ជើងឆ្វេង​របស់​លីយ៉ូនែល ម៉េស្សី ថ្លៃ​៤​លាន​អ៊ឺរ៉ូ តែ...ធ្វើ​ពី​មាស

រូបចម្លាក់ទម្ងន់២៥គីឡូក្រាម ក្នុងតម្លៃច្រើនជាង ៤លានអ៊ឺរ៉ូ (ឬប្រមាណជា៥លានដុល្លាអាមេរិក) ជាស្នាដៃចម្លាក់របស់ គ្រឹះស្ថានជប៉ុនដ៏ធំមួយ មានឈ្មោះថា ជីហ្សារ តាណាកា (Ginza Tanaka) ដែលឆ្លាក់តាម ជើងមួយចំហៀងរបស់ កីឡាករបាល់ទាត់ របស់ក្រុមបាសឺឡូណា (FC Barcelone)។ រូបចម្លាក់ជើងមួយចំហៀងនេះ ជានិមិត្តរូប ក្នុងការចូលរួមអបអរសាទរផងដែរ នូវឱកាសដែលកីឡាកររូបនេះ ក្លាយជាម្ចាស់ពានរង្វាន់«បាល់មាស២០១២» លើកទីបួន កាលពីខែមករាកន្លងមក។
  • ដោយ: កេសរ កូល
  • កែប្រែចុងក្រោយ: March 09, 2013
  • ប្រធានបទ:
  • អត្ថបទ: មានបញ្ហា?
  • អាន និងបញ្ចេញយោបល់

រូបចម្លងធ្វើពីមាសសុទ្ធ នៃជើងឆ្វេងរបស់ កីឡាករបាល់ទាត់ លីយ៉ូនែល ម៉េស្សី (Lionel Messi) នឹងត្រូវគេដាក់លក់ ក្នុង​សប្ដាហ៍កន្លងមកនេះ នៅជប៉ុន។ ជារូបចម្លាក់ ដែលបានធ្វើដូចរូបភាពពិតៗ ហើយលំអិតរហូតដល់ឃើញ សសៃរ និង​ជា​ស្បែកមនុស្សពិតៗ ដោយគ្រាន់តែមានពណ៌ជា«មាស»។


ជើងឆ្វេងរបស់កីឡាករធ្វើអំពីមាស៕

រូបចម្លាក់ទម្ងន់២៥គីឡូក្រាម ក្នុងតម្លៃច្រើនជាង ៤លានអ៊ឺរ៉ូ (ឬប្រមាណជា៥លានដុល្លាអាមេរិក) ជាស្នាដៃចម្លាក់របស់ គ្រឹះស្ថានជប៉ុនដ៏ធំមួយ មានឈ្មោះថា ជីហ្សារ តាណាកា (Ginza Tanaka) ដែលឆ្លាក់តាម ជើងមួយចំហៀងរបស់ កីឡាករ​បាល់ទាត់ របស់ក្រុមបាសឺឡូណា (FC Barcelone)។ រូបចម្លាក់ជើងមួយចំហៀងនេះ ជានិមិត្តរូបអបអរសាទរផងដែរ នូវ​ឱកាសដែលកីឡាកររូបនេះ ក្លាយជាម្ចាស់ពានរង្វាន់«បាល់មាស២០១២» លើកទីបួន កាលពីខែមករាកន្លងមក។

សូមបញ្ជាក់ថា នៅក្នុងប្រវត្តបាល់ទាត់ លីយ៉ូនែល ម៉េស្សី ជាកីឡាករដំបូងគេ ដែលទទួលបានពានរង្វាន់«បាល់មាស» ដល់ទៅបួនដងជាប់គ្នា យ៉ាងដូចនេះ។

សហគ្រាសធ្វើគ្រឿងចម្លាក់ បានអោយដឹងថា «ជើងមាស» ត្រូវបានគេដាក់លក់ ចាប់ពិថ្ងៃព្រហស្បត្តិ៍ ទី៧ខែមិនា​កន្លង​មកនេះ ជាមួយនឹងស្នាដៃចម្លាក់ផ្សេងៗទៀត ជាច្រើន តែមានទំហំតូចជាង និងសុទ្ធតែធ្វើពីមាសសុទ្ធ។

ទឹកប្រាក់ដែលទទួលបានមួយផ្នែក នឹងត្រូវប្រគល់ទៅអោយ មូលិធិលីយ៉ូនែល ម៉េស្សី ដែលបង្កើតឡើង ដើម្បីប្រជា​អ្នក​រងគ្រោះ នឹងរលកយក្ស «ស៊ូណាមី» ដែលបានវាយកម្ទេចឆ្នេរសមុទ្រខាងកើត របស់ប្រទេសជប៉ុន កាលពីពីរឆ្នាំមុន។

កីឡាករជាជនជាតិអាហ្សង់ទីនរូបនេះ បានក្លាយជាអ្នកដែលទាត់ចូលទីបានច្រើនជាងគេ ក្នុងប្រវត្តិសាស្ត្របាល់ទាត់ និង​នៅក្នុងប្រវត្តិសាស្ត្ររបស់ក្រុម បាស៊ឺឡូន។ សូមទស្សនាវីដេអូ ស្ដីពីជើងឆ្វេងមាសនេះ ដូចខាងក្រោម៖

--------------------------------------------------
ដោយ ៖ កេសរកូល - ភ្នំពេញ ថ្ងៃទី០៨ ខែមិនា ឆ្នាំ២០១៣
រក្សាសិទ្ធគ្រប់យ៉ាងដោយ៖ មនោរម្យព័ងអាំងហ្វូ


Loading...

អត្ថបទទាក់ទង


មតិ-យោបល់

0 Comments