Posts in ‘ពីនេះពីនោះ’ Category

«ចេញ​មួយ​កេស​ហ្មង ឲ្យ​តែ​នរណា​ហៅ! ចេញ​មួយ​កេស!»

«ចេញ​មួយ​កេស​ហ្មង ឲ្យ​តែ​នរណា​ហៅ! ចេញ​មួយ​កេស!»

វាជាសម្លេងរអ៊ូរទាំ របស់បុរសម្នាក់ ដែលធ្វើឡើងបែបកំសាន្ដសប្បាយ តាំងពីច្រើនសប្ដាហ៍​កន្លងមកហើយ ក្នុងន័យដើម្បីបំបែកភាពអផ្សុក និងភាពឯកោរបស់ខ្លួន។ តែសម្លេងនេះ បែរជាបានទាក់ទាញ ចំណាប់អារម្មណ៍ ទៅដល់បណ្ដាជនទូទៅ ដែលទំនងជាបណ្ដាលមក ពីការលើកដាក់សម្លេង និងន័យរបស់វា។

នៅលើបណ្ដាញសង្គម ទាំងប្រុសទាំងស្រី បានយកសម្លេង របស់បុរសរូបនេះ មកត្រាប់ធ្វើកាយវិការតាម រហូតដល់ខ្លះទៀត បានយកសម្លេងនេះ ទៅ «Rap» ដើម្បីបង្កើតជាបទចម្រៀងនោះផង។

ខាងក្រោមនេះ ជាកាយវិការពិសេសៗ ដែលទស្សនាវដ្ដីមនោរម្យ.អាំងហ្វូ សូមដកស្រង់មកជម្រាបជូន៖ 

 

 

សុំទោស បន្ទាប់​ពី​«ថើបថ្ពាល់​និង​ស្ទាប​សុដន់»​អ្នក​កាសែត

សុំទោស បន្ទាប់​ពី​«ថើបថ្ពាល់​និង​ស្ទាប​សុដន់»​អ្នក​កាសែត

នៅខណៈ នាងកញ្ញា «Julieth Gonzalez Theran» មានដើមកំណើត កូឡំប៊ី កំពុងផ្សាយបន្តផ្ទាល់ សម្រាប់បណ្ដាញ​ទូរទស្សន៍​សាធារណៈមួយ របស់ប្រទេសអាល្លឺម៉ង់ ឈ្មោះ «Deutsche Welle» ស្រាប់តែបុរសម្នាក់ បានបង្ហាញខ្លួន ដោយស្ទុះមកថើប ស្ត្រីអ្នកសារព័ត៌មាន។ ហេតុការណ៍បានកើតឡើង ក្នុងថ្ងៃពុធកន្លងមក ចេញពីក្រុង «Saransk» ទីកន្លែងដែលកាលពីមួយថ្ងៃមុន មានការប្រកួត រវាងក្រុម កូឡំប៊ី និងក្រុម ជប៉ុន នៃបាល់ទាត់ពិភពលោក ក្នុងប្រទេសរ៉ូស្ស៊ី។

ត្រឹមតែថើប ដែលគ្មានការយល់ព្រម ពីនរណាម្នាក់នោះ អាចចាត់ទុកថា ជាអំពើបំពានមួយហើយ តែនេះ បុរសនៅប្រើដៃឆ្វេង​របស់ខ្លួន មកក្ដោបសុដន់ របស់ស្ត្រីអ្នកសារព័ត៌មាន​ថែមទៀត នៅពេលចាប់ថើបនោះ។

វីដេអូពីសកម្មភាពនោះ ត្រូវបានបណ្ដាញទូរទស្ស៍ និងស្ត្រីម្ចាស់ខ្លួន យកមកបង្ហោះ នៅលើបណ្ដាញសង្គម បណ្ដាឲ្យមានការចែករំលែក និងប្រតិកម្ម យ៉ាងខ្លាំងក្លា។ នៅ​ចំពោះ ការរីករាលដាលនោះ បុរសខាងលើបានទាក់ទង [...]

ទស្សនិកជន​សេណេហ្គាល់​ទាំង​នេះ បោស​សំអាត​មុន​ចាក​ចេញ​ពី​កីឡដ្ឋាន

ទស្សនិកជន​សេណេហ្គាល់​ទាំង​នេះ បោស​សំអាត​មុន​ចាក​ចេញ​ពី​កីឡដ្ឋាន

ក្រុមកីឡាករ របស់ក្រុមជម្រើសជាតិ សេណេហ្គាល់ មិនទទួលបានចំណាប់អារម្មណ៍តែឯង ដោយសារជ័យជំនះរបស់ក្រុមខ្លួន (២-១) ក្នុងការប្រកួតជុំដំបូង ជាមួយនឹងក្រុម ប៉ូឡូញ កាលពីល្ងាចថ្ងៃអង្គារ ក្នុងកីឡដ្ឋាន «Spartak Stadium» នៃរដ្ឋធានីម៉ូស្គូ នោះទេ។

