Posts tagged as "Norodom Sihanouk"

ប្រធានគណបក្សរាជានិយម ហ៊្វុនស៊ិនប៉ិច ព្រះអង្គម្ចាស់ នរោត្តម រណឫទ្ធិ ទ្រង់បានមានបន្ទូល ពាក់ព័ន្ធនឹង​បញ្ហាព្រំដែន​ឬផែនទីថា គណបក្សនយោបាយ ពុំគួរយកករណីនេះ មកធ្វើជាការកេងចំណេញ​នយោបាយ​ឡើយ។

ការលើកឡើង របស់ព្រះអង្គម្ចាស់ខាងលើនេះ ហាក់បានបាញ់ត្រង់ ឆ្ពោះទៅគណបក្សសង្គ្រោះជាតិ ដែល​ជាគណបក្សប្រឆាំង ដែលបានយកបញ្ហាព្រំដែន មកធ្វើការជជែកវែកញ៉ែក យ៉ាងផុលផុស នៅក្នុងរយៈពេល​ចុងក្រោយនេះ។ ព្រះអង្គម្ចាស់ រណឫទ្ធិ ថែមទាំងបានបង្ហាញនូវការគាំទ្រ ចំពោះការផ្ទៀងផ្ទាត់ផែនទី ដោយ​រដ្ឋាភិបាលថា ផែនទីទាំអស់ មានលក្ខណៈដូចគ្នា ទាំងស្រុងនោះផងទៀត។

ថ្លែងក្នុងកិច្ចសម្ភាសជាមួយអ្នកសារព័ត៌មាន ក្រោយបញ្ចប់ការបួងសួង នារមណីយដ្ឋានវត្តភ្នំ កាលពីថ្ងៃទី ១១ ខែកញ្ញា ឆ្នាំ២០១៥ (បួងសួងជូនដល់ អ្នកម្នាង អ៊ុក ផល្លា ដែលទើបតែត្រឡប់ មកពីព្យាបាលខ្លួន នៅប្រទេស​ថៃ) ប្រធានគណបក្ស ហ្វុនស៊ីនប៉ិច បានមានបន្ទូលថា បញ្ហាព្រំដែន ឬផែនទីនោះ [...]

ផែនទីសព្វថ្ងៃ ដែលរដ្ឋាភិបាលបាន និងកំពុងប្រើប្រាស់ សុទ្ធសឹងជាផែនទី ដែលទទួលស្គាល់ ដោយអង្គ​អតីត​ព្រះមហាក្សត្រ នរោត្ដម សីហនុ និងព្រះមហាក្សត្រសព្វថ្ងៃ ព្រះនរោត្ដម សីហមុនី។ នេះជាការថ្លែងអះអាង របស់​លោក ផៃ ស៊ីផាន អ្នកនាំពាក្យ និងជារដ្ឋលេខាធិការ ទីស្តីការគណរដ្ឋមន្រ្តី ដែលជាសេនាធិការ​ដ៏​សំខាន់​មួយ នៃរដ្ឋាភិបាលរបស់លោក នាយករដ្ឋមន្ត្រី ហ៊ុន សែន។

សរសេរនៅលើ ទំព័រហ្វេសប៊ុកដ៏ល្បីល្បាញ លោក ផៃ ស៊ីផាន បានអះអាងថា៖ «បើយោងតាមឯកសារ របស់​ព្រះករុណា ព្រះបាទសម្តេច ព្រះនរោត្តម សីហនុ (អតីតព្រះមហាក្សត្រកម្ពុជា) ដែលព្រះអង្គបានឡាយ​ព្រះចុត​ហ្មាយផ្ញើជូន ឯកឧត្តម ផាំ វ៉ាន់ដុង នៅថ្ងៃទី២៧ ខែកញ្ញា ឆ្នាំ១៩៩៩ នោះ ព្រះអង្គបានលើកឡើងថា “ផ្អែកតាម​ផែនទីបារាំង” ហើយសាធារណៈជនបានដឹងឮ ពីការផលិតផែនទី របស់ក្រុមភូមិសាស្ត្រឥណ្ឌូចិនផងដែរ»។

មន្ត្រីអ្នកនាំពាក្យ បានស្រង់ព្រះសំណេរមួយ របស់អតីតព្រះមហាក្សត្រ សីហនុ [...]

«ខ្ញុំមិនដឹងទេ។ មិនដឹងថា ត្រូវទៅនៅឬអត់ទេ មិនដឹងថានៅបាន ឬយ៉ាងណាទេ។ ខ្ញុំមានកូនចៅមើលថែរ ប្រហែល​ជាគេមិនទទួល ឬយ៉ាងណាទេ។ ប្រហែលជាគេទទួល តែអ្នកគ្មានទីពឹងហើយមើលទៅ។ ខ្ញុំមិនដឹង​ច្បាស់ទេក្មួយ។» នេះជាការអះអាង របស់លោកតាម្នាក់ ជាប្រជាពលរដ្ឋ ដែលមានទីលំនៅ ក្បែរមន្ទីរពេទ្យ​រ៉ូស្ស៊ី តបនឹងសំនួរ របស់ទស្សនាវដ្តីមនោរម្យ.អាំងហ្វូ ដែលសួរថា តើលោកតាបានដឹង និងចង់ទៅស្នាក់នៅ ក្នុង​មជ្ឈ​មណ្ឌលព្រះសីហនុរាជ ដែលជាមជ្ឈមណ្ឌល ថែទាំមនុស្សចាស់ដំបូងគេ នៅកម្ពុជានេះឬទេ?

