ដំណឹងអាស៊ី-ប៉ាស៊ីភិក

បោះឆ្នោត​ថៃ៖ អាមេរិក​សាទរ​«សញ្ញាវិជ្ជមាន»​នៃ​ដំណើរការ​ប្រជាធិបតេយ្យ

សហរដ្ឋអាមេរិកបានសំដែងការសាទររបស់ខ្លួន នៅថ្ងៃអង្គារនេះ ចំពោះការបោះឆ្នោតជាតិ នៅក្នុងប្រទេសថៃ ថាជា«សញ្ញាវិជ្ជមាន» ដើម្បីការវិលត្រឡប់ ទៅរករដ្ឋាភិបាលមួយ តាមបែបប្រជាធិបតេយ្យវិញ។ យ៉ាងណា ក្រុមគណបក្សប្រឆាំង បានលើកឡើងថា ការបោះឆ្នោតកាលពីថ្ងៃអាទិត្យ មានជាប់ដិតដាម ដោយភាពមិនប្រក្រតីជាច្រើន។

លទ្ធផលបណ្ដោះអាសន្ន ដែលចេញផ្សាយនៅថ្ងៃចន្ទ បង្ហាញថា ក្រុមយោធាថៃទំនងជានៅតែបន្តអំណាច ក្នុងការគ្រប់គ្រង ព្រះរាជាណាចក្រមួយនេះ ដោយសារតែខ្លួនបានត្រៀម​ទុកជាមុន នូវការតែងតាំងសមាជិកព្រឹទ្ធសភា ជាច្រើនរយណាស់ (២៥០នាក់ចេញពីកងទ័ព) ដើម្បីមានសិទ្ធិ ក្នុងការជ្រើសរើសរដ្ឋាភិបាលដែរនោះ។

ប៉ុន្តែគណបក្សជួយថៃ (Pheu Thai Party) ដែលទទួលបានសម្លេងតិច តែគណនាបានអសនៈ ក្នុងរដ្ឋសភាច្រើនជាងនោះ បានអះអាងពីសិទ្ធិ ក្នុងការរៀបចំរដ្ឋាភិបាល របស់ខ្លួនដូចគ្នា។

លោក ថាក់ស៊ីន ស៊ីណាវ៉ាត្រា (Thaksin Shinawatra) ដែលត្រូវបានក្រុមយោធា ធ្វើរដ្ឋប្រហារ បណ្ដេញចេញពីអំណាច កាលពីឆ្នាំ២០០៦ បានប្រកាសកាលពីថ្ងៃចន្ទ​ម្សិលម៉ិញ តាមសារព័ត៌មាន «The New York Time» បរិហារការបោះឆ្នោតមួយនេះ ថាជាការបោះឆ្នោត «ក្លែងក្លាយ»។

សម្រាប់សហរដ្ឋអាមេរិក ចាត់ទុកការបោះឆ្នោតមួយនេះ ថាជា«សញ្ញាវិជ្ជមាន» ដោយសារ មានការផ្សព្វផ្សាយយ៉ាងរឹងមាំ ស្ដីពីដំណើរការបោះឆ្នោត និងការជជែកវែកញែក យ៉ាងទូលំទូលាយ។ លោក «Robert Palladino» អ្នកនាំពាក្យក្រសួងការបរទេសអាមេរិក បានថ្លែងឡើងថា៖

«ការបោះឆ្នោត ដែលរួមមាន ទាំងការផ្សព្វផ្សាយ​យ៉ាងរឹងមាំ ស្ដីពីដំណើរការ​បោះឆ្នោត និងការជជែកវែកញែក យ៉ាងទូលំទូលាយ ជាសញ្ញាវិជ្ជមាន សម្រាប់ការវិលត្រឡប់ ទៅរករដ្ឋាភិបាលមួយ តាមបែបប្រជាធិបតេយ្យវិញ ដែលឆ្លុះបញ្ចាំង ពីឆន្ទះពលរដ្ឋ។»

«យើងគាំទ្រប្រជាជនថៃ នៅក្នុងការអំពាវនាវរបស់ពួកគេ ឲ្យមានការប្រកាសលទ្ធផលឆ្នោតទាំងអស់ ក្នុងពេលដ៏ឆាប់រហ័ស និងបើកឲ្យមានការស៊ើបអង្កេត ប្រកបដោយយុត្តិធម៌ និងតម្លាភាព ទៅលើភាពមិនប្រក្រតីនីមួយៗ ដែលត្រូវបាន​លើកឡើង។»

