Posts in ‘នយោបាយ’ Category

អតីតមន្ត្រីសិទ្ធិមនុស្ស លោក នី ចរិយ៉ា ដែលបច្ចុប្បន្នមន្រ្តី គ.ជ.ប និងមន្ត្រីសិទ្ធិមនុស្ស៤រូបទៀត រួមមាន លោក ណៃ វ៉ង់ដា - លោក យី សុខសាន្ត - លោក នី សុខា និងអ្នកស្រី លឹម មុន្នីុ ត្រូវបានចៅក្រមជំនុំជម្រះ នៃសាលាដំបូងរាជធានីភ្នំពេញ លោក ឌុច សុខសារិន ប្រកាសសាលក្រម នៅរសៀលថ្ងៃទី២៦ ខែកញ្ញា ឆ្នាំ២០១៨នេះ សម្រេចផ្តន្ទាទោស ដាក់ពន្ធនាគារម្នាក់ៗ៥ឆ្នាំ ប៉ុន្តែទោសនេះត្រូវបានព្យួរ ដោយមិនឱ្យអនុវត្តឡើយ។

អតីតមន្ត្រី និងមន្ត្រីសិទ្ធិមនុស្ស មកពីសមាគមអាដហុក ទាំងប្រាំរូប ត្រូវបានចាប់ខ្លួន និងឃុំខ្លួន រាប់ចាប់ពីពាក់កណ្ដាល ឆ្នាំ២០១៦ មុននឹងដោះលែង ឲ្យនៅក្រៅឃុំ ជាបណ្ដោះអាសន្នវិញ នៅថ្ងៃទី២៩ ខែមិថុនា ឆ្នាំ២០១៧។ ពួកគេ ត្រូវបាន​ចោទ​ប្រកាន់ ពី​បទ​សូកប៉ាន់​សាក្សី​ តាម​មាត្រា​២៩​ និង​មាត្រា​៥៤៨ [...]

នៅប៉ុន្មាននាទីខាងមុខ អ្នកស្រី រ៉ូណា ស្មីត (Rhona Smith) អ្នករាយការណ៍ពិសេស អង្គការសហប្រជាជាតិ ​ទទួល​បន្ទុក​បញ្ហា​សិទ្ធិ​មនុស្ស​ ប្រចាំនៅកម្ពុជា នឹងឡើងធ្វើបទបង្ហាញ នៅចំពោះអង្គប្រជុំ នៃក្រុមប្រឹក្សាសិទ្ធិមនុស្ស អង្គការសហប្រជាជាតិ ដែលបើកការប្រជុំប្រចាំឆ្នាំ របស់ខ្លួន នៅឆ្នាំនេះ ពីថ្ងៃទីចាប់ពីថ្ងៃទី១០ ដល់ថ្ងៃទី២៨ ខែកញ្ញា ក្នុងអាគារឧត្ដមស្នងការ នាក្រុងហ្សឺណែវ ប្រទេសស្វីស។ អង្គប្រជុំនេះ នឹងលើកយកស្ថានភាពសិទ្ធិមនុស្ស នៅក្នុងប្រទេសកម្ពុជា មកជជែកពិភាក្សា នៅក្នុងរបៀបវារៈទី១០។

របាយការណ៍បន្ថែមស្តីពីការបោះឆ្នោត នៅក្រុមប្រឹក្សាសិទ្ធិមនុស្សនាទីក្រុងហ្ស៊ឺណែវ។ សូមមើលកិច្ចសន្ទនានៅម៉ោង៥:៥០នាទី ម៉ោងនៅកម្ពុជា | https://t.co/jSTC0GBAuw (2/2)

«ពេលណាខ្ញុំនៅកាន់តំណែង ជានាយករដ្ឋមន្ត្រី ខ្ញុំមិនឲ្យពួកអ្នកសម្លាប់ខ្ញុំបានទេ» នេះ ជាការអះអាងឡើង របស់លោក ហ៊ុន សែន នាយករដ្ឋមន្ត្រីកម្ពុជា នៅលើបណ្ដាញសង្គម កាលពីមុននេះបន្តិច ដែលជាសេចក្ដីសន្និដ្ឋាន ចេញពីការរំលឹកខួបទី២០ នៃព្រឹត្តិការណ៍បង្កៃគ្រាប់រ៉ុក្កែត B40 ចំនួនបួនគ្រាប់ កាលពីឆ្នាំ១៩៩៨ ក្នុងខេត្តសៀមរាប ដែលលោកអះអាងថា ជាគម្រោងធ្វើឃាត ទៅលើរូបលោក នៅពេលនោះ។

