ប្រធានរាជបណ្ឌិត្យសភាកម្ពុជា លោក សុខ ទូច ដែលពីមុនមក ទទួលភាពល្បីល្បាញ នៅលើបណ្ដាញសង្គមថា សរសេរអក្សរមួយឃ្លា មានកំហុសអក្ខរាវិរុទ្ធ យ៉ាងហោចពីរពាក្យនោះ បានសរសេរនៅពេលនេះ នូវពាក្យដ៏ប្លែកមួយ គឺពាក្យ «អាម៉េរិក» ដែលជាពាក្យត្រឹមត្រូវ តាមវចនានុក្រមសម្ដេចសង្ឃ ជួន ណាត។
ពាក្យនេះ ជាទូទៅត្រូវបានសរសេរសម្រួល មកត្រឹមជា«អាមេរិក» ដោយអ្នកសរសេរបានបំបាត់ ឬភ្លេចសរសេរ នូវ« ៉» ពីលើ«ម»។ ការបំបាត់ចោល ឬការភ្លេចសរសេរនេះ ទំនងជា នៅក្នុងអក្សរសាស្ត្រខ្មែរ ខ្យល់«អ៊»ដែលសរសេរនៅក្រោយខ្យល់«អ» តែងត្រូវបញ្ចេញសម្លេង ជាខ្យល់«អ»ទាំងអស់។
តែនៅក្នុងការបង្ហោះ កាលពីថ្ងៃទី៣០ ខែមេសា ឆ្នាំ២០១៩ លោក សុខ ទូច បានសរសេរដូច្នេះថា៖
«កិច្ចពិភាក្សាតុមូល ស្ដីពីការឆ្លងឆ្លើយគ្នារវាង ស្ថានទូតសហរដ្ឋអាម៉េរិក និងស្ថានទូតចិន ប្រចាំកម្ពុជា។ សាលនាងនួន ថ្ងៃអង្គារ ១១រោច ខែចេត្រ ឆ្នាំកុរ ឯកស័ក ព.ស.២៥៦២ ត្រូវនឹងថ្ងៃទី៣០ ខែមេសា ឆ្នាំ២០១៩។»
នៅក្នុងវចនានុក្រុមសម្ដេចសង្ឃ មានពន្យល់ពាក្យ«អាម៉េរិក» ដូចតទៅ៖
«អាម៉េរិក ( ន. ) or អាម៉េរិគ ( បារ. )
ឈ្មោះមហាទ្វីបមួយ ក្នុងមនុស្សលោក នៅក្នុងចន្លោះលំហ នៃមហាសមុទ្រអត្លង់ទិគ និងមហាសមុទ្រប៉ាស៊ីហ្វិគ (រាប់ចូលក្នុងចំនួនមហាទ្វីបទាំង ៥) : ភូមិភាគនៃទ្វីបអាម៉េរិគ ចែកក្នុងភូមិសាស្រ្តជា៣ ភាគគឺ អាម៉េរិគខាងជើង, អាម៉េរិគកណ្តាល, អាម៉េរិគខាងត្បូង ។ ជាតិមនុស្សអ្នកមានពូជកំណើត នៅក្នុងទ្វីបអាម៉េរិគនោះ, បុរសហៅ អាម៉េរិក័ង ឬ អាម៉េរិក័ន (បារ. Américain, អ. អាម៉េរិក័ន American), ស្ត្រីហៅ អាម៉េរិកែន (បារ. Américaine); ខ្មែរច្រើនហៅ អាម៉េរិក័ង ឬ អាម៉េរិក័ន ទាំងបុរសទាំងស្ត្រី : ប្រុសអាម៉េរិក័ង, ស្រីអាម៉េរិក័ង។»
យ៉ាងណា សំណេរត្រឹមត្រូវរបស់លោក សុខ ទូច ទទួលប្រតិកម្មពីមេដឹកនាំប្រឆាំង លោក អេង ឆៃអ៊ាង ឲ្យលើកឡើងថា លោក សុខ ទូច គួរសរសេរពាក្យ«យួន» ដែលមាននៅក្នុងវចនានុក្រមសម្ដេចសង្ឃ ឲ្យដូចគ្នាផង៕
ពាក្យ«អាម៉េរិក» ត្រូវបានលោក សុខ ទូច យកមកប្រើជាផ្លូវការ ។ ជាមួយគ្នា ខ្ញុំស្នើសុំ លោក សុខ ទូច យកពាក្យ«យួន»…
Publiée par Eng Chhai Eang sur Mercredi 1 mai 2019
មុននឹងរិះគន់គេត្រូវពិនិត្យឲ្យបានគ្រប់ជ្រុងជ្រោយសិន បើមិនដូច្នេះទេ អ្នកនឹងក្លាយជាគោលដៅនៃការរិះគន់ត្រលប់ឬវាយប្រហារមិនខានទេ
Publiée par Migy C. No sur Mardi 30 avril 2019