បងប្អូនភ្លោះ ជាតិអ៊ីតាលី ឌីណូ (Dino) និង ដារីយ៉ូ ហ្វែរ៉ារី (Dino Ferrari) បានចាប់បានត្រីអណ្ដែងយក្សមួយ មានប្រវែង​បណ្ដោយ ២,៦៧ម៉ែត្រ និងទំងន់១២៧គីឡូក្រាម នៅក្នុងស្ទឹងប៉ូ កាល់ពីថ្ងៃទី១៩ ខែកុម្ភៈកន្លងទៅ។

បន្ទាប់ពីដំណឹង និងរូបភាពត្រូវបានផ្សព្វផ្សាយ អ្នកផង និងប្រព័ន្ធផ្សព្វផ្សាយនៅអ៊ីតាលី បានហៅត្រីអណ្ដែង ដែលចាប់​បាន​នេះ ថាជា«សត្វចម្លែកនៃស្ទឹងប៉ូ»។

បន្ទាប់ពីបានតស៊ូ ដោយប្រើរយៈពេលប្រមាណជាង ៤០នាទី ដើម្បីយកត្រីនេះឡើងមកលើគោកនោះ បុរសបងប្អូន​ទាំង​ពីរ គ្រាន់តែយកសត្វត្រីនេះ មកថតរូបទុកជាអនុស្សាវរីយ៍ប៉ុណ្ណោះ មុននឹងព្រលែងវា ឲ្យចូលទៅក្នុងស្ទឹងវិញ។ ស្ទឺងប៉ូ ដែល​ហូរចាក់ ឆ្ពោះទៅកាន់សមុទ្រមេឌីទែរ៉ាណេ ភាគខាងកើតប្រទេសអ៊ីតាលី ឬហៅឆកសមុទ្រ អាឌ្រីយ៉ាទីក (Adriatique)។

បើតាមលោក ដារីយ៉ូ ហ្វែរ៉ារី បានថ្លែងឲ្យដឹងថា សត្វត្រីនោះ មានអាយុប្រមាណជា ៣០ឆ្នាំហើយ ហើយ​សត្វត្រី​ប្រភេទ​នេះ អាចរស់បានប្រមាណជា៥០ឆ្នាំ៕