ហ្វូង«ឪម៉ាល់អាស៊ី»ជាច្រើនសិប ត្រូវបានប្រទះឃើញ កាលពីពេលថ្មីៗនេះ នៅក្នុងរដ្ឋវ៉ាស៊ិនតោន (Washington) សហរដ្ឋអាមេរិក។
បើតាមអ្នកស្រាវជ្រាវ បានឲ្យដឹងថា សត្វឪម៉ាល់ទាំងនេះ ដែលមានប្រភពពីអាស៊ី អាចមកដល់សហរដ្ឋអាមេរិក តាមរយៈនាវាដឹកទំនិញទាំងឡាយ។
ហ្វូងសត្វឪម៉ាល់ដែលគេប្រទះឃើញនោះ មានមាឌធំជាងសត្វឪម៉ាល់ធម្មតា។ ប្រវែងបណ្ដោយ ពីក្បាល ដល់ចុងទ្រនិករបស់វា អាចមានប្រវែងប្រមាណជា ៤,៥សង់ទីម៉ែត្រ។
អ្វីដែលជាការព្រួយបារម្ភខ្លាំង សម្រាប់បណ្ដាជននៅអាមេរិក គឺសត្វ«ឪម៉ាល់»ខាងលើ អាចទិកសម្លាប់មនុស្សបាន ដោយសារទ្រនិករបស់វា មានជាតិពិសខ្លាំង (ខ្លាំងជាងសត្វឃ្មុំធម្មតា ដល់ទៅ៧ដង)។ តួលេខ ដែលប្រកាសដោយប្រទេសជប៉ុន បានអះអាងថា ពលរដ្ឋជប៉ុន៥០នាក់ ក្នុងមួយឆ្នាំៗ បានស្លាប់ ដោយសារសត្វប្រភេទនេះទិច។
មកទល់នឹងថ្ងៃនេះ គេបានឃើញសត្វខាងលើ មានវត្តមានជាច្រើនហ្វូង នៅក្នុងរដ្ឋវ៉ាស៊ីនតោន (ភាគខាងលិច ឆៀងខាងជើង) ហើយអ្នកវិទ្យាសាស្ត្រ កំពុងតាមស្វែងរក «ស្ដេចស្រី» ឬ«មេ»របសា់វា ដើម្បីបំបាត់សត្វនេះ ពីទឹកដីអាមេរិក៕
វីដេអូបង្ហាញពីសត្វឪម៉ាល់ នៅក្នុងប្រទេសជប៉ុន (ដោយ National Geographic)៖