ថ្ងៃ១៤កុម្ភៈ៖ ពីបុណ្យនៃក្តីស្រលាញ់មនុស្ស មកជាបុណ្យនៃក្តីស្រលាញ់ធម្មជាតិ
យុទ្ធនាការធម្មជាតិនៃក្តីស្រលាញ់នេះ ត្រូវបានក្រុមយុវជនទាំងនោះ ចំណាយពេលវេលាផ្ទាល់ខ្លួន ក្នុងថ្ងៃឈប់សំរាកពីកាសិក្សា និងថ្ងៃដែលពួកគេ ធ្លាប់តែសប្បាយបំផុតជាមួយគូរស្នេហ៍ ជារៀងរាល់ឆ្នាំនោះ មកចូលរួមបំបែកកូនឈើ រាប់ពាន់ដើមនៅក្នុងវត្តបទមវតី យ៉ាងសប្បាយរីករាយ និងដោយពេញចិត្តទៅវិញ។
ក្រុមយុវជនទាំងនោះ បាននាំចាប់ផ្តើមបំបែកកូនឈើ តាំង ពីម៉ោង៨:៣០ ព្រឹកមកម្លេះ ហើយពួកគេ ធ្វើវាយ៉ាងសប្បាយរីករាយសើចក្អាកក្អាយ មិនរវល់ជាមួយនឹងថ្ងៃបុណ្យ នៃក្តីស្រលាញ់ឡើយ។ ពួកគេបានកំណត់ថា ក្នុងរយៈពេលមួយព្រឹកនេះ ពួកគេនឹងបំបែកឲ្យបាន ១០០០ដើម ទុកសំរាប់ចែកចាយដល់យុវជនណា ឫអង្គការណាមួយ ចង់បានកូនឈើនោះទៅដាំ នៅក្នុងតំបន់ណាមួយក្នុងប្រទេសកម្ពុជា។ ប្រភេទកូនឈើ ដែលពួកគេបានបំបែកនេះ មានតែមួយប្រភេទប៉ុណ្ណោះ គឺដើមរាំងភ្នំ ដោយកូនឈើដទៃទៀត មិនទាន់លូតលាស់អាចបំបែកបាននៅឡើយ។
យុវជន ឡាទីន បាននិយាយប្រាប់ ទស្សនាវដ្តីមនោរម្យ.អាំងហ្វូ [...]