកីឡា មួយនេះ បានស្រង់លទ្ធផល របស់ក្រុមបាល់ទាត់ខាងលើ ដែលជាប់ជាជើងឯក របស់ប្រទេសអ៊ីតាលី កាលពីឆ្នាំមុន មកពន្យល់ថា រាប់ពីដើមឆ្នាំនេះមក ក្រុមសេះបង្កង់ បានទាត់ចាញ់ ៣ដង និងស្មើ១ដង នៅគ្រប់ក្របខណ្ឌទាំងអស់ ដែលមានតែ៧ការប្រកួត។

សារព័ត៌មានបានបញ្ជាក់ថា តុល្យភាពនេះ ខុសឆ្ងាយ ពីលទ្ធផលក្នុងឆ្នាំមុនៗ ដែលក្រុមនេះ តែងទទួលបាន។

ក្រុម សេះបង្កង់អ៊ីតាលី ដែលគេជឿថា ជាបេក្ខជនមួយ ដែលអាចលើកពានជើងឯកអ៊ឺរ៉ុប ឆ្នាំនេះបាន បានទាត់ចាញ់ក្រុម តោបារាំង ក្នុងការប្រកួត១ភាគ៨ផ្ដាច់ព្រ័ត្រ ក្របខណ្ឌ «Champions League» កាលពីយប់ថ្ងៃពុធ ទី២៦ ខែកុម្ភៈ ក្នុងកីឡដ្ឋាន «Groupama Stadium» ភាគខាងត្បូង ប្រទេសបារាំង។

ចំណែកកាសែតកីឡាមួយទៀត ឈ្មោះ «Gazzetta dello Sport» បានដាក់ចំណងជើង «នៅឯណាទៅ ក្រុម ជូវេនទូស?» ហើយសរសេររិះគន់ក្រុមនេះថា បានបញ្ចេញថ្វីជើង «ដ៏តិចតួច» និង«រយីករយាក» តាមរយៈកីឡាករខ្សែបម្រើ បីនាក់ «Bentancur – Pjanic – Rabiot»។

សារព័ត៌មាននេះ សរសេរថា៖

«ហេតុដូចម្ដេច បានជាក្នុងរយៈពេល ៩០នាទីជាងនេះ ក្រុម ជូវេនទូស (ដែលជាប់ជាជើងឯកអ៊ីតាលី) រកគ្រាប់បាល់ ដែលទាត់ឲ្យចំទីក្រុម លីយ៉ុង (ដែលជាប់នៅលេខ៧ នៃក្របខណ្ឌ Ligue 1) មិនបាន សូម្បីតែមួយគ្រាប់សោះអញ្ចឹង?»

«ជាបរាជ័យ ដែលមិនអាចទាយទុកជាមុន និងគួរឱ្យខ្លាច៕»



លំអិតបន្ថែមទៀត

កីឡា និងបច្ចេកវិទ្យា

ក្រុម​អ្នក​មានបុណ្យ ឈានជើង​មួយចំហៀង​ឡើង​ដល់​​វគ្គ​ផ្ដាច់ព្រ័ត្រ

តាមពិតទៅ ក្រុម​អ្នក​មានបុណ្យ ឬក្រុមបាសឺឡូន (Barcelona FC – អេស្ប៉ាញ) មិនសូវ​មាន​សាច់បាល់ ក្នុងការគ្របទៅលើគូប្រកួតទេ តែក្រុមអ្នកមានបុណ្យមួយនេះ បាន​ឈាន​ជើងមួយចំហៀង រួចជាស្រេច ទៅវគ្គផ្ដាច់ព្រ័ត្រ ...
កីឡា និងបច្ចេកវិទ្យា

Champions League ៖ លីយ៉ុង-បាសឺឡូន រកមួយគ្រាប់គ្មាន

បន្ទាប់ពីមិនបានឆ្លងវគ្គ សម្រាប់ក្របខណ្ឌ​ដណ្ដើមជើងឯកអ៊ឺរ៉ុប «Champions League» អស់រយៈពេល​ជាច្រើនឆ្នាំ​កន្លងមក ក្រុមតោបារាំង លីយ៉ុង (Olympique Lyonnais – បារាំង) បានឡើងមកប្រកួត ក្នុងវគ្គ១ភគ៨ផ្ដាច់ព្រ័ត្រ ...
កីឡា និងបច្ចេកវិទ្យា

Champions League៖ ក្រុម​ខ្លាំងៗ​បះ​គ្នា ក្នុង​វគ្គ១ភាគ៨

ក្របខណ្ឌដណ្ដើមពានអ៊ឺរ៉ុប (Champions League) ៖ ការចាប់ឆ្នោត សម្រាប់រកដៃគូប្រកួត គ្នុងវគ្គ១ភាគ៨ផ្ដាច់ព្រ័ត្រ (ឬវគ្គ១៦ក្រុម) ក្នុងថ្ងៃចន្ទទី១៧ ខែធ្នូ ឆ្នាំ២០១៨នេះ នាក្រុង «Nyon» ...

យល់ស៊ីជម្រៅផ្នែក កីឡា និងបច្ចេកវិទ្យា

កីឡា និងបច្ចេកវិទ្យា

អឹមបាពេ ប្រកាសជាផ្លូវការ ចាកចេញពីក្រុម ប៉ារីស

កីឡា និងបច្ចេកវិទ្យា

ថើបមាត់ ៖ ក្រុមកីឡាការិនី​ផ្អាកលេង​​បើប្រធានសហព័ន្ធ​មិនលាឈប់

រឿងអាស្រូវកើតចេញពី «ការចាប់ឱប-ថើបមាត់» របស់លោក Luis Rubiales ប្រធានសហព័ន្ធបាល់ទាត់អេស្ប៉ាញ កំពុងបន្តភាគទៅមុខ ដោយសារមេដឹកនាំរូបនេះ បដិសេធមិនលាឈប់ពីតំណែងរបស់ខ្លួន។ នោះគឺដល់វេនក្រុមកីឡាការិនី របស់ក្រុមជម្រើសជាតិអេស្ប៉ាញ ដែលបានប្រកាសផ្អាកលេង ឲ្យក្រុមជម្រើសជាតិ ...
កីឡា និងបច្ចេកវិទ្យា

FIFA ប្រកាសបើក​«នីតិវិធីវិន័យ»​ប្រឆាំងប្រធានសហព័ន្ធ​អេស្ប៉ាញ

សហព័ន្ធបាល់ទាត់អន្តរជាតិ «FIFA» បានប្រកាសបើក«នីតិវិធីវិន័យ»​ទៅលើលោក Luis Rubiales ប្រធានសហព័ន្ធបាល់ទាត់អេស្ប៉ាញ ជុំវិញការចាប់ឱប-ថើបមាត់​កីឡាការិនី Jennifer Hermoso ខ្សែប្រយុទ្ធរបស់ក្រុមជម្រើសជាតិអេស្ប៉ាញ ផ្នែកស្ត្រី បន្ទាប់ពីក្រុមកីឡាការិនីទាំងនេះ បានប្រកួតឈ្នះក្រុមអង់គ្លេស ...

Comments are closed.