ដំណឹងបារាំង

បារាំង​មានករណី​ឆ្លង​មេរោគ​«កូរូណា»​កើនដល់​៣៨នាក់ និងស្លាប់​ពីរនាក់

ការរីករាលដាល ក្នុងប្រទេសបារាំង នៃជំងឺរលាកផ្លូវដកដង្ហើម តាមរយៈមេរោគ​«កូរូណា»​ថ្មី ហៅថា «Covid-19» បានកើនឡើងទ្វេដង ក្នុងរយៈពេល តែមួយថ្ងៃម្សិលម៉ិញ។

តុល្យភាពក្នុងយប់ថ្ងៃព្រហស្បត្តិ ដែលប្រព័ន្ធផ្សព្វផ្សាយទទួលបាន បានឲ្យដឹងថា ករណីឆ្លងមេរោគខាងលើ បានកើនឡើង ដល់៣៨នាក់ ខណៈករណីឆ្លង មានត្រឹមតែ១៨នាក់ប៉ុណ្ណោះ កាលពីយប់ថ្ងៃពុធ។

ក្រសួងសុខាភិបាលបារាំង បានអះអាងថា ថា តួលេខនេះអាចនឹងកើនឡើងទៀត ក្នុងប៉ុន្មានម៉ោងខាងមុខ។

ក្រសួងបានបញ្ជាក់ថា ពីក្នុងចំណោមអ្នកជំងឺ ទាំង៣៨នាក់ខាងលើ មាន១២នាក់ ត្រូវបានព្យាបាលជាសះស្បើយ ខណៈ១២នាក់ ពីក្នុងតំបន់«Oise» ខាងជើងរដ្ឋធានីប៉ារីស និងបួននាក់ទៀត ពីក្នុងតំបន់ «Haute-Savoie» ភាគខាងត្បូងបារាំង ទើបនឹងរកឃើញ ថាបានឆ្លងជំងឺ។

តួលេខខាងលើ បានបង្កភាពព្រឺព្រួចបន្ថែមទៀត បន្ទាប់ពីអ្នកជំងឺពីរនាក់ បានស្លាប់ ពីក្នុងចំណោមករណីឆ្លង ទាំងនេះ។ អ្នកជំងឺទាំងពីរ សុទ្ធតែរស់នៅក្នុងតំបន់ «Oise» ដូចគ្នា ម្នាក់អាយុ៦០ឆ្នាំ ជាសាស្ត្រាចារ្យផ្នែកបច្ចេកវិទ្យា និងម្នាក់ទៀតអាយុ៥៥ឆ្នាំ ជាបុគ្គលិកស៊ីវិល នៃមូលដ្ឋានយោធា ក្នុងតំបន់នោះ។

អាជ្ញាធរសុខាភិបាលបារាំង បានព្រមានឡើងថា បើទោះជាអាជ្ញាធរ នៅមិនទាន់អាចបំភ្លឺ ពីករណីឆ្លងមួយចំនួនក៏ដោយ ក៏ប្រទេសបារាំងនាពេលនេះ មានស្ថានភាពប្រហាក់ប្រហែល នឹងស្ថានភាពដំបូង ក្នុងប្រទេសអ៊ីតាលី នៅពេលដែលប្រទេសនេះ ទើបនឹងឆ្លងចូល នូវមេរោគដ៏ប្រល័យនេះដែរ៕



លំអិតបន្ថែមទៀត

កម្ពុជា

EU នឹង​មិនផ្អាក​ការសម្រេច​របស់ខ្លួន ក្នុង​ការព្យួរ​«EBA»​ពីកម្ពុជា​ឡើយ

គ្មានទេ! គ្មានការឆ្លើយតប ជាវិជ្ជមានឡើយ ពីសំណាក់សហភាពអ៊ឺរ៉ុប (EU) ចំពោះ​សំណើរ​​​របស់​​ក្រុម​​សហគ្រិនកម្ពុជា ដែលចង់ឲ្យសហភាព​អ៊ឺរ៉ុបយោគយល់ ដោយផ្អាក ឬពន្យាពេល​​ការសម្រេចព្យួរ ប្រព័ន្ធអនុគ្រោះពន្ធ ហៅថា «EBA» ពីប្រទេសកម្ពុជា ...
ដំណឹង

