កម្ពុជា៖ ប្រើវិធីសាស្រ្តបែបអបិយជំនឿ ដើម្បីកាត់បន្ថយគ្រោះថ្នាក់ចរាចរណ៍
បួនលើកមកហើយ ដែលព្រះសង្ឃរាប់ពាន់អង្គ បាននិមន្តសូត្រធម៌ប្រោះព្រំលើដងវិថីសំខាន់ៗ បន្ទាប់ពីមានគ្រោះថ្នាក់ចរាចរណ៌ធំៗ នៅក្នុងទីក្រុងភ្នំពេញ និងតាមបណ្តាខេត្តមួយចំនួនក្នុងប្រទេសកម្ពុជា។
គ្រោះថ្នាក់ចរាចរណ៍មួយ នៅតាមដងផ្លូវមួយ ក្នុងខេត្តស្ទឹងត្រែង។
ការផ្តួចផ្តើមឲ្យមាននូវពិធីនេះឡើង បន្ទាប់ពីគ្រោះថ្នាក់ធំជាច្រើនលើក កើតមាននៅដើមឆ្នាំ២០១៣នេះ ដែលបណ្តាលឲ្យអ្នកបើកបរ និងអ្នកធ្វើដំណើរតាមផ្លូវ រងគ្រោះថ្នាក់ដល់ជីវិត និងរងរបួសធ្ងន់ស្រាល ជាច្រើននាក់។
ប្រធានក្រុមហ្វេសបុកមួយមានឈ្មោះថា ព័ត៌មានជាតិថ្មីៗដោយសេរី និងប្រតិកម្មរហ័យ លោកខ័ណ្ឌ ច័ន្ទសុផល បាននិយាយកាលពីថ្ងៃច័ន្ទ ទី១ ខែមេសា ឆ្នាំ២០១៣ថា លោកជាអ្នករៀបចំ ឲ្យមាននូវការធ្វើពិធីនិមន្តព្រះសង្ឃ សូត្រមន្តប្រោះព្រំនៅតាមផ្លូវ [...]
