ទោះបីជាដឹងថា នៅពេលលួចគេ ត្រូវមានការប្រុងប្រយ័ត្ន ព្រោះពេលបានវាគ្រាន់ ពេលគេទាន់វាក្រែលក៏ដោយ ក៏នៅតែបន្តសកម្មភាព របស់ខ្លួនបន្តទៀត ដោយគ្មានក្រែងរអា។ ជនសង្ស័យវ័យក្មេងម្នាក់ ត្រូវបានក្រុមអាជ្ញាធរ ស្គាល់ឈ្មោះថា រឹម សុវណ្ណារ៉ុង អាយុ ២១ ឆ្នាំ ស្នាក់នៅភូមិស្ពានខ្ពស់ សង្កាត់គីឡូម៉ែតលេខ៦ ខណ្ឌឬស្សីកែវ រាជធានីភ្នំពេញ និងធ្លាប់បានជាប់គុក ២លើករួចមកហើយ។ បូកទាំងលើកនេះ នេះជាការចាប់ខ្លួនលើកទី៣។

នគបាលប៉ុស្ត៍ឬស្សីកែវ បានឲ្យដឹងថា ហេតុការណ៍បានកើតឡើង កាលពីវេលាម៉ោង៣ និង៣០នាទីទៀបភ្លឺ ថ្ងៃ​ទី១៦ ខែមិថុនា ឆ្នាំ ២០១៥។ មុនពេលកើតហេតុ ជនល្មើសបានគាស់ទ្វារ ចូលក្នុងផ្ទះជនរងគ្រោះ ស្ថិតនៅផ្លូវ​លេខ​១០៥ ភូមិបឹងសាឡាងសង្កាត់ ឬស្សីកែវខណ្ណ័ ឬស្សីកែវ រាជធានីភ្នំពេញ ហើយទើបតែលួចបាន ទូរសព្ទ័ ២​គ្រឿង​ធុន ណូគាx២មួយ និងមិតហ្វូនមួយគ្រឿង ស្រាប់តែម្ចាស់ផ្ទះ ដែលមិនប្រាប់ឲ្យដឹង ពីអត្តសញ្ញាណនោះ បាន​ភ្ញាក់​ទាន់ នៅពេលធ្វើសកម្មភាព។

មន្ត្រីសមត្ថកិច្ចរូបនោះ បានថ្លែងបន្តថា ម្ចាស់ផ្ទះបានស្រែកឆោឡោ ឲ្យអ្នកជិតខាងជួយ ខណៈពេលកម្លាំង​បញ្ជា​ការពារ កំពុងដើល្បាតនៅពេយប់ បានសហកាជាមួយអ្នកភូមិ បឹងសាឡាង ចាប់បានចោរ ដែលរត់គេចចេញ ពី​ផ្ទះ​ជនរងគ្រោះមក។ បន្ទាប់ពីស្ទាក់ជាប់ខកខ្លួននោះ ជនសង្ស័យត្រូវបានអ្នកភូំមិប្រគល់ខ្លួន ទៅឲ្យសមត្ថកិច្ច យក​ទៅ​ឃុំ​ខ្លូន ជាបណ្តោះអាសន្ននៅប៉ុស្តិ៍ ដើម្បីសួរនាំបញ្ជូនសុំនុំរឿងទៅតាមផ្លូវច្បាប់៕