ផ្ទុះ​កញ្ចប់​ផ្លុងចោល​មួយ ក្នុង​ក្រុង​លីយ៉ុង ខាងត្បូង​បារាំង របួស​៨នាក់

ការផ្ទុះមួយ បានកើតឡើងនៅល្ងាចថ្ងៃសុក្រនេះ ក្នុង​ក្រុង​លីយ៉ុង (Lyon) ភាគខាងត្បូងបារាំង នៅលើដងផ្លូវសម្រាប់អ្នកថ្មើរជើង (សង្កាត់លេង២)។ តុល្យភាព ដែលផ្ដល់ដោយស្នងការដ្ឋាននគរបាលតំបន់ បានអះអាងថា មនុស្ស៨នាក់បានរងរបួសស្រាល និងភាគច្រើនពីក្នុងចំណោមនោះ បានរងរបួសនៅនឹងជើង។ ...
ដំណឹង

Covid-19៖ កូរ៉េខាងជើង មាន​ករណីឆ្លង… ០នាក់!

០នាក់ គ្មានសូម្បីតែម្នាក់ ! គ្មានអ្នកឆ្លងជំងឺ «Covid-19» នៅក្នុងប្រទេសកូរ៉េខាងជើងទេ រាប់ចាប់តាំងពីជំងឺនេះ បានរាតត្បាតពិភពលោក នៅចុងឆ្នាំ២០១៩នេះមក។ នេះ ជាតួលេខ ដែលផ្ដល់ដោយរបបកូរ៉េកុម្មុយនីស្ដិ៍ ហើយត្រូវបានអះអាងបន្ថែម ...

យល់ស៊ីជម្រៅផ្នែក ដំណឹង

ដំណឹង

សង្គ្រាមនៅអ៊ុយក្រែន ៖ អាមេរិកផ្ដល់ភ្លើងខៀវបញ្ជូនយន្តហោះ«F-16»

កម្ពុជា

ក្រុមការងារ អ.ស.ប អំពាវនាវ​ឲ្យកម្ពុជា​ដោះលែង​«ស្ត្រីសេរីភាព»​ជាបន្ទាន់

អ្នកជំនាញមួយក្រុមរបស់អង្គការសហប្រជាជាតិ បានអំពាវនាវទៅ​របបដឹកនាំរបស់លោក ហ៊ុន សែន ឲ្យដោះលែងអ្នកស្រី សេង ធារី មេធាវីខ្មែរអាមេរិកាំង ដែលគេស្គាល់ក្នុងពេលកន្លងមក ថាជា«ស្ត្រីសេរីភាព» តាមរយៈសម្លៀកបំពាក់តែងខ្លួនសម្ដែងមតិរបស់អ្នកស្រី នៅខាងមុខសាលាដំបូងរាជធានីភ្នំពេញ។ ក្រុមអ្នកជំនាញប្រឆាំងការឃុំឃាំងតាមទំនើងចិត្ត ...
កម្ពុជា

សភាអ៊ឺរ៉ុបទាមទារ​ឲ្យបន្ថែម​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា

នៅមុននេះបន្តិច សភាអ៊ឺរ៉ុបទើបនឹងអនុម័តដំណោះស្រាយមួយ ជុំវិញស្ថានភាពនយោបាយ ការគោរព​លទ្ធិ​ប្រជាធិបតេយ្យ និងសិទ្ធិមនុស្ស នៅក្នុងប្រទេសកម្ពុជា ដោយទាមទារឲ្យគណៈកម្មអ៊ឺរ៉ុប គ្រោងដាក់​ទណ្ឌកម្ម លើសេដ្ឋកិច្ច​និងមេដឹកនាំកម្ពុជា បន្ថែមទៀត។ ដំណោះស្រាយ៧ចំណុច ដែលមានលេខ «P9_TA(2023)0085» ...

Comments are closed.