Posts in ‘កីឡាដទៃទៀត’ Category

«កែ ឡេង មិនមែន​ក្លាយ​ជា​ជើង​ឯក​ពិភពលោក​បី​ជំនាន់ ដោយ​ចៃដន្យ​ឡើយ»

«កែ ឡេង មិនមែន​ក្លាយ​ជា​ជើង​ឯក​ពិភពលោក​បី​ជំនាន់ ដោយ​ចៃដន្យ​ឡើយ»

«កែ ឡេង ពិតជាអស្ចារ្យណាស់ ហើយគាត់បានបង្ហាញថា គាត់មិនមែនជាជើងឯកពិភពលោក បីជំនាន់ ដោយចៃដន្យនោះឡើយ» នេះ ជាការថ្លែងឡើង របស់លោក អ៊ិន គិមស្រ៊ុន គ្រូបង្វឹក នឹងជាអ្នកដឹកនាំក្រុមកីឡាប៉េតង់កម្ពុជា បន្ទាប់ពីក្រុមកីឡាការិនីកម្ពុជា បានបំបាក់ក្រុមកីឡាការិនីបារាំង ដែលជាម្ចាស់ផ្ទះ ដើម្បីដណ្ដើមយកពានរង្វាន់ «L’Équipe» មកលើក ជាមួយនឹងមេដាយមាសផងនោះ។

ក្រុមកីឡាប៉េតង់កម្ពុជា ត្រូវបានអញ្ជើញឲ្យចូលរួម ក្នុងការព្រឹត្តិការណ៍ប្រកួតប៉េតង់អន្តរជាតិមួយនេះ ដែលមានឈ្មោះ «Le Trophée L’Équipe» និងដែលរៀបចំឡើង ដោយសារព័ត៌មាន និងទូរទស្សន៍កីឡាបារាំង ឈ្មោះ «L’Équipe»។ ក្រុមកីឡាករជម្រើសជាតិកម្ពុជា ទាំងវិញ្ញាសារខាងបុរស ទាំងវិញ្ញាសារខាងស្ត្រី សុទ្ធតែបានឡើង មកដល់វគ្គផ្ដាច់ព្រ័ត្រ នៃការប្រកួត «Trophée L'Equipe» នេះ ដែលប្រព្រឹត្តិទៅ នៅក្រុង តួរ៍ (Tours) ភាគកណ្ដាលប្រទេសបារាំង ក្នុងយប់ថ្ងៃទី១៤ ខែតុលា [...]

ឥណ្ឌូនេស៊ី​ដាក់​បេក្ខភាព ដើម្បី​ទទួល​រៀបចំ​កីឡា​អូឡាំពិក​ឆ្នាំ២០៣២

ឥណ្ឌូនេស៊ី​ដាក់​បេក្ខភាព ដើម្បី​ទទួល​រៀបចំ​កីឡា​អូឡាំពិក​ឆ្នាំ២០៣២

លោក ចូដូ វីដូដូ (Joko Widodo) ប្រធានាធិបតីឥណ្ឌូនេស៊ី បានថ្លែងឡើងថា៖ «ជាមួយនឹងបទពិសោធន៍ ដែលទទួលបាន យ៉ាងក្រាសក្រែល នៅក្នុងការរៀបចំកីឡា អាស៊ានហ្គេម (Asian Games) លើកទី១៨នេះ ប្រទេស [ឥណ្ឌូនេស៊ី] ពិតជាមានសមត្ថភាព ក្នុងការរៀបចំព្រឹត្តិការណ៍កីឡា ដែលមានទំហំធំ ជាលក្ខណៈអន្តរជាតិ»។

ប្រធានាធិបតី ចូដូ វីដូដូ បានបន្តថា៖ «ប្រទេសឥណ្ឌូនេស៊ី នឹងដាក់បេក្ខភាព ដើម្បីទទួលរៀបចំកីឡាអូឡាំពិក ឆ្នាំ២០៣២»។

នៅមុនការប្រកាសខាងលើ លោកប្រធានាធិបតី វីដូដូ បានជួបជាលក្ខណៈត្រីភាគី ជាមួយលោក «Thomas Bach» ប្រធានគណៈកម្មការកីឡាអូឡាំពិកអន្តរជាតិ និងព្រះអង្គម្ចាស់ «Ahmad Al-Fahad Al-Sabah» ប្រធានគណៈកម្មការកីឡាអូឡាំពិក ប្រចាំទ្វីបអាស៊ី។

សម្រាប់លោក «Thomas Bach» វិញ បានថ្លែងបញ្ជាក់ថា៖ «ខ្ញុំចង់សំដែងការសាទរ លោកប្រធានាធិបតី [ចូដូ វីដូដូ] ចំពោះភាពជោគជ័យ ដ៏ធំធេង ចំពោះកីឡាករ [...]

