Posts in ‘វិទ្យាសាស្ត្រ’ Category

ចិន​បង្ហោះ​ផ្កាយ​រណប ដើម្បី​«ឃ្លាំ​មើល​ឧស្ម័ន​កាបូនិក»

ចិន​បង្ហោះ​ផ្កាយ​រណប ដើម្បី​«ឃ្លាំ​មើល​ឧស្ម័ន​កាបូនិក»

កាលពីថ្ងៃព្រហស្បត្តិ៍នេះ ប្រទេសចិនបានបាញ់កាំជ្រួច ផ្កាយរណបដំបូង របស់ខ្លួន ដើម្បីឃ្លាំមើល ការ​បញ្ចេញ​សារជាតិ​ពុល ឬឧស្ម័នកាបូនិក ទៅក្នុង បរិយាកាស។ នេះ បើតាមការផ្សាយឲ្យដឹង របស់​សារព័ត៌មាន​ផ្លូវការ​ ឈ្មោះ​«ចិនថ្មី»។

សារព័ត៌មាន​បានបញ្ជាក់ថា ផ្កាយរណបដ៏ទំនើបរបស់ចិនមួយនេះ នឹងជួយត្រួតពិនិត្យមើល ទៅលើកម្រិត​កាត់​បន្ថយ នៃការបញ្ចេញសារជាតិពុល របស់ ប្រទេស ដទៃទៀត ថាពិតជាបានសមស្រប ដូចដែល​ប្រទេស​ទាំង​នោះ បានផ្ដល់សច្ចាប័នឬទេ។

ប្រទេសចិន ជាប្រទេសទីបី ដែលបានបាញ់កាំជ្រួចផ្កាយរណបប្រភេទនេះ ឡើងទៅក្នុងអាវកាស បន្ទាប់ពី​សហរដ្ឋ​អាមេរិក និងជប៉ុន។ ប៉ុន្តែចិន ជាប្រទេស ទីមួយ ដែលបញ្ចេញឧស្ម័នកាបូនិក មកក្នុង​បរិយាកាស​ច្រើន​ជាង​គេ ក្នុងពិភពលោក។

សារព័ត៌មានផ្លូវការ បានបញ្ជាក់ទៀតថា ផ្កាយរណបមួយនេះ ដែលមានឈ្មោះ «TanSat» ត្រូវបាន​បាញ់​ចេញ ពីមជ្ឈមណ្ឌលអាវកាស «Jiuquan» ដែលស្ថិតនៅកណ្ដាលវាលខ្សាច់ «Gobi» ភាគខាងជើង​នៃ​ប្រទេស​ចិន។ សារព័ត៌មានបានសរសេរថា៖ «កាំជ្រួច"TanSat" នឹងផ្ដល់សម្លេងដ៏ខ្លាំងមួយ មកឲ្យប្រទេសចិន នៅ​ក្នុង​ការ​ប្រឆាំង នឹង​ការ​ផ្លាស់​​ប្ដូ​អាកាសធាតុ ក្នុងនោះការ​កាត់បន្ថយ​ឧស្ម័នកាបូនិក និងនៅក្នុងការជជែកតវ៉ា ទាក់​ទង​នឹង​ការ​បញ្ចេញ​ជាតិ​ពុល មកក្នុងបរិយាកាស»។

ប្រទេសចិន និងអាមេរិក ដែលជាប្រទេស ដែលបញ្ចេញជាតិពុល មកក្នុងបរិយាកាសច្រើនជាងគេ នៅក្នុង​ពិភពលោក បានប្រកាសកាលពីខែកញ្ញា ពីការផ្ដល់សច្ចាប័នរបស់ផងខ្លួន នៅក្នុងកិច្ចព្រមព្រៀម នៃទីក្រុង​ប៉ារីស ស្ដីពីសីតុណ្ហភាព «COP21» ដែលត្រូវបានចុះហត្ថលេខា ដោយប្រទេសជាច្រើន កាលពីឆ្នាំ​២០១៥​ទៅ​ម៉ិញ ក្នុងរដ្ឋធានីប៉ារីស ប្រទេសបារាំង៕

