ថ្នាក់ដឹកនាំ នៃសហព័ន្ធបាល់ទាត់ពិភពលោក បាននិយាយកាលពីថ្ងៃសុក្រថា «ហ្វីហ្វា (FIFA)កំពុងគ្រោងនូវការពិភាក្សា ពីសំណើរពិតប្រាកដមួយ សំរាប់ប្រយុទ្ធប្រឆាំង នឹងការប្រកាន់ពូជសាសន៏ នៅពេលពីរបីខែខាងមុខនេះ ហើយមាន​គម្រោងដាក់ឲ្យអនុវត្តនៅក្នុងខែឧសភា។»

នៅពីមុខច្រកចូល នៃអាគារសហព័ន្ធបាល់ទាត់ពិភពលោក។

សហព័ន្ធបាល់ទាត់ពិភពលោក ហៅកាត់ថាហ្វីហ្វា (FIFA ) បានបន្ត យ៉ាងដូច្នេះ «សំណើរនោះ នឹងត្រូវពិភាក្សាដោយ​គណះកម្មាធិការប្រតិបត្តិរបស់ហ្វីហ្វា ក្នុងកិច្ចប្រជុំបន្ទាប់នាខែមិនា។ ហើយបន្ទាប់មក នឹងដាក់បង្ហាញក្នុងការប្រជុំប្រចាំឆ្នាំ ក្នុងប្រទេសម៉ូរីទូស (Mauritius) នាខែឧសភា ដែលសង្ឃឹមថា នឹងបានចប់រួចរាល់ជាផ្លូវការ»។

លោក សេប ប្លាទ័រ (Sepp Blatter) នាយកហ្វីហ្វា ក៏បានយល់ស្រប នឹងការប្រជុំពីយុទ្ធសាស្ត្ររបស់គណះកម្មាធិការដែរ។ គាត់និយាយថា «ខ្ញុំពិតជាពេញចិត្តខ្លាំងណាស់ ជាមួយនឹង គំនិតវិវត្តថ្ងៃនេះ ហើយខ្ញុំរង់ចាំការពិភាក្សា ជាមួយនឹង​គណៈកម្មាធិការប្រតិបត្តិនៅខែក្រោយ។ បំណងរបស់យើង គឺដើម្បីបង្ហាញវា ក្នុងការប្រជុំនាប្រទេសម៉ូរីទូសក្នុងខែឧសភា នឹងធ្វើឲ្យវា ក្លាយជាការពិត។ ប្រាកដណាស់ ការអនុម័តយ៉ាងខ្លាំងក្លា ក៏ប្រហែលជាមាន ការប្រឆាំងផងដែរ»។

តែទោះជាយ៉ាងណាក៏ដោយ ហ្វីហ្វាមិនទាន់បានវិនិច្ឆ័យល្អិតល្អន់ ទៅលើសំណើរទាំងនេះនៅ ឡើយទេ។

លោកប្លាទ័របានផ្តល់ការណែនាំ ពីពេលមុនថា ចំណុចទាំងនោះនឹងកាត់បន្ថយ ហើយការពិន័យ នឹងនៅតែអនុម័ត​ចំពោះ​ក្រុមទាំងឡាយណា ដែលក្រុមអ្នកគាំទ្រពួកគេ ត្រូវបានរកឃើញ ពីកំហុសឆ្គងនៃឥរិយាបថ«ប្រកាន់ពូជសាសន៏»។

សូមរំលឹកឡើងវិញថា ប្រិយមិត្តអ្នកគាំទ្រ របស់ក្រុមជំរើសជាតិប៊ុលការី ធ្លាប់បានធ្វើការប្រមាថ ដល់កីឡាករ​សញ្ជាតិ​ដិនម៉ាក ខណៈ ប្រិយមិត្តអ្នកគាំទ្ររបស់ក្រុមជំរើសជាតិហុងការី ធ្លាប់បានរកឃើញថាមានកំហុស ក្នុងការប្រើ​ឥរិយាប​ប្រឆាំងជ្វីហ្វ កាលពីប្រកួតជាមួយក្រុមអ៊ីស្រាអ៊ែល។ ក្រុមទាំងនោះ ទើបតែអាចទៅប្រកួតជម្រុះ ក្នុងពានរង្វាន់បាល់ទាត់ ពិភពលោកឡើងវិញ ក្រោយពីមានការប្រជុំបិទទ្វាជិតមួយ៕

--------------------------------------------
ដោយ៖ វិន ជីវ័ន្ត - ភ្នំពេញ ថ្ងៃទី១៦ ខែកុម្ភះ ឆ្នាំ២០១៣
ប្រភព៖ រ៉យទ័រ
រក្សាសិទ្ធិគ្រប់យ៉ាងដោយ៖ មនោរម្យព័ងអាំងហ្វូ