កីឡា​អូឡាំពិក​ពិភពលោក ​ឆ្នាំ​២០២៤​ធ្វើ​នៅ​ប៉ារីស ឆ្នាំ២០២៨​ធ្វើ​នៅ​ឡូសអេនជឺឡេស

កីឡា​អូឡាំពិក​ពិភពលោក ​ឆ្នាំ​២០២៤​ធ្វើ​នៅ​ប៉ារីស ឆ្នាំ២០២៨​ធ្វើ​នៅ​ឡូសអេនជឺឡេស

សេចក្ដីសម្រេចជាផ្លូវការ ត្រូវបានប្រកាសឲ្យដឹងហើយ ស្ដីពីទីក្រុង ឬរដ្ឋធានី នៃប្រទេសណាមួយ ដែលត្រូវទទួលភារៈ ជាម្ចាស់ផ្ទះ សម្រាប់ព្រឹត្តិការណ៍ កីឡាអូឡាំពិកពិភពលោក ក្នុងឆ្នាំ២០២៤ និងក្នុងឆ្នាំ២០២៨ ខាងមុខ។ គណៈកម្មាធិការអន្តរជាតិ នៃកីឡាអូឡាំពិក បានសម្រេចដោយការលើកដៃ ជាឯកច្ឆន្ទ ក្នុងរដ្ឋធានី លីម៉ា (ប្រទេសប៉េរូ) ក្នុងថ្ងៃទី១៣ ខែកញ្ញានេះ ផ្ដល់ការទុកចិត្ត ទៅឲ្យរដ្ឋធានី ប៉ារីស ប្រទេសបារាំង និងទីក្រុង ឡូសអេនជឺឡេស សហរដ្ឋអាមេរិក ក្នុងភារៈ​ធ្វើជាម្ចាស់ផ្ទះ ក្នុងព្រឹត្តិការណ៍៤ឆ្នាំម្ដងរបស់ខ្លួន សម្រាប់ឆ្នាំ២០២៤ និងឆ្នាំ២០២៨ខាងមុខ។

ការសម្រេចនេះ ត្រូវបានលោក តូម៉ាស បាច () ប្រធានគណៈកម្មាធិការអន្តរជាតិ នៃកីឡាអូឡាំពិក វាយតម្លៃថា មានលក្ខណៈជា«ប្រវត្តិសាស្ត្រ»។ លោកបានពន្យល់ពីមូលហេតុថា សម្រាប់រដ្ឋធានីប៉ារីស ដែលទទួលបរាជ័យ ក្នុងការដណ្ដើមរៀបចំកីឡានេះ បីដងមកហើយនោះ វាជាការរំលឹក ពីប្រវត្តជាងមួយសតវត្សន៍ [...]

កីឡាករបាល់ទាត់ម្នាក់របស់ក្រុម «Ajax» គាំងបេះដូងពេលកំពុងប្រកួត

កីឡាករបាល់ទាត់ម្នាក់របស់ក្រុម «Ajax» គាំងបេះដូងពេលកំពុងប្រកួត

ការជួបប្រកួត​កាលពីយប់ម៉ិញនោះ មានលក្ខណៈជាមិត្តភាព រវាងក្រុម «Ajax Amsterdam» របស់ប្រទេសហូឡង់ និងក្រុម «Werder Brême» របស់ប្រទេសអាល្លឺម៉ង់ ដើម្បីត្រៀមបើករដូវកាលថ្មី នៅក្នុងប្រទេសហូឡង់។ តែការប្រកួត ដែលធ្វើឡើងក្នុងតំបន់ភ្នំ «Tyrol» នៃប្រទេសអូទ្រីសនេះ បានផ្អាកនៅនាទីទី៧០ ដោយហេតុមកពីកីឡាករ  «Abdelhak Nouri» ខ្សែបម្រើអាយុ២០ឆ្នាំ របស់ក្រុម «Ajax» បានរងគ្រោះនឹងអាការៈ «គាំងបេះដូង»។

