រវាង «ឆ្កែអ៊ឺរ៉ុប» និង«ឆ្កែយួន»
ការកម្រើកមកវិញ នូវសំណុំរឿងអត្តឃាតដ៏ចម្លែក របស់អ្នកស្រី ចេវ សុវឌ្ឍនា ដែលទីបំផុត ត្រូវបានប្ដូរមកជា សំណុំរឿងឃាតកម្មវិញនោះ ក៏បានអង្រួនឲ្យផ្ទុះកម្ដៅឡើង រវាងលោក ហ៊ុន ម៉ាណែត កូនប្រុសច្បងនាយករដ្ឋមន្ត្រី និងក្រុមអ្នកប្រើប្រាស់ហ្វេសប៊ុក នៅក្នុងប្រទេសស៊ុយអែត និងណ័រវេសនោះដែរ។
ក្រុមអ្នកប្រើប្រាស់បណ្ដាញសង្គម ដែលគេស្គាល់ថា ជាលោក ប៉ាង សុខឿន (នៅលើហ្វេសប៊ុក ហៅខ្លួនឯងថា ខ្មែរ សុវណ្ណភូមិ) លោក ម៉ែន ណាត និងលោក ឆាំ ឆានី បានមើលឃើញ ពីភាពមិនប្រក្រតី នៃសំនុំរឿងឃាតកម្ម លើអ្នកស្រី ចេវ សុវឌ្ឍនា តាំងពីដំបូងទី និងបានស្វែងរកគ្រប់ចំណុចសង្ស័យ ដែលអាចបញ្ជាក់ថា ករណីនេះ មិនមែនជាជាការធ្វើអត្តឃាតទេ តែយ៉ាងហោចណាស់ វាជាករណីឃាតកម្ម ដ៏សាហាវព្រៃផ្សៃមួយ។
ប៉ុន្តែពួកគេខាងលើ ដែលមាននិន្នាការស្និត ទៅរកគណបក្សប្រឆាំង នៅបានរកឃើញ ពីតម្រុយជាច្រើនទៀត ដែលអាចយកមកបញ្ជក់បានបន្ថែមថា ករណីឃាតកម្មលើ ស្ត្រីរូបស្អាត ចេវ [...]