មន្ត្រីអ្នកនាំពាក្យដដែល បានបញ្ជាក់ថា សហរដ្ឋអាមេរិកមានបំណង នឹងធ្វើការជាមួយរដ្ឋាភិបាលថ្មី ដែលចេញពីការបោះឆ្នោត ហើយមិនគាំទ្រជាលក្ខណៈបុគ្គល នូវបេក្ខជន ឬគណបក្សណាមួយឡើយ។ លោកបន្តថា សហរដ្ឋអាមេរិកគាំទ្រ តែ«ដំណើរការប្រជាធិបតេយ្យ»ប៉ុណ្ណោះ៕



You may also like

កម្ពុជា

ក្រុងភ្នំពេញ​រំលឹក​ស្ថានទូត​អាមេរិក បន្ទាប់ពី​បង្ហោះសារ​ថា កឹម សុខា ស្អាតស្អំ

ការបង្ហោះសារថា «លោក កឹម សុខា ស្អាតស្អំ» នៅលើទំព័រហ្វេសប៊ុកផ្លូវការ របស់ស្ថានទូតសហរដ្ឋអាមេរិក កាលពីល្ងាចម្សិលម៉ិញ បានបង្កឲ្យក្រសួងការបរទេស របស់របបដឹកនាំក្រុងភ្នំពេញ ចេញមុខធ្វើប្រតិកម្មនៅថ្ងៃនេះ ដោយហៅការបង្ហោះនោះ ថាជា«ទង្វើក្នុងទិសដៅលំអៀង» ...
ដំណឹង

ត្រាំ រំលើកថា​បាន​លប់ចោល​ការវាយប្រហារ អៀរ៉ង់ ដើម្បី​កុំឱ្យ​ស្លាប់​មនុស្ស

ប្រធានាធិបតីអាមេរិក លោក ដូណាល់ ត្រាំ (Donald Trump) បានអះអាងនៅថ្ងៃសុក្រនេះថា លោកមិនជាប្រញាប់ប្រញាល់ណាស់ណា ក្នុងការឆ្លើយតប ដោយកម្លាំងយោធា តបនឹងប្រទេស អៀរ៉ង់ នោះឡើយ។ ...
ដំណឹង

បោះឆ្នោត​ជាតិ​ថៃ៖ គណបក្ស​«ស្និតយោធា»​កំពុងនាំមុខ

បណ្ដាជនថៃម្ចាស់ឆ្នោត ប្រមាណ ៧,៣លាននាក់ ពីក្នុងចំណោមអ្នកចេញទៅបោះឆ្នោត ប្រមាណជាង៥០លាននាក់ ក្នុងថ្ងៃអាទិត្យនេះ បានបោះឆ្នោត​គាំទ្រគណបក្ស «អំណាចរដ្ឋ» (Palang Pracharat Party) ដែលមាននិន្នាការ«ស្និតយោធា»។ នេះបើតាមតួលេខ ...

Comments are closed.

ដំណឹង

សង្គ្រាមនៅអ៊ុយក្រែន ៖ អាមេរិកផ្ដល់ភ្លើងខៀវបញ្ជូនយន្តហោះ«F-16»

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

អ្នកជំនាញមួយក្រុមរបស់អង្គការសហប្រជាជាតិ បានអំពាវនាវទៅ​របបដឹកនាំរបស់លោក ហ៊ុន សែន ឲ្យដោះលែងអ្នកស្រី សេង ធារី មេធាវីខ្មែរអាមេរិកាំង ដែលគេស្គាល់ក្នុងពេលកន្លងមក ថាជា«ស្ត្រីសេរីភាព» តាមរយៈសម្លៀកបំពាក់តែងខ្លួនសម្ដែងមតិរបស់អ្នកស្រី នៅខាងមុខសាលាដំបូងរាជធានីភ្នំពេញ។ ក្រុមអ្នកជំនាញប្រឆាំងការឃុំឃាំងតាមទំនើងចិត្ត ...
កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...