បុរសខ្លាំងកម្ពុជា ដែលត្រូវបានសភាឯកបក្ស នីតិកាលថ្មី ជ្រើសតាំងឲ្យនៅបន្តអំណាច បានសរសេររៀបរាប់ថា៖ «នៅម៉ោង៨និង៥២នាទី ថ្ងៃទី ២៤ កញ្ញា ១៩៩៨ មានគ្រាប់រ៉ុក្កែត បេ៤០ មួយគ្រាប់ក្នុងចំណោម៤គ្រាប់ បានហោះសំដៅរថយន្តខ្ញុំ តែមិនបានត្រូវរថយន្តខ្ញុំទេ ហើយជាអកុសល វាបានទៅបុកផ្ទះប្រជាជន នៅម្ខាងផ្លូវ ធ្វើឲ្យប្រជាជនម្នាក់ស្លាប់ និងម្នាក់ទៀត ត្រូវរបួសជាទម្ងន់»។

ព្រឹត្តិការណ៍នៅវេលានោះ ជាការប្រជុំសភា នីតិកាលទី២ [...]

បន្ទាប់ពីប្រទេសម៉ាឡេស៊ី នៅវេលានេះ ប្រជុំកោះម៉ាល់ឌីវ ដែលស្ថិតនៅកណ្ដាលមហាសមុទ្រឥណ្ឌា ក៏កំពុងបដិសេធ​ចោលដែរ នូវការគ្រប់គ្រប់​បែបកណ្ដាប់ដៃដែក នៃប្រធានាធិបតីផុតអាណត្តិ ដោយជ្រើសតាំងជំនួសវិញ ដោយមេដឹកនាំប្រឆាំងមួយរូប គឺលោក «Ibrahim Mohamed Solih»។ មេដឹកនាំប្រឆាំងរូបនេះ បានទទួលជ័យជំនះ នៅក្នុងការបោះឆ្នោតជ្រើសតាំងប្រធានាធិបតី កាលពីថ្ងៃអាទិត្យនេះ ជាមួយនឹងសម្លេងឆ្នោតគាំទ្រ​ ប្រមាណជា៥៨,៣%។

ជ័យជំនះរបស់លោក «Solih» បានកើតឡើងឡើង ជាមួយយុទ្ធនាការឃោសនាបោះឆ្នោត ដែលមានពោរពេញ ដោយភាពចម្រូងចម្រាស់ ដែលក្រុមអ្នកឃ្លាំមើលឯករាជ្យ បានគិតថា វាគ្រាន់តែជាការបោកបន្លំ ដើម្បីផ្ដល់ទម្ងន់ ទៅឲ្យបុរសខ្លាំងរបស់ប្រទេស គឺប្រធានាធិបតីផុតអាណត្តិ លោក «Abdulla Yameen» បាននៅបន្តក្រាញអំណាច ទៅមុខទៀតប៉ុណ្ណោះ។

បើតាមគណៈកម្មាធិការជាតិរៀបចំការបោះឆ្នោត នៃប្រទេសម៉ាលឌីវ បានប្រកាសឲ្យដឹងថា លោក «Solih» ទទួលបានសម្លេងឆ្នោត [...]

មេធាវីការពារក្ដី ឲ្យសមិទ្ធិករភាពយន្ដជាតិអូស្ត្រាលី លោក ជែមស៍ រីកខិតសិន (James Ricketson) ដែលត្រូវបានដោះលែង បន្ទាប់ពីទទួលបានការលើកលែងទោស កាលពីថ្ងៃសុក្រកន្លងមក បានអះអាងនៅថ្ងៃនេះថា កូនក្ដីរបស់លោក នឹងវិលត្រឡប់មកកម្ពុជាវិញ ក្នុងពេលខាងមុខ។ ការអះអាងរបស់លោកមេធាវី គង់ សំអុន បានធ្វើឡើង នៅខណៈពេលលោក ជែមស៍ រីកខិតសិន ត្រូវបានអាជ្ញាធរកម្ពុជា បណ្ដេញ និងបញ្ជូនខ្លួន ចេញពីប្រទេសកម្ពុជា នៅយប់ថ្ងៃសៅរ៍នេះ តាមជើងយន្ដហោះមួយ។

លោក ជែមស៍ រីកខិតសិន ត្រូវបានអាជ្ញាធរកម្ពុជា ចាប់ខ្លួនយកទៅដាក់ឃុំ រាប់ចាប់ពីថ្ងៃទី៧ ខែមិថុនា ២០១៧ មុននឹងត្រូវបានតុលាការ ចោទប្រកាន់លោក នៅពីរថ្ងៃក្រោយមក ពីបទ «ប្រមូលផ្តុំព័ត៌មានជាអាទិ៍ ដែលអាចធ្វើឲ្យអន្តរាយការការ​ពារ​ជាតិ អំពើទទួល ឬប្រមូលផ្តុំដើម្បីផ្តល់ព័ត៌មានវិទ្យា ឬសលាកបត្រដែលអាចធ្វើឲ្យអន្តរាយការការពារជាតិ តាមមាត្រា៤៤៦ នៃក្រមព្រហ្មទណ្ឌកម្ពុជា»​។

ការចាប់ខ្លួននេះ [...]