កាលពីព្រឹកថ្ងៃទី៦ ខែសីហា ឆ្នាំ២០១៥នេះ មជ្ឈមណ្ឌលទីមួយ នៅកម្ពុជា ដែលទទួលថែទាំមនុស្សចាស់ ត្រូវ​បានសម្ភោធ និងដាក់ឲ្យប្រើប្រាស់ ក្រោមព្រះរាជាអធិបតី នៃព្រះរាជវត្តមាន នៃអង្គព្រះមហាក្សត្រកម្ពុជា និង​សម្តេចម៉ែ។ អមព្រះរាជដំណើរ ព្រះករុណាព្រះបាទសម្តេច ព្រះបរមនាថ នរោត្តម សីហមុនី ព្រះមហាក្សត្រ​កម្ពុជា និងព្រះរាជមាតាព្រះអង្គ [...]

សង្គ្រាមពាក្យសម្ដី បានចាប់ផ្ដើមផ្ទុះសារជាថ្មី។ បើរដ្ឋាភិបាលកម្ពុជា បានថ្លែងការពារខ្លួន និងការទទួលខុសត្រូវ​របស់ខ្លួន ក្នុងបញ្ហាទឹកដី និងការគ្រប់គ្រងប្រទេសនោះ តែសម្រាប់សមាជិកព្រះញាតិវង្សមួយរូប គឺព្រះអង្គម្ចាស់ ស៊ីសុវត្ថិ ធម្មិកោ វិញ បានអះអាងថា ប្រទេសកម្ពុជាសព្វថ្ងៃ កំពុងតែក្លាយខ្លួន ទៅជាកម្ពុជាក្រោមទីពីរហើយ។ ជាអតីតជំនួយការផ្ទាល់ របស់អតីតព្រះមហាក្សត្រ នរោត្តម សីហនុ រូបនេះ បានថ្លែងយ៉ាងដូច្នេះ នៅក្នុងពិធី​រំលឹក​ខួបលើកទី ៦៦ នៃការបាត់បង់ទឹកដីកម្ពុជាក្រោម កាលពីថ្ងៃទី២ ខែមិថុនា ឆ្នាំ២០១៥កន្លងទៅនេះ ក្នុងវត្ត​ចាស់ រាជធានីភ្នំពេញ។

ព្រះអង្គម្ចាស់ ធម្មិកោ បានលើកយកពី កំហុសចំនួន៤ ដែលជាការទទួលខុសត្រូវរបស់រដ្ឋាភិបាល ក្នុងនោះ៖

• ទីមួយ «ប្រព័ន្ធអងប់រំ»៖ ដែលប្រព័ន្ធមួយនេះ បាននឹងកំពុងបំផ្លាញ ការចេះដឹងរបស់ប្រជាពលរដ្ឋ តាម​រយៈការផ្តល់សញ្ញាបត្រ ដែលគ្មានតម្លៃ។ ជាពិសេស រដ្ឋាភិបាលមិនបានយកថ្ងៃ [...]

ក្រដាស​ប្រាក់​១០០​រៀល​ប្រភេទ​ថ្មី ដែល​មាន​រូប​ព្រះ​ពុទ្ធ និង​ព្រះ​សង្ឃ ដែល​បាន​បោះពុម្ព និង​ប្រកាស​ឱ្យ​ចរាចរណ៍​នៅ​លើ​ទីផ្សារ​បច្ចុប្បន្ន​នេះ ត្រូវ​បាន​សហព័ន្ធ​និស្សិត​បញ្ញ​វន្ដ​កម្ពុជា ទទូចឱ្យ​បញ្ឈប់​ចរាចរណ៍​ជា​បន្ទាន់ ដើម្បី​ជា​ការ​គោរព​ដល់​ព្រះ​ពុទ្ធ​សាសនា។

សេចក្ដី​ថ្លែង​ការណ៍​របស់​សហព័ន្ធ​និស្សិត​បញ្ញវន្ត​កម្ពុជា ចេញ​ថ្ងៃ​ទី១៦ ខែ​មករា បាន​ឱ្យ​ដឹង​ថា​ព្រះ​ពុទ្ធ​សាសនា​គឺ​ជា​សាសនា​របស់​រដ្ឋ ដែល​ប្រជាជន​ខ្មែរ​គោរព​បូជា។ ព្រះ​ពុទ្ធ​ត្រូវ​បាន​ប្រជា​ពលរដ្ឋ​ខ្មែរ​ទូទៅ ដាក់​តំកល់​ព្រះ​ពុទ្ធ​រូប ព្រះ​ធម៌ និង​ព្រះ​សង្ឃ ដើម្បី​រម្លឹក​ដល់​គុណ​ព្រះ​ពុទ្ធ។ ការ​ដាក់​រូប​ព្រះ​លើ​លុយ គឺ​ជា​រូបភាព​មួយ​ហាក់​បី​ដូច​មិន​ឱ្យ​តម្លៃ​ព្រះ​ពុទ្ធ​រូប ព្រះ​សង្ឃ និង​កំពុង​ធ្វើ​ឱ្យ​ប្រជា​ពលរដ្ឋ​ខ្មែរ ឆ្ពោះ​ទៅ​រក​ការ​ប្រមាថ​ព្រះ​របស់​ខ្លួន​ឯង ដោយ​មិន​ដឹង​ខ្លួន​អញ្ចឹង​ដែរ។