មូលហេតុ​នៃ​បឹង​«បាត់​ខ្លួន» ដែល​តែង​បាត់​ខ្លួន​ជា​រៀង​រដូវ​ផ្កា​រីក

ការ​ចុះ​ចត​លើ​ផែនដី​«ជិត​បាន​សម្រេច» នៃ​កាំជ្រួច​ផ្កាយ​រណប

ផ្សែង​ហុយ​ដ៏​ធំ​នៅ​លើ​ភព​​ព្រះ​​អង្គារ បង្ក​ចម្ងល់​ដល់​អ្នក​វិទ្យាសាស្ត្រ

ផ្សែង​ហុយ​ដ៏​ធំ​នៅ​លើ​ភព​​ព្រះ​​អង្គារ បង្ក​ចម្ងល់​ដល់​អ្នក​វិទ្យាសាស្ត្រ

ក្នុងរយៈពេល១០ថ្ងៃ ក្រុមអ្នកអវកាសបានសង្កេតឃើញ ដុំ«ពពក»នេះ បានផ្លាស់ប្ដូររូបរាង និងទំហំរបស់វា។ ប៉ុន្មាន​សប្ដាហ៍បន្ទាប់មក ដុំ«ផ្សែង»ជាលើកទីពីរ បានពន្លេចខ្លួនឡើង ហើយវាមានរូបរាងដូចគ្នា ទៅនឹងដុំ​«ផ្សែង»​​លើកទីមួយដែរ។ ដុំផ្សែង ឬ«ពពក»នេះ បានហោះបណ្ដែតខ្លួន រហូតដល់ព្រំដែន ដែលខ័ណ្ឌចែក​រវាង​លំហ​អវកាស និងលំហព័ទ្ធជុំវិញភពព្រះអង្គារ ដែលមានចំងាយប្រមាណ ពី២០០ ទៅ២៥០គីឡូម៉ែត្រ។ អ្នកនឹង​ឃើញការវិវត្តប្ដូររូបរាងនេះ នៅក្នុងរូបថតខាងក្រោម។

ទិដ្ឋភាពដ៏ចម្លែកនេះ បានបង្កការងើងឆ្ងល់ដល់ក្រុមអ្នកវិទ្យាសាស្ត្រ រហូតជំរុញឲ្យពួកគេធ្វើការសិក្សា​ស្រាវជ្រាវ​ដោយម៉ត់ចត់ និងធ្វើសេចក្ដីសន្និដ្ឋាន ចុះផ្សាយនៅក្នុងទស្សនាវដ្ដីអ៊ឺរ៉ុបមួយ ឈ្មោះ Nature។ លោកសាស្ត្រាចារ្យ Agustin Sanchez-Lavega ដែលជាអ្នកចាត់ចែង ពីការស្រាវជ្រាវនេះ បានថ្លែងឡើងថា៖ «នៅកំពស់២៥០​គីឡូម៉ែត្រ ពីភពព្រះអង្គារ ការបែងចែករវាងលំហព័ទ្ធជុំវិញភព និងអវកាស មានសភាពស្តួចស្ដើង សឹងតែមើល​មិនឃើញផង។ ដូច្នេះករណីដុំពពកនេះ ជារឿងមួយដែលមិនអាចស្មានដល់។»

ភ្លាមៗ ដើម្បីពន្យល់ពីមូលហេតុ ដែលធ្វើឲ្យមានដុំពពកទាំងនេះ នៅលើភពព្រះអង្គារនោះ លោកសាស្ត្រាចារ្យ និងក្រុមសិក្សារបស់លោក បានបកស្រាយនូវពីរករណី៖ ទីមួយ ដុំពពកទាំងនេះ អាចជាការពពកចាំងផ្លាត ឬជា​ផ្សែង ដែលហុយចេញពីទឹកកក។ និងទីពីរ អាចជាស្រទាប់ទទួលពន្លឺថ្ងៃរះដំបូង នៅពេលព្រឹកព្រលឹម ដូចគ្នាទៅ​នឹងពេលព្រឹកព្រលឹម នៅលើផែនដីដែរ។

ប៉ុន្តែការពន្យល់នេះ បើសូម្បីតែលោកសាស្ត្រាចារ្យ និងក្រុមអ្នកសិក្សាខ្លួនឯង ក៏ពិបាកនឹងការទទួលយកដែរ។ ពួកគេបានបញ្ជាក់ទៀតថា សេចក្ដីសន្និដ្ឋានទាំងពីរខាងលើ មិនត្រូវជាមួយនឹងទិន្នន័យស្រាវជ្រាវ ដែលក្រុម​អ្នក​វិទ្យាសាស្ត្រមាន ក្នុងពេលបច្ចុប្បន្ន ពីភពព្រះអង្គារនោះទេ។ លោក Bruce Jakosky អវកាសជាតិអាមេរិកាំង​មួយ​រូប នៅក្នុងបេសកម្មរុករកភពព្រះអង្គារ បានថ្លែងថា៖ «និយាយឲ្យពិតទៅ ការបកស្រាយទាំងពីរនេះ ធ្វើឲ្យខ្ញុំមាន​អារម្មណ៍​ខ្វល់ខ្វាយណាស់។ ខ្ញុំមិនយល់ទេ ថាតើហេតុដូចម្ដេច បានជាហេតុការណ៍ ដុំពពកទាំងនេះ អាចកើត​ឡើង ក្នុងទំហំដ៏ធំ សម្រាប់រយៈពេលដ៏យូរមួយ និងនៅកំពស់ដ៏ខ្ពស់បែបនេះ?»៕

អ្នក​វិទ្យាសាស្ត្រ​ចោទ​ភេសមុទ្រ ថា​ចូល​ចិត្ត​«រំលោភ»​សត្វ​ប៉ាំងហ្គ័ង (vdo)