កីឡាករវ័យក្មេង បានដួលដេកផ្ទាល់ដី ហើយភ្លាមៗ អាជ្ញាកណ្ដាលបានផ្លុំកញ្ចែផ្អាកការប្រកួត និងហៅក្រុមគ្រូពេទ្យមកពិនិត្យ។ តែអាការៈរបស់កីឡាករ មិនអាចត្រូវសង្គ្រោះ នៅនឹងកន្លែងបានឡើង ដែលចាំបាច់ត្រូវការអន្តរាគមន៍ ពីឧទ្ធម្ភាគចក្រ​សង្គ្រោះបន្ទាន់។

នៅប៉ុន្មានម៉ោងក្រោយមក ក្រុមបាល់ទាត់ «Ajax» បានប្រកាសឲ្យដឹង នៅលើទំព័រទ្វីសធើររបស់ខ្លួនថា កីឡាករ «Abdelhak Nouri» ដែលកំពុងសម្រាកព្យាបាល នៅក្នុងមន្ទីរពេទ្យ [...]

ហ៊ុន សែន ឲ្យ​គូ​ប្រកួត​មើល​ស្នាដៃ​លោក វាយ​កូន​គោល

ហ៊ុន សែន ឲ្យ​គូ​ប្រកួត​មើល​ស្នាដៃ​លោក វាយ​កូន​គោល

ចង់ប្រកួតវាយកូនគោល (Golf) ជាមួយលោកនាយករដ្ឋមន្ត្រី ហ៊ុន សែន ផងឬ? សូមមើលការបញ្ចេញ​ស្នាដៃ​របស់​លោក ដែល«អង្គុយ»​វាយកូន​គោល​នេះ ពី​ចំងាយ និង​ចូលរន្ធ (ឡូ) យ៉ាងអស្ចារ្យ។ ការវាយបញ្ចូល​បាន​យ៉ាង​ល្អ​​បែប​​នេះ បើទោះជាអតីតជើងឯកពិភពលោក ជាតិអាមេរិក ថៃហ្គើ វូដ (Tiger Woods) ក៏ប្រហែល​ត្រូវ​សុំ​ខ្មាស​ដែរ។

នៅជាមួយនឹងវីដេអូ នៃការវាយបញ្ចូលរន្ធ (ដាក់ជូនខាងក្រោម) ដែលលោកបង្ហោះ នៅលើ​ទំព័រ​ហ្វេសប៊ុក​របស់​លោក ប្រមុខដឹកនាំរដ្ឋាភិបាលកម្ពុជា បាន​សរសេរឲ្យគូប្រកួតរបស់លោក មើលពីក្បាច់អង្គុយ ​វាយ​កូន​គោល​នេះ ដូច្នេះ​ថា៖ «គូប្រកួតរបស់ខ្ញុំចង់ដឹងថា តើខ្ញុំអាចអង្គុយ វាយបាល់​បញ្ចូល​ឡូ​បាន​ឬទេ?»។

លោក ហ៊ុន សែន បានបន្ថែមថា៖ «ជូនមើលតាមបំណង»៕

 

[...]



ប្រិយមិត្ត ជាទីមេត្រី,

លោកអ្នកកំពុងពិគ្រោះគេហទំព័រ ARCHIVE.MONOROOM.info ដែលជាសំណៅឯកសារ របស់ទស្សនាវដ្ដីមនោរម្យ.អាំងហ្វូ។ ដើម្បីការផ្សាយជាទៀងទាត់ សូមចូលទៅកាន់​គេហទំព័រ MONOROOM.info ដែលត្រូវបានរៀបចំដាក់ជូន ជាថ្មី និងមានសភាពប្រសើរជាងមុន។

លោកអ្នកអាចផ្ដល់ព័ត៌មាន ដែលកើតមាន នៅជុំវិញលោកអ្នក ដោយទាក់ទងមកទស្សនាវដ្ដី តាមរយៈ៖
» ទូរស័ព្ទ៖ + 33 (0) 98 06 98 909
» មែល៖ [email protected]
» សារលើហ្វេសប៊ុក៖ MONOROOM.info

រក្សាភាពសម្ងាត់ជូនលោកអ្នក ជាក្រមសីលធម៌-​វិជ្ជាជីវៈ​របស់យើង។ មនោរម្យ.អាំងហ្វូ នៅទីនេះ ជិតអ្នក ដោយសារអ្នក និងដើម្បីអ្នក !
Loading...