បន្ទាប់ពីខកខាន លែងបានហាត់ប្រាណ អស់រយៈពេលជាច្រើនសប្ដាហ៍ លោកនាយករដ្ឋមន្ត្រី ហ៊ុន សែន បានធ្វើការហាត់ប្រាណនេះឡើងវិញ នៅថ្ងៃនេះ និងបានឆ្លៀតផ្ញើរសារ ទៅកាន់គូប្រកួតរបស់លោក ឲ្យ«ហ្វឹកហាត់ឲ្យស្ទាត់» ដើម្បីកុំឲ្យ«ចាញ់ដូចមុនៗ»។
ការផ្ញើរសារនោះ ទំនងជាលោកនាយករដ្ឋមន្ត្រី ថ្លែងទៅកាន់ដៃគូ លេងកីឡាកូនគោល ជាមួយនឹងរូបលោក។ ជាមួយនឹងរូបថតច្រើនសន្លឹក បង្ហោះនៅលើបណ្ដាញសង្គម បុរសខ្លាំងកម្ពុជាដែលអង្គុយ នៅក្នុងអំណាច តាំងពី៣៥ឆ្នាំមក បានសរសេរឲ្យដឹងថា៖
«ថ្ងៃទីមួយ បានហាត់ប្រាណឡើងវិញ បន្ទាប់ពី៧០ថ្ងៃ មិនបានហាត់ ដោយសារគ្រេចស្មា។ រត់លើម៉ាសុីន៣០នាទី ធាក់កង់៦៥នាទី ដុតកាលឡូរី៥៦០ បែកញើសគ្រប់គ្រាន់ល្មម។ កីឡាវាយកូនគោលរង់ចាំ រដូវប្រាំងងាយស្រួលលេង ជាងរដូវវស្សា។»
លោក ហ៊ុន សែន បានឆ្លៀតផ្ញើរសារ ទៅកាន់គូប្រកួតរបស់លោកថា៖
«ផ្តាំទៅគូរប្រកួត សូមឆ្លៀតហ្វឹកហាត់ ឱ្យស្ទាត់ជំនាញ កុំអោយចាញ់ ដូចមុនៗទៀត អាក្រក់មើលណាស់៕»
ថ្ងៃទីមួយបានហាត់ប្រាណឡើងវិញបន្ទាប់ពី៧០ថ្ងៃមិនបានហាត់ដោយសារគ្រេចស្មា។រត់លើម៉ាសុីន ៣០នាទីធាក់កង់៦៥នាទីដុតកាលឡូរី ៥៦០…
Posted by Samdech Hun Sen, Cambodian Prime Minister on Tuesday, September 17, 2019