យ៉ាងណាក៏ដោយ កញ្ញា ធី សុវណ្ណថា និងលោក ស្រី ចំរើន ត្រូវបានក្រុមគ្រួសារសព ជម្លៀសឲ្យ​​ចូល​ក្នុង​បន្ទប់ របស់​ភរិយា​លោក កែម ឡី ដើម្បីបញ្ជៀសអំពើហិង្សា។ បន្ទាប់មក ក្រុមគ្រួសារសព និងព្រះសង្ឃជាច្រើនអង្គ បានហែរហមអ្នកទាំងពីរ នាំទៅចូលរថយន្តវិញ មុននឹងអ្នកទាំងពីរ បានបើករថយន្តចាកចេញ ពីកន្លែង​កើត​ហេតុ។

ហេតុការណ៍បានកើតឡើង ខណៈយុវជនល្បីឈ្មោះទាំងពីរ បានព្យាយាមចូលទៅរំលឹកវិញ្ញាក្ខន្ធ សពលោក កែម ឡី ដែលកំពុងត្រូវបានតំកល់ធ្វើបុណ្យ នៅវត្តចាស់ ក្នុងសង្កាត់ជ្រោយចង្វា រាជធានីភ្នំពេញ។ ប្រជា​ពលរដ្ឋ​ជា​ច្រើននាក់ ដែលមានវត្តមាននៅក្នុងពិធីបុណ្យនោះ បានផ្ទុះប្រតិកម្មខ្លាំងៗ ដាក់អ្នកទាំងពីរ ហើយ​មួយ​ចំនួន​ពី​ក្នុងចំណោមនោះ បានដោះស្បែកជើង ស្វាគមន៍យ៉ាងចាស់ដៃ ទៅលើតារាហ្វេសប៊ុក។

រូបភាពជាវីដេអូជាច្រើន ត្រូវបានយកមកបង្ហោះ នៅលើបណ្ដាញសង្គម និងទទួលបានការចែករំលែក យ៉ាង​សន្ធឹកសន្ធាប់។

នៅលើទំព័រហ្វេសប៊ុកផ្លូវការ កញ្ញា ធី សុវណ្ណថា បានសរសេរប៉ុន្មានឃ្លា ដោយទំនងជាប្រតិកម្ម នឹង​ហេតុការណ៍​នោះ​ថា៖ «ទោះជាខ្ញុំដឹងថា មានឧបសគ្គ និងមានការវាយប្រហារខ្ញុំ (ក៏ដោយ) តែខ្ញុំត្រូវតែ​ទៅ​ដុត​ធូប លាលោកពូ កែម ឡី លើកចុងក្រោយ»។

បន្ទាប់មកទៀត តារាហ្វេសប៊ុកវ័យក្មេង ដែលធ្លាប់គាំទ្រគណបក្សសង្គ្រោះជាតិរូបនេះ បានសរសេរ​ហៅ​ក្រុម​ពលរដ្ឋ​ទាំង​នោះ ថាកំពុង«កាងសព»លោក កែម ឡី។ កញ្ញា ធី សវណ្ណថា បានសរសេរថា៖ «ក្រុម CNRP ដែល​រិះគន់ ជេរគាត់ បែជាមកតាំងខ្លួនជាអ្នកស្រលាញ់ គោរពគាត់ និងលើកគ្នា មកកាងសពគាត់ រារាំង​ដេញ​ខ្ញុំ មិន​ឲ្យ​គោរព​សព​គាត់»៕

-------------

» វីដេអូទាក់ទងនឹងហេតុការណ៍នេះ ដែលត្រូវបានបង្ហោះ នៅលើបណ្ដាញសង្គម៖