ប៉ុន្តែ ក្រុមអ្នកគាំទ្រក្រុមជម្រើសជាតិ សេណេហ្គាល់ ដែលហៅខ្លួនឯងថា «Le 12ème Gaïndé» ក៏បានបង្កើតចំណាប់អារម្មណ៍ សម្រាប់ពិភពលោកទាំងមូលដែរ។ នោះ គឺទស្សនិកជន មកពីក្រុម «Le 12ème Gaïndé» បានយកពេលវេលា នៅក្រោយការប្រកួត ដើម្បីបោសសំអាត ទីកន្លែងដែលក្រុមខ្លួន បានអង្គុយ (ឬឈរ) នៅក្នុងកីឡដ្ឋាន ជាជាងការចាកចេញ ដូចទស្សនិកជនផ្សេងទៀត។

កាយវិការនេះ ត្រូវបានកោតសរសើរជាទូទៅ នៅលើបណ្ដាញសង្គម។ អ្នកប្រើប្រាស់បណ្ដាញសង្គមជាច្រើន បានលើកឡើងថា៖ «ជារឿងដ៏ល្អបំផុត ដែលអ្នកឯងបានមើលឃើញ នៅថ្ងៃនេះ»។

រង​ការ​ផាក​ពិន័យ​អស់ ៤៥០០០រៀល ព្រោះ... ម៉ូតូ​ប្រឡាក់​ភក់

រង​ការ​ផាក​ពិន័យ​អស់ ៤៥០០០រៀល ព្រោះ... ម៉ូតូ​ប្រឡាក់​ភក់

«ម៉ូតូប្រឡាក់ភក់» ជាទោសទណ្ឌដែលមានចែង ក្នុង«ច្បាប់ចេញថ្មី» តែមិនដឹងច្បាប់ណាមួយទេ! នេះ ជាការជជែកវែកញែក រវាងម្ចាស់ម៉ូតូ និងក្រុមគ្រួសារ (ឬអ្នកជិតដិត) នៅក្នុងវីដេអូមួយ ដែលត្រូវបានចែករំលែក គួរឲ្យភ្ញាក់ផ្អើល នៅក្នុងបណ្ដាញសង្គម រាប់ចាប់តាំងពីល្ងាចម្សិលម៉ិញមក។

ម្ចាស់ម៉ូតូពាក់អាវលឿង បានអះអាងថា ខ្លួនបានរងការផាកពិន័យ ចំនួន៤៥០០០រៀល ពីសំណាក់នគរបាលចរាចរណ៍ ដែលឈរជើងនៅម្ដុំវត្តកោះ កណ្ដាលរាជធានីភ្នំពេញ។ លោកបានពន្យល់ នៅក្នុងវីដេអូនោះថា៖ «នៅពេលវាចាប់ខ្ញុំហ្នឹង មួកឃ្លុបអី ខ្ញុំមានទាំងអស់ ហើយខ្ញុំសួរថា ចាប់ខ្ញុំរឿងអី? វាថា ម៉ូតូប្រឡាក់ភក់! ខ្ញុំថា ខ្ញុំសុំ[តថ្លៃ]បានឬអត់ ដូចថា បើវាយក៤៥០០០ ខ្ញុំសុំ២៥០០០ បានឬអត់? វាថាអត់បានទេ បើមិនអញ្ចឹង វាឲ្យយកម៉ូតូទៅ [ទុកនៅអាជ្ញាធរ] ខណ្ឌ។»។

បុរសអាវលឿង បានបន្តថា៖ «ខ្ញុំអត់មានខុសអីផង និយាយរួមខ្ញុំហូតឲ្យមើល តាំងពីបណ្ណបើកបរមួយកំប្លេ! វាសួរ [...]

ឆ្មា​ដ៏​កំសត់ ស្លៀក​ពាក់​ក្លាយ​ជា​មហាចោរ​សមុទ្រ​ដ៏​កំណាច

ឆ្មា​ដ៏​កំសត់ ស្លៀក​ពាក់​ក្លាយ​ជា​មហាចោរ​សមុទ្រ​ដ៏​កំណាច

សត្វឆ្មាអង់គ្លេសមួយក្បាល ដែលមានឈ្មោះ «Zénon» ត្រូវបានម្ចាស់វាស្លៀកពាក់បន្ថែមឲ្យ មុននឹងត្រូវបានថតជាវីដេអូ យកមកបង្ហោះនៅពាសពេញបណ្ដាញសង្គម និងបណ្ដាញចែករំលែកយូធូប (Youtube)។ ជាសម្លៀកបំពាក់ និងមួក ដែលម្ចាស់វាឆ្នៃម៉ូដដោយខ្លួនឯង ដោយដកស្រង់តាមតួអង្គ ក្នុងរឿងព្រេងទាំងឡាយ ដែលនិយាយពី «មហាចោរសមុទ្រ» និងដែលមានដៃមួយចំហៀង ជាទំពក់ដែក។

ជាមួយនឹងការឆ្នៃម៉ូដ ដ៏ប៉ិនប្រសព្វ និងការថតវីដេអូ ដោយជ្រើសរើសប្លង់ថត ពីខាងមុខ (ព្រោះពីចំហៀង គេនឹងឃើញសត្វឆ្មា ដើរជើងបួន និងមានកន្ទុយ) បានធ្វើឲ្យ «Zénon» ក្លាយជាតារាមួយ នៅលើប្រព័ន្ធ​អ៊ិនធើណែត ដែលនរណាៗ ទ្រាំមិនចែករំលែករូបភាពវា មិនបាន៕

» វីដេអូ នៃមហាចោរសមុទ្រ «Zénon»៖